Quantcast
Channel: ព័ត៌មានថ្មីបំផុត
Viewing all 8042 articles
Browse latest View live

អភិបាល​ ខណ្ឌមានជ័យ អញ្ជើញចុះ ពិនិត្យមើល ផ្លូវបេតុងមួយខ្សែ នៅភូមិ តាងូវ

0
0

ភ្នំពេញ ៖ ផ្លូវបេតុង មួយខ្សែ ដែលមានប្រវែង១៣៣០ម៉ែត្រ ក្នុងនោះទទឹង៨ម៉ែត្រ កម្រាស់២តឹក ស្ថិត នៅក្នុងភូមិតាងូវ សង្កាត់និរោធ ខណ្ឌមាន ជ័យ នៅរសៀលថ្ងៃទី២៧ ខែធ្នូ ឆ្នាំ២០១២ ត្រូវបានអភិបាលខណ្ឌមានជ័យ លោកគួច ចំរើន ព្រមទាំងមន្ដ្រីសាលាខណ្ឌ និងអាជ្ញាធរមូល ដ្ឋានមួយចំនួនទៀត បានអញ្ជើញចុះទៅត្រួត ពិនិត្យមើលការកសាង ដែលនិងក្លាយជា សមិទ្ធផលថ្មី ជូនដល់ប្រជាពលរដ្ឋ នៅក្នុង ភូមិតាងូវ ។

លោកគួច ចំរើន បានថ្លែងឱ្យដឹងថា ផ្លូវ បេតុងមួយខ្សែ ដែលមានប្រវែងជាង១គីឡូ ម៉ែត្រខាងលើនេះ និងត្រូវកសាងឡើងតាម រូបមន្ដ៥០បូក៥០ ពោល លុយពាក់កណ្ដាល ត្រូវបានចំណាយពីរដ្ឋ និងលុយពាក់កណ្ដាល ទៀតជាការរៃអង្គាសពីសំណាក់ប្រជាពលរដ្ឋ នៅក្នុងមូលដ្ឋាន ហើយថវិកាដែលត្រូវកសាងផ្លូវមួយខ្សែនេះ បានចំណាយអស់ជាង៣០ម៉ឺនដុល្លារ។

អភិបាលខណ្ឌមានជ័យ បានថ្លែងថា ផ្លូវ ពីរខ្សែត្រូវបានធ្វើរួចរាល់ ហើយដាក់ឱ្យប្រើ ប្រាស់ជាផ្លូវការ សម្រាប់ប្រជាពលរដ្ឋនៅ ក្នុងមូលដ្ឋាន ហើយនេះជាសមិទ្ធផលថ្មីមួយ ទៀត សម្រាប់ប្រជាពលរដ្ឋក្នុងការធ្វើដំណើរ ប្រចាំថ្ងៃ ។

លោកគួច ចំរើន បានអំពាវនាវឱ្យប្រជា ពលរដ្ឋ នៅក្នុងមូលដ្ឋានទាំងអស់ ត្រូវចូល រួមសហការក្នុងការថែរក្សាផ្លូវមួយខ្សែខាង លើនេះ ដើម្បីផលប្រយោជន៍រួម ទាំងអស់ គ្នា ។

លោកអភិបាលខណ្ឌ បានបន្ដថា ថ្នាក់ដឹក នាំនិងមន្ដ្រីជាន់ខ្ពស់ទាំងអស់ នៃរាជរដ្ឋាភិ បាលកម្ពុជា តែងតែយកចិត្ដទុកដាក់ ចំពោះ ជីវភាពរស់នៅរបស់ប្រជាពលរដ្ឋទូទាំងប្រទេស និយាយដោយឡែក និយាយរួមសម្រាប់ខណ្ឌមានជ័យ សាលាខណ្ឌ និងស្វាគមន៍ ចំពោះការសំណូមពរនិងដោះស្រាយរាល់បញ្ហាដែលកើតមានឡើងសម្រាប់ប្រជាពលរដ្ឋ នោះ ។

លោកគួច ចំរើន បានស្នើឱ្យក្រុមបច្ចេក ទេស ដែលកសាងផ្លូវមួយខ្សែនេះ មិនត្រូវ មានការកេងប្រវញ្ច័ ដើម្បីផលប្រយោជន៍ ផ្ទាល់ខ្លួននោះឡើយ ពោលត្រូវធ្វើផ្លូវខាងលើនេះ ប្រកបដោយស្ដង់ដារ និងលក្ខណៈបច្ចេកទេសឱ្យបានត្រឹមត្រូវ។

ប្រធានការិយាល័យសាធារណការ និង ដឹកជញ្ជូនខណ្ឌមានជ័យ លោកឡាយ ជ ដែលមានវត្ដមានក្នុងការត្រួតពិនិត្យផ្លូវមួយខ្សែនេះ ក្រុមការងាររបស់លោក បានចូលរួមសហការជាមួយក្រុមបច្ចេកទេស ដើម្បីសម្រេចបានផ្លូវមួយខ្សែខាងលើ នាពេលឆាប់ៗខាងមុខនេះ ដើម្បីផ្ដល់ជូន ប្រជាពលរដ្ឋជាសមិទ្ធផលថ្មីមួយទៀត។

www.dap-news.com

www.dap-news.com

www.dap-news.com

www.dap-news.com


ខឹងប្តីមិនទៅ ស្រែជាមួយ ទិញសាំងចាក់ ដុតប្តីទាំងរស់

0
0

ភ្នំពេញ៖ ស្រ្តីជាប្រពន្ធម្នាក់ បានទៅទិញ សាំងមកចាក់ និងដុតប្តីរបស់ខ្លួន ដោយសារតែខឹងប្តី មិនទៅស្រែ ជាមួយ ហើយស្រវឹង ស្រាដេកនៅក្នុងផ្ទះកាល ពីវេលាម៉ោង ៣៖៥៥នាទី រសៀលថ្ងៃទី២៧ ខែធ្នូ ឆ្នាំ២០១២ ស្ថិតនៅភូមិធំខាងត្បូង សង្កាត់ពញាពន់ ខណ្ឌសែនសុខ ហើយប្តី ត្រូវបាន សាច់ញាតិ និងសមត្ថកិច្ច មូលដ្ឋាន ជួយដឹកបញ្ជូន ទៅកាន់មន្ទីរពេទ្យ កាល់ម៉ែត ភ្លាមៗ។

សេចក្តីរាយការណ៍ ពីនាយនគរបាលប៉ុស្តិ៍ មូលដ្ឋាន បានឲ្យដឹងថា ស្រ្តីជាប្រពន្ធ មានឈ្មោះ ចន សារ៉ន អាយុជាង៤០ឆ្នាំ រីឯប្តីមានឈ្មោះ ឃិន ណែត អ្នកទាំងពីររស់នៅ ក្នុងភូមិសង្កាត់កើតហេតុ ខាងលើ ។

សមត្ថកិច្ច បានបន្តថា មុនពេលកើតហេតុ ជនរងគ្រោះជាប្តី បានផឹកស្រា ជាមួយអ្នកភូមិ ខណៈទៅលីស្រូវ ហើយពេលមកដល់ផ្ទះ ក៏ចូលដេក។ ពេលនោះ ក៏ត្រូវប្រពន្ធ ហៅឲ្យទៅ ស្រែជាមួយគ្នា ប៉ុន្តែប្តីឆ្លើយថា ចាំបន្តិច នឹងឲ្យប្រាប់ប្រពន្ធឲ្យទៅមុន ។

សមត្ថកិច្ចបានបន្តថា ភ្លាមៗនោះ ស្រ្តីជាប្រពន្ធ បានទៅទិញសាំង មកចាក់ និងដុតលើប្តីរបស់ខ្លួន បណ្តាលឲ្យរលាក ហើយត្រូវបាន ដឹកបញ្ជូនទៅ កាន់មន្ទីរពេទ្យ កាល់ម៉ែត តែម្តង។ ក្រោយកើតហេតុ ស្រ្តីជាប្រពន្ធ បានរត់គេចខ្លួន ហើយសមត្ថកិច្ច មិនទាន់ចាប់ខ្លួនបាននៅឡើយទេ រហូតមកដល់ ល្ងាចថ្ងៃដដែលនេះ៕

សន ផល្លីកា ចូលរួមជាភ្ញៀវ កិត្តិយសកម្មវិធី "តារាក្នុងដួងចិត្តខ្ញុំ"សប្តាហ៍នេះ

0
0

ភ្នំពេញៈ តារាចម្រៀងវ័យក្មេង ដែលជាពន្លកថ្មី ក្នុងផលិតកម្ម Big man កញ្ញា សន ផល្លីកា នឹងចូលរួមជា ភ្ញៀវកិត្តិយស នៅក្នុងកម្មវិធី "តារាក្នុងដួងចិត្តខ្ញុំ"នៃស្ថានីយវិទ្យុដើមអម្ពិល អេហ្វអឹម 93. 75 មេហ្គាហឺត នៅថ្ងៃសុក្រ ទី២៨ ឆ្នាំ២០១២ នេះ។

ក្នុងកម្មវិធី "តារាក្នុងដួងចិត្តខ្ញុំ" មានផ្សាយជូន ជារៀងរាល់ថ្ងៃសុក្រ វេលាម៉ោង២និង១០នាទី រហូតដល់ ម៉ោង ៣រសៀល នៅក្នុងកម្មវិធីរៀងរាល់សប្តាហ៍ មានការអញ្ជើញចូលរួម ពីសិល្បករ និងសិល្បការិនី ដែលមាន ឈ្មោះ បោះសំឡេង នៅក្នុងប្រទេសកម្ពុជា ចូលរួមជាភ្ញៀវកិត្តិយសផងដែរ។

នៅក្នុងសប្តាហ៍នេះ នឹងមានវត្តមានតារាចម្រៀងដែលជាម្ចាស់បទ “ សង្សារខ្ញុំក្លាយជាសង្សារមិត្តភក្តិ”កញ្ញា សន ផល្លីកា ចូលមកបកស្រាយដំណើរដើមទង នៃការចូលប្រឡូកក្នុង វិស័យសិល្បៈ ក៏ដូចជាចូលរួម ចែក រំលែក បទពិសោធន៍ និងភាពជោគជ័យផ្ទាល់ ដែលនាងធ្លាប់បានហែលឆ្លងកន្លងមក ដល់ប្រិយមិត្តអ្នក ស្តាប់ថែមទៀតផង ។

ជុំវិញចម្ងល់ទាំងនេះ នឹងបង្ហាញឲ្យប្រិយមិត្តដឹង នៅក្នុងកម្មវិធី "តារាក្នុងដួងចិត្តខ្ញុំ" ហើយប្រិយមិត្ត ក៏អាច ទូរស័ព្ទសាកសួរ ក៏ដូចជាជជែកកម្សាន្ត ជាមួយតារាកិត្តិយស ដោយគ្រាន់តែទាក់ទងតាមប្រព័ន្ធទូរស័ព្ទ ចំនួន ៤ខ្សែ គឺលេខ 088 863 633 8, 092 942 955 ,015 595 435, 010 673 385 ។

សូមជម្រាបផងដែរថា តារាចម្រៀងស្រីស្រស់វ័យក្មេង រាងតូចច្រឡឹងដែលមានដើមទ្រូង ទ្រលុកទ្រលន់ កញ្ញា សន ផល្លីកា ជាតារាចម្រៀង ចំណូលថ្មីរបស់ផលិតកម្ម Big Man ។ រយៈពេល១ឆ្នាំហើយនាងបាន ធ្វើឲ្យ ទស្សនិកជនស្គាល់តាមរយៈបទ “សង្សារខ្ញុំក្លាយជាសង្សារ មិត្តភក្តិ, មាននិស្ស័យគ្មានវាសនា, ចេះស្រលាញ់ ចេះទឹកភ្នែក, ស្រលាញ់ត្រូវយល់ចិត្ត”និងបទចម្រៀងជាច្រើនបទទៀត។

ដើម្បីចង់ដឹងថាការបកស្រាយ របស់តារាកិត្តិយសយ៉ាងនោះ ប្រិយមិត្តក៏អាចបើកស្តាប់កម្មវិធី "តារាក្នុងដួង ចិត្តខ្ញុំ" តាមរយៈគេហទំព័រ http://www.lookingtoday.com/ ដោយគ្រាន់តែចូលទៅកាន់កម្មវិធី Live Radio ជាការស្រេច៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

ពិធីចាប់ឆ្នោត យកលេខឡូត៍ ដីសម្បទាន សង្គមកិច្ច ស្ថិតក្នុង ឃុំបឹងល្វា ស្រុកសន្ទុក

0
0

កំពង់ធំ៖ នៅព្រឹកថ្ងៃទី២៧ ខែធ្នូ ឆ្នាំ២០១២ លោកទេសរដ្ឋមន្រ្តី អ៊ឹម ឈុនលឹម រដ្ឋមន្ត្រីក្រសួង រៀបចំដែនដី នគរូបនីយកម្ម និង សំណង់បាន អញ្ជើញចូលរួម ក្នុងពិធីចាប់ឆ្នោត យកលេខឡូត៍ដី សម្បទាន សង្គមកិច្ច ស្ថិតក្នុង ឃុំបឹងល្វា ស្រុកសន្ទុក ខេត្តកំពង់ធំ ។

បន្ទាប់ពីលោក ឈុន ឈន់ អភិបាលនៃ គណៈអភិអបាលខេត្ត មានមិតិ ស្វាគមន៍រួចមក លោក ឌិត ធន ប្រធានមន្ទីររៀប ចំដែនដី នគរូបនីកម្ម និងសំណង់បានអាន របាយការណ៍គូស បញ្ជាក់ថា ប្រជាពលរដ្ឋ ដែលមកចាប់ឆ្នោត យកលេខឡូត៍ដី សម្បទានសង្គមកិច្ច នៅពេលនេះមាន ចំនួន ២៥៣ គ្រួសារ ដែលមកពី ភូមិពាមក្នុង និងពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម ដែលកន្លងមកបាន រងគ្រោះ បាត់បង់ដីធ្លី នៅទីតាំងស្នាក់ នៅដើម ដោយមូលហេតុការ បាក់ច្រាំង ទន្លេជា បន្តបន្ទាប់ជារៀង រាល់ឆ្នាំ។

តាមផែនការ ប្រើប្រាស់ ដែលបាន គ្រោងទុក ដីលំនៅដ្ឋាន មានទំហំ ៣០mគុណ ៤០m ក្នុងមួយ គ្រួសារ នឹងដី កសិកម្ម មានទំហំ២ហិចតា ក្នុងមួយគ្រួសារ ស្មើរៗគ្នា។

មានប្រសាសន៍ សំណេះសំណាល ជាមួយប្រជាពលរដ្ឋ នៅទីនោះ លោក អ៊ឹម ឈុនលឹម បានលើកឡើងថា ការដោះស្រាយដីធ្លី សម្រាប់ ប្រជាពលរដ្ឋ ដែលរងគ្រោះ ដោយសារ ធម្មជាតិនៅ ពេលនេះ ស្ថិតក្នុងគោល នយោបាយរួម របស់រាជរដ្ឋាភិបាល ស្តីពីការបែងចែកដីធ្លី ក្នុងទំរង់ ជាច្រើន រួមមាន ទំរង់ ដីសម្បទាន សង្គមកិច្ច ដូចករណី ដែលយើងកំពុងធ្វើថ្ងៃនេះ ទំរង់ប្រទាន កម្មដូច កំពុង អនុវត្តន៍ ក្នុងយុទ្ធនាការ បទបញ្ជា លេខ០១ នយោបាយចាស់ សកម្មភាពថ្មី លើដីធ្លី ដោយធ្វើការវាស់ វែងផ្តល់កម្មសិទ្ធជូន ប្រជាពលរដ្ឋ ដែលបាន និងកំពុង កាន់កាប់ ដីពុំទាន់ស្របច្បាប់។

ជានយោបាយចាស់ ដោយកិច្ចការ នេះរាជរដ្ឋាភិបាល នៃកម្ពុជា និងរាជ រដ្ឋាភិបាល បច្ចុប្បន្នបាន និងកំពុង ធ្វើជាបន្តបន្ទាប់ មកតាំងពី ទសវត្សឆ្នាំ ១៩៨០មក ក្នុងគោល ដៅផ្តល់ ដីកសិកម្ម ជូនកសិករ ដែលបាន កាន់កាប់ ប្រើប្រាស់ ដីជាក់ស្ដែង អោយមាន សុវត្តិភាព ក្នុងការកាន់ កាប់ដី និងធ្វើការ បង្កបង្កើន ផល អោយអស់ សក្តានុពលនៃដី ដើម្បីកែលំអរ ជីវភាពរស់នៅ និងធ្វើអោយ សេដ្ឋកិច្ច ជនបទកាន់តែរីកចំរើន រួមចំណែក ដល់ការកាត់បន្ថយភាព ក្រីក្រនិង ជំរុញកំណើន សេដ្ឋកិច្ច ជាតិអោយមាន ការប្រសើរឡើង ថែមទៀត។

លោក អ៊ឹម ឈុនលឹម និងគណៈអធិបតី បានចែកជូន ក្រណាត់សដល់ យាយ តានិងបើកដំណើរការ ចាប់ឆ្នោត ជ្រើសរើស យកលេខដីឡូត៍លំនៅដ្ឋាន និងដីឡូត៍ កសិកម្មដល់ប្រជាពលរដ្ឋ ទាំង២៥៣ គ្រួសារផងដែរ៕

Photo by DAP-News

Photo by DAP-News

Photo by DAP-News

Photo by DAP-News

នាយឧត្តមសេនីយ៍ ប៉ុល សារឿន យកថវិកា ជាង ១៥៥លានរៀល ប្រគល់ជូន កាកបាទក្រហម

0
0

ភ្នំពេញ៖ ថវិកាចំនួន១៥៥.៤៨៣.០០០រៀល ដែលបានមកពីការជួយឧបត្ថម្ភប្រកបដោយទឹក ចិត្តសប្បុរស របស់នាយ ពលទាហាន ចំណុះស្ថាប័នអគ្គបញ្ជាការ ត្រូវបាន នាយឧត្តមសេនីយ៏ ប៉ុល សារឿន អគ្គមេបញ្ជាការ នៃកងយោធពលខេមរភូមិន្ទ នាំ យកទៅប្រគល់ជូនកាកបាទក្រហមកម្ពុជា ។

ការផ្តល់ជូនថវិការនេះ ត្រូវបានប្រព្រឹត្តិធ្វើឡើង កាលពីព្រឹកថ្ងៃទី២៧ ខែធ្នូនេះ នៅទីស្នាក់ ការកណ្តាលកាកបាទក្រហមកម្ពុជា (អូរបែកក្អម) ក្រោមអធិបតីភាព លោកជំទាវកិត្តិ ព្រឹទ្ធបណ្ឌិត ប៊ុន រ៉ានី-ហ៊ុនសែន ប្រធានកាកបាទក្រហមកម្ពុជា។

នាយឧត្តមសេនីយ៍ ប៉ុល សារឿន បាន វាយតម្តៃខ្ពស់ ចំពោះការដឹកនាំប្រកបដោយគតិបណ្ឌិត របស់លោកជំទាវ ប៊ុន រ៉ានី ហ៊ុន សែន ដែលបានធ្វើឲ្យសកម្មភាព មនុស្សធម៌របស់កាកបាទក្រហមកម្ពុជា ទទួលបានការគាំទ្រពីគ្រប់មជ្ឈដ្ឋាន ហើយបានចាត់ទុកថា ជាអង្គភាពមានបេសកកម្ម មនុស្សធម៌ឈានមុខនៅកម្ពុជា និងជាទីពឹងពាក់ដ៏ពិតប្រាកដ របស់ជនងាយរងគ្រោះ។

នាយឧត្តមសេនីយ៍ ប៉ុល សារឿន បានបញ្ជាក់ថា ដោយមើលឃើញអំពី តម្រូវការជាក់ស្តែង និងចាំបាច់របស់កាកបាទក្រហមកម្ពុជា ទើបជារៀងរាល់ឆ្នាំ អគ្គ បញ្ជាការនៃកងយោធពលខេមរភូមិន្ទ បានចូលរួមវិភាគទានទៅតាមលទ្ធភាព ដើម្បី ជួយទ្រទ្រង់ដល់សកម្មភាពមនុស្សធម៌នេះ។

មានប្រសាសន៍នាឱកាសនោះដែរ លោកជំទាវកិត្តិ ព្រឹទ្ធបណ្ឌិត ប៊ុន រ៉ានី ហ៊ុនសែន បានថ្លែងអំណរគុណយ៉ាងជ្រាលជ្រៅ ចំពោះទឹកចិត្តប្រកបដោយសប្បុរសធម៌ របស់ ថ្នាក់ដឹកនាំ នាយ និងពលទាហានអគ្គបញ្ជាការ ដែលបានចែករំលែកដល់ទុក្ខលំបាក របស់ប្រជាពលរដ្ឋ តាមរយៈកាកបាទក្រហមកម្ពុជានាពេលនេះ។

លោកជំទាវប្រធាន កាកបាទក្រហមកម្ពុជា បានគូសបញ្ជាក់ថា បច្ចុប្បន្ន កាកបាទក្រហមកម្ពុជា បានខិតខំបំពេញការងារស្នូលរបស់ខ្លួនយ៉ាងសកម្ម ដើម្បីការអភិវឌ្ឍន៍ ការឆ្លើយតបនូវ គ្រោះមហន្តរាយ ដែលក្នុងរយៈពេលខាងមុខនេះបានផ្តោតជាសំខាន់ទៅលើការពង្រឹង សមត្ថភាព ម្ចាស់ការខ្លួនឯងនៅគ្រប់វិស័យការងារ។

ឆ្លើយតបទៅនឹងទឹកចិត្ត ប្រកបដោយមនុស្សធម៌នេះ លោកជំទាវ ប៊ុន រ៉ានី ហ៊ុនសែន បានមានប្រសាសន៍ថា នឹងប្រើប្រាស់ថវិកាទាំងនេះ ឲ្យចំគោលដៅ ពិសេស តាមតម្រូវ ការជាក់ស្តែង ដើម្បីដោះស្រាយបញ្ហាចំពោះមុខ មានជាអាទិ៍ គ្រោះមហន្តរាយ គ្រោះ ធម្មជាតិ និងឧបទ្ទវហេតុផ្សេងៗ ប្រកបដោយតម្លាភាព៕

www.dap-news.com

ក្រុមអ្នកជិះម៉ូតូ VESPA នឹងជួបជុំគ្នា ជិះដង្ហែនៅភ្នំពេញ ជាសារអប់រំសុវត្ថិភាព ចរាចរណ៍

0
0

ភ្នំពេញៈ ក្រុមអ្នកជិះម៉ូតូ VESPA ជាកូនម៉ូតូតូចៗ ដែលពេញនិយមពីអំឡុងទស្សវត្សរ៍៦០ ប្រមាណជា ៣០នាក់ នឹងជួបជុំគ្នាជិះដង្ហែតាមបណ្តាផ្លូវនានា ក្នុងរាជធានីភ្នំពេញ ជាសារអប់រំពីសុវត្ថិភាពចរាចរដល់ប្រជាពលរដ្ឋខ្មែរ និងដើម្បីអបអរសាទរថ្ងៃបុណ្យឆ្នាំសកលផងដែរ។

លោក តុង សុប្រាជ្ញ ជាអ្នកបង្កើតក្លិបម៉ូតូ Vespa បានប្រាប់មជ្ឈមណ្ឌលព័ត៌មានដើមអម្ពិលនៅថ្ងៃទី២៧ ខែធ្ន ឆ្នាំ២០១២ថា នៅថ្ងៃទី១ ខែមករា ឆ្នាំ២០១៣ ថ្ងៃបុណ្យចូលឆ្នាំសាកលនោះ រូបលោក រួមនិងក្រុមអ្នកជិះម៉ូតូ Ves pa ដែលមានជនបរទេសចូលរួមផងដែរ ប្រមាណជា ៣០នាក់ នឹងនាំគ្នាជិះម៉ូតូចំនួន ៣០គ្រឿង ដង្ហែតាមបណ្តា ផ្លូវនានា ក្នុងរាជធានីភ្នំពេញ។ ក្បួនម៉ូតូ Vespa ដែលអ្នកជិះម្នាក់ៗពាក់អាវយឺត ហើយម៉ូតូដោតទង់ជាតិគ្រប់ជាតិ សាសន៍ផងនោះ នឹងចាប់ផ្តើមធ្វើឡើងនៅវេលាម៉ោង ៣ និង៣០នាទី ដោយចាប់ផ្តើមចេញដំណើរពីវិមានឯក រាជ្យ ឆ្ពោះទៅតាមផ្លូវនរោត្តម ហើយបន្តដំណើរទៅលើស្ពានអាកាស និងនាំគ្នាថតរូបនៅទីនោះ។ បន្ទាប់មកក្បួន Vespa បន្តដំណើរមកតាមផ្លូវព្រះមុនីវង្ស រួចបន្តទៅតាមផ្លូវនៅជួរមាត់ទន្លេ ចូលទៅកោះពេជ្រ រួច ត្រឡប់មក កាន់វិមានឯករាជ្យវិញ។

លោក តុង សុប្រាជ្ញ អ្នកពិគ្រោះយោបល់ឯកជន និងជាអ្នកវិភាគសង្គម ដ៏ល្បីមួយរូបនៅកាសែតភ្នំពេញប៉ុស្តិ៍ បាន ឲ្យដឹងថា គោលបំណងធំ នៃការជិះដង្ហែក្បួនម៉ូតូ Vespa នេះ គឺផ្សព្វផ្សាយពីសុវត្ថិភាពចរាចរណ៍ ទាញចំណាប់ អារម្មណ៍ប្រជាពលរដ្ឋខ្មែរ ឲ្យយល់ដឹងពីការគោរពច្បាប់ចរាចរណ៍។ ជាមួយគ្នានេះ ក៏ដើម្បីអបអរសាទរថ្ងៃបុណ្យ ចូលឆ្នាំសកលផងដែរ។

លោក តុង សុប្រាជ្ញ បញ្ជាក់ថា «យើងធ្វើនេះ គឺគាំទ្ររាជរដ្ឋាភិបាល និងចូលរួមជាមួយរាជរដ្ឋាភិបាល ដើម្បីលើក កម្ពស់ការទប់ស្កាត់គ្រោះថ្នាក់ចរាចរ ដែលជាក្តីកង្វល់ដ៏ធំមួយនៅកម្ពុជា»។

លោក តុង សុប្រាជ្ញ បន្តថា ក្បួនម៉ូតូ Vespa ក៏ចង់បញ្ជាក់ពីការពេញនិយមរបស់ម៉ូតូ Vespa នៅកម្ពុជា ដែល មានតាំងពីទស្សវត្សរ៍ឆ្នាំ៦០មកនោះ។ លោក តុង សុប្រាជ្ញ ក៏បានសម្តែងស្វាគមន៍ សម្រាប់អ្នកជិះម៉ូតូ Vespa ទាំងអស់ អាចចូលរួមក្នុងកម្មវិធីនេះបាន ដើម្បីរួមគ្នាផ្ញើសារទៅកាន់ប្រជាពលរដ្ឋឲ្យស្វែងយល់ និងគោរពច្បាប់ ចរាចរណ៍។

លោក តុង សុប្រាជ្ញ ក៏បានឲ្យដឹងផងដែរថា ម៉ូតូ Vespa ដែលជារបស់ចាស់ៗ ផលិតផលដើមរបស់អ៊ីតាលី ផលិតឡើងអំឡុងទស្សវត្សរ៍ឆ្នាំ ៦០នោះ នៅកម្ពុជាមានប្រហែលជា ៦០គ្រឿងប៉ុណ្ណោះ ប៉ុន្តែប្រជាពលរដ្ឋខ្មែរ មួយចំនួន និងជនបរទេសនៅកម្ពុជា នៅតែចូលចិត្តវា។

ពាក់ព័ន្ធនិងក្លិបម៉ូតូ Vespa ត្រូវបានលោក តុង សុប្រាជ្ញ ប្រាប់ឲ្យដឹងថា បង្កើតឡើងនៅឆ្នាំ ២០០៦ ដោយរូប ផ្ទាល់ជាមួយជនជាតិអូស្ត្រាលី ប៉ុន្តែបច្ចុប្បន្នរូបលោកធ្វើជាមួយជនជាតិអង់គ្លេស។ ជារៀងរាល់ឆ្នាំក្បួនម៉ូតូ Vespa ធ្វើឡើងនៅថ្ងៃទី៨ មីនា និងថ្ងៃបុណ្យឯករាជ្យជាតិ តែឆ្នាំនេះ លោកលើកមកធ្វើនៅថ្ងៃបុណ្យចូលឆ្នាំសាកលវិញ៕

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

រយៈពេល១១ខែ ឆ្នាំ២០១២ ខេត្តក្រចេះ ទទួលបានភ្ញៀវ ទេសចរ ជាង១០ម៉ឺននាក់

0
0

- ខេត្តក្រចេះ ទទួលធ្វើជាម្ចាស់ផ្ទះ នៃកិច្ចប្រជុំ CLV នៅឆ្នាំ២០១៣

ក្រចេះ៖ រយៈពេល១១ខែ ឆ្នាំ២០១២ ភ្ញៀវទេសចរជាតិ និងអន្តរជាតិ ជាង១០ម៉ឺននាក់ បានទៅទស្សនានៅក្នុង ខេត្តក្រចេះ កើនឡើង ជាង១០ភាគរយ បើប្រៀបទៅនឹងឆ្នាំ២០១១។ នេះបើយោងតាមប្រធានមន្ទីរទេសចរណ៍ ខេត្តក្រចេះ។

ប្រធានមន្ទីរទេសចរណ៍ខេត្តក្រចេះ លោក រុន ធារ៉ា បានប្រាប់មជ្ឈមណ្ឌលព័ត៌មានដើមអម្ពិលនៅព្រឹកថ្ងៃព្រហ ស្បតិ៍ ទី២៧ ខែធ្នូ ឆ្នាំ២០១២ ឲ្យដឹងថា រយៈពេល១១ខែឆ្នាំ២០១២ ខេត្តក្រចេះទទួលបានភ្ញៀវទេសចរអន្តរជាតិ ១៧.៥៨៦នាក់ កើនឡើង១៣,៧៥ភាគរយ បើធៀបនិងរយៈពេលដូចគ្នាក្នុងឆ្នាំ២០១១ ដែលមានត្រឹមតែ ១៥.៤ ៥៩នាក់។ ដោយឡែកភ្ញៀវទេសចរជាតិវិញ មានចំនួន ១៦០.៤១០ កើនឡើង ១៤,១៥ភាគរយ បើធៀបនិងឆ្នាំ ២០១១ ដែលមានត្រឹមតែ ១៤០.៥២៥នាក់។

លោក រុន ធារ៉ា បានបន្តឲ្យដឹងទៀតថា ការកើនឡើងចំនួនភ្ញៀវទេសចរនេះ ដោយសារខេត្តមានសក្តានុពលអេកូ ទេសចរណ៍ដ៏ធំនោះ គឺសត្វផ្សោត ដែលជាប្រភេទសត្វដ៏កម្រមួយនៅលើពិភពលោក ហើយនៅក្នុងខេត្តក្រចេះ មានរហូតដល់ជាង១០០ក្បាល។ ចំណុចដែលជាការទាក់ទាញអារម្មណ៍ ភ្ញៀវទេសចរណ៍ទៀតនោះ គឺទេសភាព ដងទន្លេមេគង្គ ដោយភ្ញៀវអន្តរជាតិភាគច្រើនចូលចិត្តមើលទេសភាពថ្ងៃរៀបលិចនៅតាមដងទន្លេមេគង្គ។ ក្រៅពី នេះខេត្តក៏បានរៀបចំជាតំបន់ទេសចរណ៍ភីកនិច នៅតាមតំបន់ឆ្នេរខ្សាច់នៅព្រែកកាំពី ដែលជាកន្លែងដ៏ទាក់ទាញ មួយផងដែរ។

ក្រៅពីតំបន់ទាំងនេះ នៅក្នុងខេត្តក្រចេះ ក៏បានបង្កើតសហគមន៍ទេសចរណ៍ចំនួន៤កន្លែងបន្ថែមទៀត ដូចជា តំបន់សហគមន៍ទេសចរណ៍កោះទ្រង់ ដែលជាតំបន់ឆ្នេរទន្លេ មានខ្សាច់ សម្រាប់ភ្ញៀវទេសចរលេងកម្សាន្តយ៉ាង ទាក់ទាញ។ តាមការណែនាំរបស់ក្រសួងទេសចរណ៍ «អ្នកទេសចរណ៍ម្នាក់ ដើមឈើមួយដើម» ស្ថាប័នពាក់ព័ន្ធ នៅក្នុងខេត្តក្រចេះ បានបំផុសឲ្យមានចលនាដាំដើមឈើ ដែលជំរុញឲ្យភ្ញៀវទេសចរអន្តរជាតិចាប់អារម្មណ៍យ៉ាង ខ្លាំង ហើយបានចំណាយថវិកាទិញដើមឈើដាំ នាំឲ្យប្រភពចំណូលមួយផ្នែកធំ បានហូរចូលសម្រាប់ទ្រទ្រង់សហ គមន៍ទេសចរណ៍កោះទ្រង់។

ពាក់ព័ន្ធទៅនិងកំណើនភ្ញៀវទេសចរនៅក្នុងខេត្តភូមិភាគឦសានមួយនេះ អភិបាលខេត្តក្រចេះ លោក ស ចំរ៉ុង បានប្រាប់ឲ្យដឹងផងដែរថា ខេត្តបានរៀបចំកសាងហេដ្ឋារចនាសម្ព័ន្ធនានាតាមរយៈក្រុមហ៊ុនវិនិយោគទៅកាន់ តំបន់ទេសចរណ៍ ក៏ដូចជាកែលំអរតំបន់ទេសចរណ៍ផងដែរ។

ជាយុទ្ធសាស្រ្តពង្រឹងវិស័យទេសចរណ៍ក្នុងខេត្តនោះ លោក ស ចំរ៉ុង បានលើកឡើងពីការពង្រឹងគុណភាព អនា ម័យ និងសេវាកម្ម នៅតាមបណ្តាសណ្ឋាគារ និងផ្ទះសំណាក់ទាំងអស់នៅក្នុងខេត្តផងដែរ។

ជាទស្សនវិស័យសម្រាប់ចូលរួមប្រឡងប្រណាំងទីក្រុងស្អាត ដែលជាគោលនយោបាយរបស់រាជរដ្ឋាភិបាលនោះ លោក ហង្ស ចាន់ឌី អភិបាលក្រុងក្រចេះ បានថ្លែងប្រាប់ដើមអម្ពិលឲ្យដឹងផងដែរថា សាលាក្រុងក្រចេះ សហការ ជាមួយមន្ទីរទេសចរណ៍ខេត្ត ដើម្បីសិក្សាទៅលើការបង្កើតគណៈកម្មការចុះពិនិត្យ និងវាយតម្លៃអនាម័យ សេវា កម្ម និងគុណភាព នៅតាមបណ្តាសណ្ឋាគារ និងផ្ទះសំណាក់។ ជាមួយគ្នានេះ សាលាក្រុង ក៏បានចុះអប់រំណែនាំ ប្រជាពលរដ្ឋទាំងអស់ ចូលរួមថែរក្សាអនាម័យ ដើម្បីលើកកម្ពស់សោភ័ណភាពក្រុងផងដែរ។

ពាក់ព័ន្ធទៅនឹងសន្តិសុខវិញ លោក ហង្ស ចាន់ឌី ក៏បានឲ្យដឹងផងដែរថា នាពេលកន្លងមិនមានបាតុភាពអ្វី ដែល កើតឡើងលើភ្ញៀវទេសចរគួរឲ្យកត់សម្គាល់នោះទេ។ តែទោះជាយ៉ាងណាមន្រ្តីអាជ្ញាធរ និងសមត្ថកិច្ចខេត្តនៅតែ យកចិត្តទុកដាក់ទៅលើបញ្ហានេះដែរ។

លោក ស ចំរ៉ុង ក៏បានបង្ហើបឲ្យដឹងផងដែរថា នៅឆ្នាំ២០១៣ខាងមុខ ប្រទេសកម្ពុជា បានជ្រើសយកខេត្តក្រចេះ ជាទីកន្លែង នៃកិច្ចប្រជុំ CLV (Cambodia Laos Vietnam) ដែលស្តីពីការអភិវឌ្ឍតំបន់ត្រីកោណ ដូច្នេះលោក បានជំរុញឲ្យម្ចាស់សណ្ឋាគារ និងផ្ទះសំណាក់ទាំងអស់ ត្រូវពង្រឹងនូវសោភ័ណភាព គុណភាព អនាម័យ និងសេវា កម្មរបស់ខ្លួន។ ជាពិសេអគារ សណ្ឋាគារ ឬផ្ទះសំណាក់ណា ដែលសាងសង់មិនទាន់រួចនោះ ត្រូវពន្លឿនការសាង សង់របស់ខ្លួន។

លោក រុន ធារ៉ា បានឲ្យដឹងថា ខេត្តក្រចេះមានតំបន់ទេសចរណ៍ចំនួន១៦កន្លែង ដូចជាអន្លង់ផ្សោតកាំពី រមណីយ ដ្ឋានព្រែកកាំពី វិហាសសរ១០០ ភ្នំសំបុក ភ្នំសុពណ៌កាលី និងអគាបុរាណៗនៅក្នុងក្រុងជាដើម…។

ទោះបីជាយ៉ាងណាទេសចរណ៍មួយចំនួន ក៏បានលើកឡើងរិះគន់អាជ្ញាធរខេត្តផងដែរថា នៅអន្លង់ផ្សោតព្រែកកាំ ពីជាតំបន់ទេសចរណ៍ដ៏ទាក់ទាញ តែទីតាំងមួយនេះមិនទាន់មានការកែលំអរនៅឡើយ ពោលគឺនៅសុទ្ធតែដី គឺ សោភ័ណភាពនោះទេ។ ក្រុមអ្នកទេសចរណ៍បានលើកឡើងថា មន្រ្តីពាក់ព័ន្ធទាំងអស់គួរតែ ធ្វើការកែលំអរទីតាំង នេះ ដូចជាបង្កើតទៅជាសួនដាំផ្កា និងចាក់កូរ៉ូឡាបន្ថែម រៀមចំកន្លែងអង្គុយកម្សាន្តឲ្យបានស្អាត ដើម្បីជាការទាក់ ទាញភ្ញៀវទេសចរទៅអង្គុយកម្សាន្តនៅតំបន់នេះ៕

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

ទីតាំងរមណីយដ្ឋានអន្លង់ផ្សោតព្រែកកាំពី ដែលគួរតែកែលំអរ

ករណីបាញ់តដៃគ្នា រវាងក្រុមល្មើស រកស៊ី ឈើជាមួយ សមត្ថកិច្ច រដ្ឋបាល ព្រៃឈើ ស្ថិត ក្រោមការស៊ើបអង្កេត

0
0

ឧត្ដរមានជ័យ ៖ ករណីនៃការបាញ់តដៃ គ្នាអស់ជាច្រើនគ្រាប់ រវាងក្រុមរកស៊ីឈើ ខុសច្បាប់ជាមួយកម្លាំង រដ្ឋបាលព្រៃឈើផ្នែក អន្លង់វែង ដោយ មាន ការចូលរួមពីកម្លាំង យោធានៃកងទ័ពជើងគោក ដែលបានកើត ឡើងកាលពីយប់ថ្ងៃទី១០ ខែធ្នូ ឆ្នាំ២០១២ កន្លងទៅនេះ គឺស្ថិតក្រោមការស៊ើប អង្កេត តាមរយៈការបញ្ជូនមន្ដ្រីជាន់ខ្ពស់របស់ក្រសួង កសិកម្ម ទទួលបន្ទុកព្រៃឈើ ដើម្បីរកដំណោះ ស្រាយ បន្ទាប់ពីមានការចោទប្រកាន់គ្នា ចំពោះការផ្ទុះអាវុធខាងលើនេះ ។

សូមបញ្ជាក់ថា កាលពីវេលាម៉ោង៩និង ៥២នាទីយប់ថ្ងៃទី១០ ខែធ្នូ ឆ្នាំ២០១២កន្លង ទៅ ស្ថិតនៅលើកំំណាត់ផ្លូវលេខ៦៧ ក្នុង ឃុំអន្លង់វែង ស្រុកអន្លង់ វែង ខេត្ដឧត្ដរមាន ជ័យ គឺស្ថិតក្នុងតំបន់ព្រៃស្អាក មានករណីចុះ បង្ក្រាបក្រុមរថយន្ដរបស់ឈ្មួញរកស៊ីឈើ ប្រណីតខុសច្បាប់ ដែលធ្វើដំណើរឆ្លងកាត់ តំបន់នោះ ហើយការបង្ក្រាបនេះបានឈាន ទៅដល់ការបាញ់តដៃគ្នា រវាងក្រុមជនល្មើស និងក្រុមមន្ដ្រីយោធា ការិយាល័យទី២ នៃ យោធភូមិភាគទី៤ និងកម្លាំងយោធាការិយា ល័យជើងគោកទី២ ដែលត្រូវបានសុំឱ្យចូល រួមសហការពីសំណាក់កម្លាំងរដ្ឋបាលព្រៃឈើ ផ្នែកអន្លង់វែង ។

យោងតាមប្រភពព័ត៌មានពីមន្ដ្រីរដ្ឋបាល ព្រៃឈើនិងមន្ដ្រីយោធា បានឱ្យដឹងថា ការ បាញ់ប្រហារគ្នាខាងលើនេះ មិនបណ្ដាលឱ្យ នរណាម្នាក់រង របួសនិងស្លាប់នោះឡើយ ហើយក៏មិនឃាត់រថយន្ដរបស់ឈ្មួញណាមួយ នោះដែរ ពោលពួកគេបានគេចខ្លួនដោយសុវត្ថិភាព ក្រោយពីបាន បាញ់មក លើក្រុមរដ្ឋបាលព្រៃឈើនិងក្រុមយោធា ។

មន្ដ្រីរដ្ឋបាលព្រៃឈើមួយរូបបាននិយាយថា បន្ទាប់ពីទទួលព័ត៌មានសម្ងាត់ថាមានក្រុមឈ្មួញ រកស៊ីឈើប្រណីត និងធ្វើដំណើរឆ្លង កាត់តំបន់នោះ ទើបកម្លាំងរដ្ឋបាលព្រៃឈើផ្នែកអន្លង់វែង  ដោយសុំឱ្យមានកិច្ចសហការពីកម្លាំងយោធា មកពីការិយាល័យជើងគោកទី២ និងការិយាល័យទី២ នៃយោធភូមិភាគទី៤ ចុះទៅបង្ក្រាប ដោយប្រទះឃើញរថយន្ដឆ្លាម មួយគ្រឿង ពណ៌ត្រីឆ្លូញ ពាក់ស្លាកលេខ ១៤៧១ និង រថយន្ដផ្សេងទៀត ដែលបន្លំដឹកឈើប្រណីត ឆ្លងកាត់តំបន់នោះ ។ នៅពេលក្រុមឈ្មួញ ឃើញកម្លាំងសមត្ថកិច្ច ចុះបង្ក្រាបការរកស៊ីឈើ ស្រាប់តែបានបើក ការបាញ់ប្រហារ៣-៤គ្រាប់ ចេញពីរថយន្ដឆ្លាម ដើម្បីបើកផ្លូវឱ្យរថយន្ដដឹកឈើផ្សេងទៀត អាចធ្វើដំណើរទៅបាន ។ ពេលនោះខាងកម្លាំងយោធា ក៏បានបាញ់តទៅវិញ ប៉ុន្ដែមិនមានការចាប់បានរថយន្ដនិងជនល្មើសនោះឡើយ ។

យោងតាមប្រភពព័ត៌មានពីមន្ដ្រីរដ្ឋបាល ព្រៃឈើរូបនេះ លុះស្អែកឡើងនៅថ្ងៃទី១១ ខែធ្នូ ឆ្នាំ២០១២ កម្លាំងអាវុធហត្ថខេត្ដ និងកម្លាំង អាវុធហត្ថ លើផ្ទៃប្រទេស បានចុះទៅត្រួតពិនិត្យនៅកន្លែងកើតហេតុ ហើយបានរើសំបកកាទូស ។

ក្នុងករណីនេះ មានការចោទប្រកាន់ទៅ លើក្រុមមន្ដ្រីរដ្ឋបាលព្រៃឈើ ចំពោះការចុះ បង្ក្រាបករណីក្រុមឈ្មួញ រកស៊ីឈើប្រណីត ខាងលើនេះ ហេតុដូច្នេះហើយកាលពីថ្ងៃ ទី២៦ ខែធ្នូ ឆ្នាំ២០១២ម្សិលមិញ ថ្នាក់ដឹកនាំ កសិកម្ម រួមទាំងលោក វណ្ណ សុផាន់ណា ប្រធានអធិការដ្ឋាន ខាងត្បូងទន្លេសាប បាន ចុះទៅធ្វើការស្រាវជ្រាវ ចំពោះករណីនេះ ប៉ុន្ដែគេមិនទាន់ដឹងលទ្ធផលយ៉ាងណានោះ ឡើយ ។


សមត្ថកិច្ច មន្ទីរប្រឆាំង​ គ្រឿងញៀន ក្រសួងមហាផ្ទៃ ផ្ទុះអាវុធជាច្រើនគ្រាប់ ពេលចុះបង្ក្រាប គ្រឿងញៀន នៅទួលស្វាយព្រៃទី១​ (Vedio Inside)

0
0

ភ្នំពេញៈ កម្លាំងនគរបាល របស់មន្ទីរប្រឆាំងគ្រឿងញៀន ក្រសួងមហាផ្ទៃ ដោយមានការចូលរួម ពីកម្លាំង ការិយាល័យប្រឆាំងការ ជួញដូរ គ្រឿងញៀន រាជធានីភ្នំពេញ និងអាជ្ញាធរ សមត្ថកិច្ចមូលដ្ឋាន ជាច្រើន នាក់ នៅវេលាម៉ោងប្រហែល ១និង៤០នាទី រសៀលថ្ងៃទី២៧ ខែធ្នូ ឆ្នាំ២០១២នេះ បានឡោមព័ទ្ធ ដើម្បីបង្ក្រាបករណី គ្រឿងញៀន ហើយបានផ្ទុះ អាវុធជាច្រើនគ្រាប់ នៅតាមផ្លូវ ៣៨៤ ក្នុងសង្កាត់ទួលស្វាយព្រៃទី១ ខណ្ឌចំការមន ។

សេចក្តីរាយការណ៍ពីសមត្ថកិច្ច បានឲ្យដឹងថា ជនល្មើសចំនួន៤នាក់ ត្រូវចាប់ខ្លួន ហើយវត្ថុតាងមួយ ចំនួន ទៀត ត្រូវបានរឹបអូស ក្នុងនោះកាំភ្លើងខ្លី និងរថយន្តម៉ាក Hammer ពាក់ស្លាកលេខ ខ.ម ហើយជនល្មើសម្នាក់ បានរងរបួសត្រូវជើងផងដែរ ខណៈស្រ្តីម្នាក់ទៀត បានបែកចិញ្ចើម និងហើមភ្នែកខាងស្តាំ។

ជាមួយគ្នានេះ នៅកន្លែងកើតហេតុ គេសង្កេតឃើញមានវត្តមាន របស់ប្រធានសាលាដំបូងរាជធានីភ្នំពេញ ជីវ កេង ព្រះរាជអាជ្ញារង និងអាជ្ញាធរខណ្ឌ ចំការមន ជាច្រើននាក់។

សេចក្តីរាយការណ៍ ពីសមត្ថកិច្ច បានឲ្យដឹងថា ក្នុងប្រតិបត្តិនេះ សមត្ថកិច្ចបានចាប់ខ្លួនមន្រ្តីយោធា ក្លែងក្លាយ ពាក់ផ្កាយបី ហើយសមត្ថកិច្ចអះអាងថា មានឈ្មោះ កែវ សារឿន រួមទាំងបក្ខពួកចំនួន៣នាក់ ផ្សេងទៀតក្នុងនោះមានស្រីម្នាក់។

សមត្ថកិច្ចបានបន្តថា ក្នុងការចុះបង្ក្រាបគ្រឿងញៀន ទ្រង់ទ្រាយធំខាងលើនេះ សមត្ថកិច្ច បានធ្វើការរឹបអូស ហេរ៉ូអ៊ីនជាង១០ដុំផងដែរ និងអាវុធខ្លី អមដោយគ្រាប់កាំភ្លើងជាច្រើនគ្រាប់ផងដែរ។

នៅវេលាម៉ោងប្រមាណជា ៤ និង៣នាទីរសៀលថ្ងៃដដែលនេះ កម្លាំងសមត្ថកិច្ចបានបន្តចុះ ទៅឆេកឆេរ លំនៅឋានមួយកន្លែងទៀត ស្ថិតនៅតាមបណ្តោយផ្លូវលេខ ២២២ សង្កាត់ទឹកល្អក់ទី៣ ខណ្ឌទួលគោក ដោយសង្ស័យជាប់ពាក់ព័ន្ធ និងករណីជួញដូរគ្រឿងញៀន ក្រោយពីចុះទៅឆែកឆេរ នៅទីតាំងជិតហាងម្លប់ស្វាយ៩៩។

នៅល្ងាចថ្ងៃដដែល កម្លាំងសមត្ថកិច្ច បានបន្តទៅចុះឆែកឆេរ នៅទីតាំងមួយកន្លែងទៀត ស្ថិតនៅភូមិជ្រោយបាសាក់ សង្កាត់ព្រែកប្រា ខណ្ឌមានជ័យ និងរឹបអូស បានវត្ថុតាងមួយចំនួន ។ ហើយបន្ទាប់មក កម្លាំងសមត្ថកិច្ច បានបន្តទៅឆែកឆេរ នៅទីតាំងមួយទៀត ស្ថិតនៅខាងក្រោយវត្តស្ទឹងមានជ័យ ក្នុងសង្កាត់ស្ទឹងមានជ័យ ខណ្ឌមានជ័យ ដោយរឹបអូសកំាភ្លើងខ្លីមួយដើម និងឃាត់ខ្លួនមន្រ្តីយោធាម្នាក់ ពាក់ស័ក្តិ៣។

សមត្ថកិច្ចបានបន្តថា លុះនៅវេលាម៉ោង ៦៖៥៨ល្ងាចថ្ងៃដដែលនេះ កម្លាំងសមត្ថកិច្ច បានមកឆែកឆេរ នៅទីតាំងទីមួយវិញ ក្នុងសង្កាត់ទូលស្វាយព្រៃទី១ ខណ្ឌចំការមន ដោយរឹបអូសថ្នាំញៀន ចំនួន១២ដុំ និងកាំភ្លើងខ្លីមួយដើម អមដោយគ្រាប់កាំភ្លើងជាច្រើនគ្រាប់។

ចំពោះប្រតិបត្តិការ បង្ក្រាបករណីគ្រឿងញៀនទ្រង់ទ្រាយធំ ខាងលើនេះ គឺសមត្ថកិច្ចចុះទៅ ឆែកឆេរ ចំនួន៤ទីតាំង ពោលក្នុងទឹកដីខណ្ឌចំការមន១ ខណ្ឌទួលគោក១និងខណ្ឌមានជ័យចំនួន២ទីតាំង។ យ៉ាងណាក៏ដោយ សមត្ថកិច្ចមិនទាន់ បានបញ្ជាក់ឲ្យលំអិតពីអត្តសញ្ញាណ ជនសង្ស័យ និងចំនួន វត្ថុតាងដែលត្រូវ រឹបអូសនៅឡើយទេ ៕

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-News

Photo by DAP-News

{jwplayer}http://111.92.240.170:81/dap-news/dap-images/2012/December/id-009/drug.mp4&image=http://111.92.240.170:81/dap-news/dap-images/2012/December/id-010/chanroth-Dece-163.jpg&width=400&height=300{/jwplayer}

DAP-News

DAP-News

DAP-News

DAP-News

DAP-News

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

www.dap-news.com

ឆ្នាំ២០១២ បទល្មើសនានា បានថយចុះ គួរឲ្យ កត់សម្គាល់

0
0

ភ្នំពេញ៖ ក្នុងឆ្នាំ២០១២នេះ បណ្តាបទល្មើស ទាំងបទឧក្រិដ្ឋ និងមជ្ឈិម បានថយចុះមកត្រឹម៣.៦៧៦លើក បើប្រៀបធៀបរយៈពេលដូចគ្នា កាលពីឆ្នាំ២០១១ មាន រហូតដល់៤.១២១លើក គិតជាភាគរយថយចុះ៤,៥%។

នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថ លើផ្ទៃប្រទេស មានប្រសាសន៍ ក្នុងពិធីប្រជុំបូក សរុបលទ្ធផលការងារឆ្នាំ២០១២ និងលើកទិសដៅឆ្នាំ២០១៣ នៅថ្ងៃទី២៧ ខែធ្នូ ឆ្នាំ២០១២នេះថា មិនថាតែបទល្មើសទាំងនេះទេ ដែលបានធ្លាក់ចុះនោះ សូម្បីតែ ករណីផ្សេងៗក៏បានធ្លាក់មកត្រឹមចំនួន ៣.១១៦ លើកដែលកាលពីឆ្នាំ២០១១មានរហូតដល់៣.៤៨៦លើក គិតជាភាគរយថយចុះ ៣,៧%។

រីឯការខូចខាត បាត់បង់ជីវិតមនុស្ស បានធ្លាក់មកត្រឹមចំនួន២.៥៣១នាក់ដែលចំនួននេះ កាលពីឆ្នាំ២០១១ មានរហូតដល់ចំនួន ២.៩២៥នាក់ គិតជាភាគរយថយចុះ ៣,៩៤ភាគរយ រងរបួសវិញ មាន៥.៩៥៤នាក់ ដែលកាលពីឆ្នាំ២០១១ មានរហូតដល់ ៦.៧៨១នាក់ គិតជាភាគរយថយចុះ៨,២៧ភាគរយ។ ចំពោះការ ប្រមូលហ្វូង មនុស្សទាមទារតវ៉ាផ្សេងៗកើនឡើង ទៅដល់៤៩៩លើក បើប្រៀបធៀបរយៈពេលដូចគ្នាឆ្នាំ២០១១ មានត្រឹមតែ២៣១លើកប៉ុណ្ណោះ។

នាយឧត្តមសេនីយ៍ សៅ សុខា បន្តថា ភាពល្អប្រសើរផ្នែកសន្តិសុខ និងស្ថិរភាពនយោបាយ បានញ៉ាំងឲ្យកម្ពុជា សម្រេចបានយ៉ាងជោគជ័យ ក្នុងដំណើរការបោះឆ្នោត ជ្រើសតាំងសមាជិកព្រឹទ្ធសភា ការបោះឆ្នោតជ្រើសរើសក្រុមប្រឹក្សាឃុំ-សង្កាត់។

នាយឧត្តមសេនីយ៍ បន្ថែមថា ការថយចុះបណ្តាលបទល្មើស ការបាត់បង់អាយុជីវិត មនុស្ស-ទ្រព្យសម្បត្តិ និងការធានាបាននូវ សន្តិសុខសណ្តាប់ធ្នាប់ខាងលើ បានចង្អុលបង្ហាញ ពីការរួមចំណែក របស់កងរាជអាវុធហត្ថ ក្នុងការប្រតិបត្តិតួនាទី-ភារកិច្ច។

ជាក់ស្តែងឆ្នាំ២០១២ កម្ពុជាបានប្រើប្រាស់កម្លាំង ចំនួន ៣១២.៥៦៤នាក់ ធ្វើសកម្មភាព ៤៦.០៨៧លើក ប្រើប្រាស់មធ្យោបាយ មានរថយន្តចំនួន ៣៨.៩៣២គ្រឿង និងទោចក្រយាន្តយន្ត ចំនួន ១២.៧៣០គ្រឿង ។បង្ក្រាបបទល្មើសសរុបបានចំនួន៩៤៦លើក ។ បានកសាងសំណុំរឿងនិងបញ្ជូន ជនសង្ស័យទៅតុលាការ គ្រប់ថ្នាក់បានចំនួន៧៩៧នាក់ បានអនុវត្តដីកាគ្រប់ប្រភេទ របស់តុលាការចំនួន ៥.៤១៩ដីកា និងបានចាត់ការបណ្តឹង ចំនួន៨១៤បណ្តឹង ៕

សមត្ថកិច្ច បង្ហាញមុខ មេខ្លោង និងបក្ខពួក ជួញដូរគ្រៀងញៀន ទាំង៧នាក់

0
0

-ជនសង្ស័យចំនួន២នាក់ ត្រូវបានដោះលែង ពីព្រោះគ្មានជាប់ពាក់ព័ន្ធ

ភ្នំពេញ៖ នៅរសៀលថ្ងៃទី២៨ ខែធ្នូ ឆ្នាំ២០១២ នេះ វេលាម៉ោង ៤៖៣០នាទី សមត្ថកិច្ច ប្រឆាំងការជួញដូរ គ្រឿងញៀន ក្រសួងមហាផ្ទៃ បានធ្វើការបង្ហាញមុខ មេខ្លោង និងបក្ខពួក ជួញដូរគ្រឿងញៀន ចំនួន៧នាក់ និងថ្នាំញៀន នៅមន្ទីរប្រឆាំង គ្រឿងញៀន ក្រសួងមហាផ្ទៃ ក្រោយពីបង្ក្រាប បានជាបន្តបន្ទាប់ កាលពីថ្ងៃទី២៧ ខែធ្នូ ឆ្នាំ២០១២ នៅក្នុងរាជធានីភ្នំពេញ។

ក្រោយការបង្ហាញមុខ ជនសង្ស័យទាំង៧នាក់ រួចមក លោក ខៀវ សាម៉ន ប្រធានមន្ទីរប្រឆាំងគ្រឿងញៀន ក្រសួងមហាផ្ទៃ បានឲ្យដឹងថា ក្នុងចំណោម ជនសង្ស័យទាំង៧ នាក់ ដែលត្រូវបានចាប់ខ្លួន ពេលចុះបង្រ្កាបនោះ សមត្ថកិច្ចនឹងដោះលែង ជនសង្ស័យចំនួន២នាក់ ក្នុងនោះកូនប្រុសអាយុ១៧ របស់ជនសង្ស័យដែលជាមេខ្លោង និងមន្រ្តីយោធា ពាក់ស័ក្តិ៣ ដោយសារតែជនសង្ស័យទាំងពីរនាក់នេះ មិនជាប់ពាក់ព័ន្ធ និងករណីគ្រឿងញៀននេះ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Maybank ពង្រីកសាខាបន្ថែម នៅតំបន់សេដ្ឋកិច្ច ពិសេសភ្នំពេញ

0
0

ភ្នំពេញៈ មេយប៊ែង (Maybank) ដែលជា ធនាគារដ៏ធំ របស់ម៉ាឡេស៊ី នៅព្រឹកថ្ងៃទី២៨ ខែធ្នូ ឆ្នាំ២០១២ បានសម្ពោធបើកសាខាថ្មីមួយទៀត នៅតំបន់ សេដ្ឋកិច្ចពិសេសភ្នំពេញ រាជធានីភ្នំពេញ ដែលជាសាខាទី១២ របស់ខ្លួន នៅក្នុងប្រទេសកម្ពុជា ។

ចាប់តាំងពីឆ្នាំ១៩៩៣មក ធនាគារមេយប៊ែង បច្ចុប្បន្ននេះ មានសាខា៨ នៅរាជធានីភ្នំពេញ និង៤ទៀត នៅតាមបណ្តាខេត្តធំៗ ដូចជា សៀមរាប ព្រះសីហនុ បាត់ដំបង និងខេត្តកំពង់ចាម ជាដើម

លោក លី ទៀនប៉ូ  នាយកប្រតិបត្តិ ធនាគារមេយប៊ែង ប្រចាំនៅកម្ពុជា បានមានប្រសាសន៍ថា “សាខាថ្មីនេះ គឺជាផ្នែកមួយ នៃការប្តេជ្ញា ដ៏យូរអង្វែង របស់យើង ក្នុងការពង្រីកវត្តមាន នៅក្នុងប្រទេសកម្ពុជា ព្រមទាំងបានដើរតួនាទីដ៏សំខាន់ ក្នុងការអភិវឌ្ឍវិស័យសេវាកម្មហិរញ្ញវត្ថុ នៅក្នុងប្រទេស។ អ្វីៗទាំងអស់នេះ គឺស្របទៅតាមបេសកកម្ម របស់យើង គឺសេវាកម្មហិរញ្ញវត្ថុប្រកបដោយ អារ្យធ៌មទូទាំងអាស៊ី ក្នុងការបង្ក លក្ខណៈ ឲ្យកាន់តែងាយស្រួល នូវបម្រើសេវា ផ្នែកហិរញ្ញវត្ថុនៅទូទាំងតំបន់អាស៊ី តាមរយៈការបង្ក លក្ខណៈឲ្យកាន់តែងាយស្រួល ដល់ប្រជាពលរដ្ឋទ ទួលបានសេវាកម្មហិរញ្ញវត្ថុ” ។

លោកបន្ថែមថា “យើងមានគោលបំណង បម្រើជូន ឧស្សាហកម្មទាំងអស់ ដែលស្ថិតនៅ ក្នុងតំបន់សេដ្ឋកិច្ចពិសេសភ្នំពេញនេះ ដែលនឹងមាន តម្រូវការ ផ្នែកសេវាកម្ម ប្រតិបត្តិការធនាគារ ដូចជាហិរញ្ញប្បទាន សម្រាប់ ធ្វើពាណិជ្ជកម្ម និង ការគ្រប់គ្រងសាច់ប្រាក់។ យើងមានជំនឿថា នឹងមានតម្រូវ ការកាន់តែច្រើន ឡើង ដោយសារមានវត្តមាន របស់សហគ្រាសនានា ដែលពាក់ព័ន្ធនឹង ការនាំចូលវត្ថុធាតុដើម និងការនាំចេញផលិតផលសម្រេច តំបន់នេះច្រើន”  ។

លោក លី ទៀនប៉ូ មានប្រសាសន៍ថា មេយប៊ែងកម្ពុជា គ្រោងនឹងពង្រីបណ្តាញរបស់ខ្លួន ឲ្យកាន់តែទូលំទូលាយ នៅក្នុងឆ្នាំ២០១៣ ដែលនឹងប្រែ ក្លាយទៅជាស្ថាប័ននាំមុខគេ ក្នុងការផ្តល់សេវាកម្មហិរញ្ញវត្ថុ នៅក្នុងតំបន់។

លោកស្រី អ៊ុក ម៉ាលី ទេសាភិបាលរង ធនាគារជាតិ នៃកម្ពុជា បានបង្ហាញពីការគាំទ្រ ចំពោះការបើកសាខាថ្មីនេះ ដោយមានប្រសាសន៍ថា " ស្ថានភាពហិរញ្ញវត្ថុរបស់ធនាគារមេយប៊ែង (ខេមបូឌា) ភីអិលស៊ី ក៏មានភាពល្អប្រសើរ ដោយសារទ្រព្យសកម្មរបស់ ធនាគារមានចំនួន ៣៤៩,៩៨ លានដុល្លារអាមេរិក កើនឡើងចំនួន ៦១,៣៤% ធៀបនឹងគ្រាដូចគ្នាក្នុងឆ្នាំ២០១១។ ដូច្នេះខ្ញុំសង្ឃឹមថា តាមរយៈការបើកសាខា(Maybank)នេះ នឹងជួយបង្កើនលទ្ធភាព របស់ធនាគារ ក្នុងការស្វែងរកប្រាក់ចំណេញ ក៏ដូចជាក្នុងការកេណ្ឌ ប្រមូលប្រាក់បញ្ញើ ពីអតិថិជនកាន់តែខ្លាំងឡើង ដើម្បីឲ្យស្របតាមសន្ទុះកើនឡើង នៃឥណទានទៅអតិថិជន" ៕

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

Photo by DAP-NEWS

សង្កាត់អូឡាំពិក ប្រារព្ធពិធីបង្សុកូល ថ្វាយព្រះវិញ្ញាណក្ខន្ធ សម្តេចតា

0
0

ភ្នំពេញៈ តំណាងឲ្យ ប្រជាពលរដ្ឋ ១២១៥គ្រួសារ ស្មើនិង៧០៤៧នាក់ ចៅសង្កាត់អូឡាំពិក លោក ពា ហន បានរៀបចំពិធីបង្សុកូល ឧទ្ទិសកុសលថ្វាយព្រះវិញ្ញាណក្ខន្ធ ព្រះបរមសព ព្រះករុណា សម្តេចព្រះនរោត្តម សីហនុ ជាសម្តេចឳ សម្តេចតា សម្តេចតាទូត នៃជនរួមជាតិកម្ពុជា នារសៀលថ្ងៃទី២៨ ខែធ្នូ ឆ្នាំ២០១២នេះ ។

ចៅសង្កាត់អូរឡាំពិក លោក ពា ហន បានឲ្យដឹងថា បន្ទាប់ពីទទួលការណែនាំ ពីសំណាក់អភិបាល រាជធានី ភ្នំពេញ លោក កែប ជុតិមា ក៏ដូចជាការដឹកនាំ ផ្ទាល់ពីលោក អភិបាលខណ្ឌចំការមន សាលាសង្កាត់តែងតែ រៀបចំពិធីបង្សុកូល ឧទ្ទិសកុសលថ្វាយ ព្រះបរមសព ជារៀងរាល់សីល។

លោកបន្តថា សម្រាប់ថ្ងៃនេះ គឺជាសីលទី១០ ហើយ ដែលសាលាសង្កាត់បាន រៀបចំពិធី បង្សុកូល ដើម្បី ឧទ្ទិសកុសលថ្វាយ ជូនព្រះវិញ្ញាណក្ខន្ធ ព្រះមហាវីរក្សត្រ សម្តេចតា សម្តេចតាទូត ដែលព្រះអង្គ បានសោយ ទិវង្គត កាលពីកន្លងទៅថ្មីៗនេះ សូមឲ្យទ្រង់យាងទៅ សោយសុខក្នុង ឋានសុគតិភព ។

ចៅសង្កាត់អូឡាំពិក ក៏បានបញ្ជាក់ផងដែរថា កន្លងមក លោកអភិបាលខណ្ឌចំការមន តែងតែធ្វើការណែនាំ ដល់ចៅសង្កាត់ទាំង១២ ឲ្យរៀបចំ តាំងព្រះឆាយាល័ក្ខ ព្រះករុណ ព្រះមហាវីរក្សត្រ ព្រះបាទ សម្តេចព្រះ នរោត្តម សីហនុ នៅក្នុងសាលាសង្កាត់ ដើម្បីសម្រាប់ គោរពបូជាថ្វាយ ឧទ្ទិសកុសល ដល់ទ្រង់ ក៏ព្រោះថា ព្រះអង្គ មានស្នាព្រះហស្ថ ជាច្រើន បន្សល់ទុកដល់កូនចៅ ជំនាន់ក្រោយ មានដូចជា ការដណ្តើមឯករាជ្យ ពីអាណានិគមន៍បារាំង កាលពីឆ្នាំ១៩៥៣ ដណ្តើមខេត្តខ្មែរ និងប្រាសាទព្រះវិហារ ពីប្រទេសថៃ ព្រមទាំង បានបង្កើត ចលនាប្រទេស មិនចូលបក្សសម្ព័ន្ធ និងជាពិសេសទៅទៀត នោះគឺព្រះអង្គបានដឹកនាំ ឲ្យមាន កិច្ចព្រមព្រៀង សន្តិភាពទីក្រុងបារីស ជាដើម។

ព្រះករុណា ព្រះមហាវីរក្សត្រ ព្រះវររាជបិតាជាតិខ្មែរ ព្រះអង្គ បានយាងសោយទិវង្គត កាលពីវេលាម៉ោង១ និង២០ នាទី រំលងអាធ្រាត្រ ឈានចូលថ្ងៃទី១៥ ខែតុលា ឆ្នាំ២០១២ នៅក្នុងមន្ទីរពេទ្យ នាទីក្រុងប៉េកំាង នៃសាធារណរដ្ឋប្រជាមានិកចិន ក្នុងព្រះជន្មាយុ ៩០ព្រះវស្សា ព្រះបរមសពរបស់ ព្រះអង្គត្រូវបាន យាង មកកាន់ ប្រទេសកម្ពុជា នៅរសៀល ថ្ងៃទី១៧ ខែតុលា ឆ្នាំ២០១២ ប្រជាពលរដ្ឋ ចំនួនប្រហែល១លាន ទៅ១,២លាននាក់ បានចូលរួមដង្ហែរ ព្រះបរមសព តាំងពីអាកាសយានដ្ឋាន អន្តរជាតិភ្នំពេញ រហូតមកដល់ ព្រះបរមរាជវំាង ៕

Photo by DAP-News

Photo by DAP-News

Photo by DAP-News

លទ្ធផលកិច្ចប្រជុំ គណៈកម្មការចម្រុះ កម្ពុជា-ថៃ លើកទី៨

កម្ពុជាអរគុណ ក្រសួងការងារថៃ ជួយសម្រួលពលករ កម្ពុជា ១៦ម៉ឺននាក់ ឲ្យក្លាយជាពលករ ស្របច្បាប់

0
0

ភ្នំពេញៈ ក្តីព្រួយបារម្ភពីការដែលរដ្ឋាភិបាលថៃ ប្រកាស បញ្ជូនត្រលប់ពលករកម្ពុជា ខុសច្បាប់ជាលក្ខណៈទ្រង់ ទ្រាយធំៗ នាពេលកន្លងមក នៅពេលនេះពលករទាំងអស់នោះត្រូវបានក្លាយខ្លួន ជាពលករស្របច្បាប់អស់ហើយ បន្ទាប់ពីប្រទេសទាំងពីរ បានព្រមព្រៀងគ្នាជួយសម្រួលបំពេញបែបបទ តាមច្បាប់ត្រឹមត្រូវឡើងវិញ។

នៅឯកិច្ចប្រជុំគណៈកម្មការចម្រុះកម្ពុជា-ថៃលើកទី៨ សម្រាប់កិច្ចសហប្រតិបត្ដិការទ្វេភាគីពីថ្ងៃទី២៥-២៦ ខែធ្នូ ឆ្នាំ២០១២ នាក្រុងបាងកក ប្រទេសថៃ លោកឧបនាយករដ្ឋមន្រ្តីហោ ណាំហុង អរគុណក្រសួងការងារថៃ ដែល បានសម្រួលដល់ដំណើរការចេញប័ណ្ណ សម្គាល់អត្ដសញ្ញាណ CI ដល់ពលករកម្ពុជាចំនួនជាង ១៦០.០០០នាក់ ឱ្យទៅជាពលករស្របច្បាប់ ហើយបាន សម្រួលឱ្យក្រុមការងារក្រសួងមហាផ្ទៃកម្ពុជា ទៅផ្ដល់លិខិតឆ្លងដែនដល់ ពលករកម្ពុជា ដែលនៅសល់ ។ ភាគីទាំងពីរ បានឯកភាពសហការគ្នា ខិតខំលុបបំបាត់មេខ្យល់ ដែលនាំពលករ កម្ពុជាខុសច្បាប់ចូលទៅប្រទេសថៃ ។

លោកឧបនាយករដ្ឋមន្ដ្រី ហោ ណាំហុង បានមានប្រសាសន៍ថា ការកើនឡើងចំនួនពលករកម្ពុជាទាំងស្របច្បាប់ និងខុសច្បាប់ចូលក្នុងប្រទេសថៃជារៀងរាល់ថ្ងៃ ដោយសារការចាញ់បោកមេខ្យល់ ទាំងកម្ពុជា ទាំងថៃ ធ្វើការ ឃោសនាអូសទាញប្រជាពលរដ្ឋកម្ពុជា ដែលជួនកាលពេលទៅដល់ថៃ ទុកគ្នាចោល នាំឱ្យពលរដ្ឋទាំងនោះ រង ទុក្ខវេទនា ទទួលការចាប់ចងពីអាជ្ញាធរថៃ និងបញ្ជូនមក កម្ពុជាវិញ។

ទន្ទឹមហ្នឹងនោះ លោកឧបនាយករដ្ឋមន្ដ្រីក៏បានលើកឡើងពីទុក្ខលំបាកវេទនារបស់ពលករកម្ពុជាដែលចាញ់បោក មេខ្យល់ទៅធ្វើការលើទូកនេសាទថៃ ដែលកន្លងមក អង្គការទេសន្ដប្រវេសន៍អន្ដរជាតិ បានសហការជួយបញ្ជូន ពួកគេត្រឡប់មកកម្ពុជវិញ ។

ចំណែកឯ លោកឧបនាយករដ្ឋមន្ដ្រី ស៊ូរ៉ាពុង តុវិចាក់ចៃគូល បានមានប្រសាសន៍ថា កន្លងមកលោកជំទាវ យីង ឡាក់ ស៊ីណាវ៉ាត់ នាយករដ្ឋមន្ដ្រីថៃ បានប្រគល់ការងារនេះឱ្យលោកដានមើល ស្ថានភាពពលករលើទូកនេសាទ ថៃ។ រដ្ឋាភិបាលថៃបានស្នើឱ្យមានកិច្ចសហការពីក្រុមហ៊ុនវេចខ្ចប់គ្រឿងសមុទ្រកុំឲ្យទិញគ្រឿងសមុទ្រពីទូកនេ សាទណា ដែលធ្វើបាបកម្មករ ហើយខិតខំចាប់ខ្លួនជនល្មើសយកមកផ្ដន្ទារទោសតាមច្បាប់ ។

លើសពីនេះទៅទៀត ការបង្កើតមជ្ឈមណ្ឌលសំចតសម្រាប់ជនរងគ្រោះ ភាគីថៃបានស្នើឱ្យភាគីកម្ពុជា ពិចារណា លើអនុស្សារណៈយោគយល់ ស្ដីពីការបង្កើតមជ្ឈមណ្ឌលសំចតសំរាប់ជនរងគ្រោះដោយការជួញដូរមនុស្ស ដែល មានទីតាំងក្នុងខេត្ដបន្ទាយមានជ័យ។ ភាគីកម្ពុជាបញ្ជាក់ថា នឹងជំរុញឱ្យមានអនុស្សារណៈយោគយល់ស្ដីពីការ បង្កើតមជ្ឈមណ្ឌលសំចតសំរាប់ជនរងគ្រោះនេះ ហើយសង្ឃឹមថានឹងមានការចុះហត្ថលេខានាពេលឆាប់ៗនេះ ។
សូមជម្រាបថា នៅល្ងាចថ្ងៃទី២៦ ខែធ្នូ ឆ្នាំ២០១២ គណៈប្រតិភូកម្ពុជា ដែលដឹកនាំដោយលោក ឧបនាយករដ្ឋមន្ដ្រី ហោ ណាំហុង រដ្ឋមន្ដ្រីការបរទេស និង សហប្រតិបត្ដិការអន្ដរជាតិ បានអញ្ជើញត្រឡប់មកដល់មាតុប្រទេស វិញ ប្រកបដោយសុវត្ថិភាព ៕

Photo by DAP-NEWS


កម្ពុជា-ថៃ ជំរុញអាជ្ញាធរ ឲ្យកំណត់ទីតាំង បើកច្រកព្រំដែន អន្តរជាតិស្ទឹងបត់

0
0

-កម្ពុជា-ថៃ ចាត់វិធានការទប់ស្កាត់ ពលរដ្ឋឆ្លងដែនកាប់ឈើខុសច្បាប់

ភ្នំពេញៈ កម្ពុជា-ថៃ បានជំរុញឲ្យអាជ្ញាធរពាក់ព័ន្ធ ទាំងអស់កំណត់ទីតាំងបើកច្រកព្រំដែនអន្តរជាតិស្ទឹងបត់ ដើម្បី បង្កភាពងាយស្រួលដល់ប្រជាពលរដ្ឋ នៃប្រទេសទាំងពីរដឹកទំនិញទៅវិញទៅមក។ នេះបើយោងតាមលទ្ធផល នៃកិច្ចប្រជុំគណៈកម្មការចម្រុះកម្ពុជា-ថៃ លើកទី៨។

យោងតាមលទ្ធផល នៃកិច្ចប្រជុំគណៈកម្មការចម្រុះ កម្ពុជា-ថៃ លើកទី៨ ដែលមជ្ឈមណ្ឌលព័ត៌មានដើមអម្ពិល ទទួលបាននៅថ្ងៃទី២៨ ខែធ្នូ ឆ្នាំ២០១២ បានឲ្យដឹងថា កិច្ចប្រជុំបានសម្រេចឯកភាភឲ្យអាជ្ញាធរពាក់ព័ន្ឋកំណត់ ទីតាំងជាក់ស្ដែង នៃចំណុចឆ្លងកាត់ច្រកព្រំដែនអន្ដរជាតិថ្មីស្ទឹងបត់ឲ្យបានឆាប់ ដើម្បីប្រជាពលរដ្ឋដឹកជញ្ជូនទំនិញ ឆ្លងកាត់ ដោយទុកច្រកព្រំដែនអន្ដរជាតិប៉ោយប៉ែត ជាច្រកសម្រាប់ភ្ញៀវទេសចរធ្វើដំណើរ ។

នៅក្នុងកិច្ចប្រជុំនោះដែរ ភាគីថៃត្រៀមជួសជុលកែលំអស្ពានដែករថភ្លើងឆ្លងកាត់ព្រំដែនប៉ោយប៉ែត-អារញ្ញប្រា ថេត តាមសំណើររបស់កម្ពុជា។ ភាគីទាំង២ស្នើឱ្យអាជ្ញាធរពាក់ព័ន្ឋ នៃប្រទេសទាំងពីរពន្លឿន ធ្វើកិច្ចព្រមព្រៀង ស្ដីពីការដឹកជញ្ជូនតាមផ្លូវដែកឱ្យបានឆាប់ ដើម្បីជួយសម្រួលដល់ការដឹកជញ្ជូនទំនិញ និងការធ្វើដំណើររបស់ ប្រជាជនឆ្លងកាត់ព្រំដែនរវាងប្រទេសទាំងពីរ។

ទីភ្នាក់ងារកិច្ចសហប្រតិបត្ដិការអភិវឌ្ឍសេដ្ឋកិច្ចប្រទេសជិតខាងរបស់ថៃ ក៏បានត្រៀមធ្វើការសិក្សាលទ្ឋភាព និង គូរប្លង់លំអិតសាងសង់អគារការិយាល័យច្រកអន្ដរជាតិស្ទឹងបត់ និងផ្លូវតភ្ជាប់ពីគល់ស្ពានស្ទឹងបត់ មកផ្លូវជាតិលេខ ៥ខាងកម្ពុជា ហើយភាគីថៃ នឹងពិចារណាលទ្ឋភាពសាងសង់ស្ពានឆ្លងកាត់ស្ទឹងបត់តាមសំណើររបស់កម្ពុជាផង ដែរ។

ជាមួយគ្នានេះ ទីភ្នាក់ងារកិច្ចសហប្រតិបត្ដិការអភិវឌ្ឍន៍សេដ្ឋកិច្ចប្រទេសជិតខាងរបស់ថៃ នឹងពិចារណាធ្វើការ សិក្សាលទ្ឋភាព និងគូរប្លង់កែលំអផ្លូវលេខ៤៨របស់កម្ពុជា ឲ្យស្របតាមកម្រិតមាត្រដ្ឋានផ្លូវហាយវេអាស៊ាន ដើម្បី ផលប្រយោជន៍ដល់ប្រជាជន នៃប្រទេសទាំងពីរ។

លទ្ធផលនៃកិច្ចប្រជុំក៏បានសម្រេចឲ្យភាគីទាំងពីរ ពិភាក្សាអំពីវិធានការទប់ស្កាត់ការកាប់ឈើខុសច្បាប់ និងឧប្ប ទ្ទវហេតុនានា ដែលបណ្ដាលឲ្យមានការបាត់បង់ជីវិតមនុស្សនៅតាមបណ្ដោយព្រំដែនកម្ពុជា-ថៃ ដោយភាគីទាំង ពីរឯកភាពបង្កើតឱ្យមានបណ្ដាញទំនាក់ទំនង ផ្ដល់ព័ត៌មានដល់គ្នាទៅវិញទៅមករវាងអាជ្ញាធរពាក់ព័ន្ឋ នៃប្រទេស ទាំងពីរ។ ភាគីទាំងពីរឯកភាពគ្នាឲ្យមានកិច្ចសហការយ៉ាងជិតស្និទ្ធក្នុងការផ្ទេរអ្នកទោស ដោយអនុវត្ដទៅតាមកិច្ច ព្រមព្រៀងផ្ទេរអ្នកទោសរវាងប្រទេសទាំងពីរ៕

Photo by DAP-NEWS

សេចក្តីជូនដំណឹង របស់មជ្ឈមណ្ឌល ព័ត៌មានដើមអម្ពិល

0
0

សេចក្តីជូនដំណឹង

មជ្ឈមណ្ឌលព័ត៌មាន ដើមអម្ពិលសូមធ្វើការ ប្រកាសបដិសេធថា មជ្ឈមណ្ឌលព័ត៌មាន យើងខ្ញុំ មិនមាន បុគ្គលិក ឈ្មោះ មុំស្រី ភេទប្រុស ប្រចាំការនៅ ខេត្តបន្ទាយមានជ័យ នោះទេ ។ បច្ចុប្បន្នមជ្ឈមណ្ឌល ព័ត៌មានដើមអម្ពិល មានភ្នាក់ងារដែលត្រូវបាន តែងតាំងនិង ទទួលស្គាល់តែម្នាក់ប៉ុណ្ណោះ ប្រចាំការនិង យកព័ត៌មាន ជាអចិន្ទ្រៃយ៍ នៅក្នុងខេត្តបន្ទាយមានជ័យ គឺឈ្មោះ ប៊ុន សំណាង ។

សូមបញ្ជាក់ថានៅពេលថ្មីៗនេះ មានជនម្នាក់ដែលអះអាងថាខ្លួនឈ្មោះ មុំស្រី ភេទប្រុស ជាភ្នាក់ងារ ដើមអម្ពិលនៅខេត្តបន្ទាយមានជ័យ ហើយឈ្មោះខាងលើនេះ បានប្រើប្រាស់ឈ្មោះ មជ្ឈមណ្ឌល ព័ត៌មាន ដើមអម្ពិលទៅធ្វើសកម្មភាព ពាក់ព័ន្ធនឹងទំនាស់ដីធ្លី នៅក្នុងខេត្តបន្ទាយមានជ័យ ដើម្បី ប្រយោជន៍ផ្ទាល់ខ្លួន ទៀតផង ។

ដូច្នេះមជ្ឈមណ្ឌលព័ត៌មានដើមអម្ពិល សូមជំរាបជូនអាជ្ញាធរ មានសមត្ថកិច្ចរួមទាំង សាធារណជន ថាឈ្មោះ មុំស្រី មិនមែនជាភ្នាក់ងារ ដើមអម្ពិលនោះទេ ។ ហើយបើឈ្មោះ នេះនៅតែយក ឈ្មោះមជ្ឈមណ្ឌលព័ត៌មាន ដើមអម្ពិល ទៅប្រើទៀតមជ្ឈមណ្ឌល ព័ត៌មានដើមអម្ពិល នឹងចាត់វិធានការ តាមផ្លូវច្បាប់ ៕ សូមអរគុណ្..!

សមាជិកសភា គណបក្សសមរង្ស៊ី និងសិទ្ធិមនុស្ស មិនចូលរួមការ បំពាក់គ្រឿង ឥស្សរិយយស

0
0

ភ្នំពេញៈ តំណាងរាស្រ្តគណបក្សសមរង្ស៊ី និងសិទ្ធិ មនុស្ស មិនបានមកទទួលការបំពាក់គ្រឿង ឥស្សរិយយសរបស់ព្រះមហាក្សត្រកម្ពុជា ដែលបំពាក់ដោយប្រធានរដ្ឋសភា នៃព្រះរាជាណាចក្រកម្ពុជា សម្តេចអគ្គមហាពញា ចក្រី ហេង សំរិន នៅថ្ងៃសុក្រ ទី២៨ ខែធ្នូ ឆ្នាំ២០១២ នោះទេ។ តែយ៉ាងណា តំណាងរាស្រ្តគណបក្សទាំងពីរ អះអាងថា ពួកគេនៅតែទទួលយកគ្រឿងឥស្សរិយយសទាំងនោះដដែល គ្រាន់តែមិនចូលរួមពិធីតែប៉ុណ្ណោះ។

លោក យ៉ែម បុញ្ញឫទ្ធិ តំណាងរាស្រ្តមកពីគណបក្សសិទ្ធិមនុស្ស បានថ្លែងប្រាប់មជ្ឈមណ្ឌលព័ត៌មានដើមអម្ពិល ឱ្យដឹងថា ការមិនបានទៅចូលរួមទៅទទួលនោះ ក៏ព្រោះតំណាងរាស្រ្តទាំងបីរូបរបស់គណបក្សសិទ្ធិមនុស្សជាប់ បំពេញបេសកកម្មនៅតាមខេត្ត រីលោក កឹម សុខា ជាប់បេសកកម្មនៅក្រៅប្រទេស។

យ៉ាងណាក៏ដោយ លោក ជា ប៉ូច តំណាងរាស្រ្តមកពីគណបក្សសមរង្ស៊ី បានមានប្រសាសន៍ប្រាប់មជ្ឈមណ្ឌល ព័ត៌មានដើមអម្ពិលឱ្យដឹងថា សមាជិកសភាមកពីគណបក្សសមរង្ស៊ី ពិតជាមិនបានទៅចូលរួមទទួលមែន ដោយ សារតែការផ្តល់ជូននោះ មិនបានផ្តល់ជូនលោកសមរង្ស៊ី ដែលជាប្រធានរបស់ខ្លួន។

លោកបន្ថែមថា ទោះជាយ៉ាងណាសមាជិកសភាទាំងអស់របស់គណបក្សសមរង្ស៊ី នៅតែទទួលយកគ្រឿងឥស្ស រិយយសទាំងនោះដដែល ដោយសារតែជាព្រះរាជទានរបស់ព្រះមហាក្សត្រ។ «ព្រះមហាក្សត្រប្រទានគ្រឿងឥស្ស រិយយស ពួកខ្ញុំទទួលដោយពេញចិត្តពេញថ្លើម ប៉ុន្តែការបំពាក់នេះ (យើង) ខ្ញុំអត់គាំទ្រដោយសារមាន១២៣រូប តែយើងឃើញថាមានតែ១២២រូប។ អ្នកតំណាងរាស្រ្តយើងទាំងអស់១២៣រូប ឥឡូវបំពាក់ឱ្យតែ១២២ បាត់ ឈ្មោះ មនុស្សដែលសំខាន់បំផុត គឺឯកឧត្តមប្រធានសមរង្ស៊ី។ អីចឹង បានជាពួកយើងខ្ញុំមិនចូលរួមពិធីហ្នឹងទេ។»
យោងតាមជំពូកទី៤ មាត្រា២៦ នៃច្បាប់ស្តីពីលក្ខន្តិកៈតំណាងរាស្ត្រចែងថា តំណាងរាស្ត្រក្នុងតំណែងត្រូវទទួល បាននូវគ្រឿងឥស្សរិយយស ២ដងក្នុងមួយអាណត្តិ។

ការបំពាក់នេះ ត្រូវបានផ្តល់ជូនសមាជិក សមាជិការដ្ឋសភា នីតិកាលទី៤ និងមន្រ្តីជាន់ខ្ពស់ នៃ អគ្គលេខាធិការ ដ្ឋានសភា ដែលមានស្នាដៃល្អ និងគុណបំណាច់ជាច្រើន ដែលបានចូលរួមកសាង និងអភិវឌ្ឍន៍ ប្រទេសជាតិ ៣៩រូប ។

លោក ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម និងជាអនុប្រធានគណៈកម្មា ធិការឥស្សរិយយសរដ្ឋសភា បានថ្លែងនៅក្នុងពិធីនោះថា សម្តេច លោក និងលោកស្រី មួយចំនួនបានទទួល គ្រឿងឥស្សរិយយស តាមលំដាប់លំដោយរហូតដល់ថ្នាក់ខ្ពស់ផុតលេខ ដូចជា គ្រឿងឥស្សរិយយស ជាតូបការជា ដើម ពិតជាមានមោទនកភាពយ៉ាងក្រៃលែង។

លោកបន្តថា គណៈកម្មាធិការបានធ្វើសំណើរតាមរយៈ សម្តេច ហេង សំរិន ប្រធានរដ្ឋសភា ស្នើសុំព្រះមហាក្សត្រ តាមរយៈសម្តេចចៅហ្វាវាំង ឧបនាយករដ្ឋមន្ត្រី រដ្ឋមន្រ្តីក្រសួងព្រះបរមរាជវាំង ដើម្បីសូមព្រះរាជទានគ្រឿងឥស្ស រិយយសជូនសមាជិក សមាជិកា រដ្ឋសភា ចុងអាណត្តិទី៤ ពេលនេះ។ ពុំទាន់មានច្បាប់ ឫព្រះរាជក្រឹត្យហាមផ្តល់ គ្រឿងឥស្សរិយយស ជាតូបការ ពីរ ឬច្រើនដងនោះ និងតំណាងរាស្រ្តខ្លះ ទទួលបានគ្រឿងឥស្សរិយយសគ្រប់ ប្រភេទហើយនោះ គណៈកម្មាធិការរៀបចំគ្រឿងឥស្សរិយយសរដ្ឋសភា បានស្នើសុំគ្រឿង ឥស្សរិយយសជាតូប ការជាលើកទី២ ឬលើកទី៣ ជូនបន្ថែមដោយមិនត្រូវស្នើសុំគ្រឿងឥស្សរិយយសប្រភេទណាជូនទៀតទេ។

គ្រឿងឥស្សរិយយស ដែលត្រូវបំពាក់ជូនសមាជិក សមាជិការដ្ឋសភានាពេលនេះ រួមមាន៖
គ្រឿងឥស្សរិយយស ជាតូបការ , គ្រឿងឥស្សរិយយស ព្រះរាជាណាចក្រកម្ពុជា ថ្នាក់មហាសេរីវឌ្ឍន៍ , គ្រឿង ឥស្សរិយយស មុនីសារាភ័ណ្ឌ ថ្នាក់មហាសេរីវឌ្ឍន៍ , គ្រឿងឥស្សរិយយស ព្រះរាជាណាចក្រកម្ពុជា ថ្នាក់មហា សេនា , គ្រឿងឥស្សរិយយស មុនីសារាភ័ណ្ឌ ថ្នាក់មហាសេនា , គ្រឿងឥស្សរិយយស ព្រះរាជាណាចក្រកម្ពុជា ថ្នាក់ធិបឌិន្ទ , គ្រឿងឥស្សរិយយស មុនីសារាភ័ណ្ឌ ថ្នាក់ធិបឌិន្ទ , គ្រឿងឥស្សរិយយស សុវត្ថារា ថ្នាក់ធិបឌិន្ទ , គ្រឿងឥស្សរិយយស ព្រះរាជាណាចក្រកម្ពុជា ថ្នាក់សេនា និងគ្រឿងឥស្សរិយយស មុនីសារាភ័ណ្ឌ ថ្នាក់សេនា៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

www.dap-news.com

នគរបាល ប៉ុស្តិ៍សង្កាត់ ប៉ោយប៉ែត ចុះអប់រំ ផ្សព្វផ្សាយ ច្បាប់ភូមិឃុំ មានសុវត្ថិភាព ដល់ប្រជាពលរដ្ឋ ចំនួន 13 ភូមិ នៅជាយដែន មុនចូលឆ្នាំសកល

0
0

ខេត្តបន្ទាយមានជ័យ៖ នគរបាលប៉ុស្តិ៍សង្កាត់ប៉ោយប៉ែត ចុះអប់រំផ្សព្វផ្សាយច្បាប់ និងគោលនយោបាយ ភូមិឃុំមានសុវត្ថិភាព របស់ក្រសួងមហាផ្ទៃ ដែលបន្ថែមលើចំនួន ៤ចំណុចទៀត ដល់ ប្រជាពលរដ្ឋចំនួន13 ភូមិរបស់ខ្លួន  នៅថ្ងៃទី28 ខែធ្នូ ឆ្នាំ2012។

ពិធីនេះត្រូវបានប្រារព្ធធ្វើឡើង នៅភូមិប៉ោយប៉ែត ក្រោមការអញ្ជើញចូលរួមពី លោក ហ៊ត វិបុល នាយរងប៉ុស្តិ៍ សង្កាត់ប៉ោយប៉ែត លោក មេភូមិ មេក្រុម និងប្រជាពលរដ្ឋ ចូលរួមមកពីភូមិទាំង13 មានពលរដ្ឋចំនួន1107នាក់។

លោក ហ៊ត វិបុល បានដឹងនៅថ្ងៃទី28 ខែធ្នូ  ឆ្នាំ2012នេះថា ក្រោមការចាត់តាំង របស់លោក អ៊ឹម សុភារៈ នាយប៉ុស្តិ៍ សង្កាត់ប៉ោយប៉ែត លោកក៏បាន ដឹកនាំមន្ត្រី នគរបាលក្នុងប៉ុស្តិ៍ ចុះ ជួបសំណេះសំណាលជាមួយបងប្អូន ប្រជាពលរដ្ឋនិងផ្សព្វផ្សាយ ពីច្បាប់និងគោលនយោបាយភូមិឃុំ មាន សុវត្ថិភាព ៤ចំណុច ដែលក្រសួងមហាផ្ទៃ ទើបតែបន្ថែមថ្មី ដើម្បីឲ្យពួកគាត់បានយល់ដឹង និងចូលរួមគោរពច្បាប់ បានគ្រប់ៗគ្នា ហើយ ម៉្យាងទៀត រាល់ពេលមានបទល្មើស ឬ មុខសញ្ញាសង្ស័យផ្សេងៗ លបលួចចូលមក លាក់ ខ្លួនក្នុងមូលដ្ឋានពួកគាត់អាចរាយការណ៍ ជូនសមត្ថកិច្ចចុះ អន្តរាគមន៍បាលទាន់ ពេល វេលា។

ទន្ទឹមគ្នានោះលោក ក៏បានអប់រំណែនាំ ដល់ពលរដ្ឋទាំងអស់ ត្រូវមានការប្រុសប្រយ័ត្ន ឲ្យបានខ្ពស់ចំពោះករណីគ្រោះថ្នាក់ចរាចរ ពេលធ្វើដំណើរ ទៅទីជិតទីឆ្ងាយ ត្រូវបើកបរ គោរពសិទ្ធិគ្នាទៅវិញទៅមកនិង ពាក់មួកសវត្ថិភាពគ្រប់ពេលវេលា ខណៈបើកបរទើប យើងទាំងអស់គ្នារួចផុតពី សេចកក្តី ស្លាប់៕

www.dap-news.com

www.dap-news.com

www.dap-news.com

ទិដ្ឋការ ACMECS ចាប់ផ្តើមមាន សុពលភាព​ (Video Inside)

0
0

ភ្នំពេញ៖ ក្រសួងការបរទេសកម្ពុជា នៅថ្ងៃព្រហស្បតិ៍ ទី២៧ ខែធ្នូឆ្នាំ២០១២ បានប្រកាសឱ្យដឹងថា ទិដ្ឋការតែ មួយសម្រាប់ ACMECS (The Ayeyawady - Chao Phraya - Mekong Economic Cooperation Strate gy) ចូលជាធរមាននៅថ្ងៃទី២៧ ខែធ្នូឆ្នាំ២០១២ តទៅហើយ។

សេចក្តីប្រកាសព័ត៌មានរបស់ក្រសួងការបរទេសកម្ពុជា បានឱ្យដឹងថា ទិដ្ឋការនេះ គឺរកបាននៅតាមស្ថានទូត និង ស្ថានបេសកកម្មកុងស៊ុល នៃព្រះរាជាណាចក្រកម្ពុជា និងថៃ។ «ជាមួយនិងការទទួលបានទិដ្ឋការប្រភេទនេះ ទោះ ជាប្រទេសកម្ពុជា ឬថៃក្តី អ្នកមានទិដ្ឋការនេះ មានសិទ្ធិចេញចូលប្រទេសទាំងពីរ»។

សេចក្តីប្រកាសនេះ បានធ្វើឡើងបន្ទាប់ពីលោកឧបនាយករដ្ឋមន្រ្តី ហោ ណាំហុង រដ្ឋមន្រ្តីក្រសួងការបរទេស កម្ពុជា បានចូលរូមកិច្ចប្រជុំគណៈកម្មាធិការចំរុះកម្ពុជា-ថៃ នាទីក្រុងបាងកកនាថ្ងៃទី២៥-២៦ ខែធ្នូ ឆ្នាំ២០១២។

ប្រភពដដែលបន្តថា ទិដ្ឋការនេះ មានតម្លៃត្រឹមតែ២០ដុល្លារសហរដ្ឋអាមេរិក ដែលមានសុពលភាពរហូតដល់ ៩០ថ្ងៃ គិតចាប់ពីថ្ងៃផ្តល់ទិដ្ឋការ។ ប្រទេសដែលមានសិទ្ធិដាក់ពាក្យសុំទិដ្ឋការនេះ បាន មានតែពលរដ្ឋមកពី ប្រទេស អូស្ត្រាលី អូទ្រីស ប៊ែលហ្សិក បារែន កាណាដា សាធារណៈរដ្ឋប្រជាមានិតចិន ដាណឺម៉ាក ហ្វំាងឡង់ បារំាង អាឡឺម៉ង់ ក្រិក ហុងកុង អ៊ីស្លង់ អៀរឡង់ អ៊ីស្រាអែល អ៊ីតាលី ឥណ្ឌា ជប៉ុន កូរ៉េខាងត្បូង គុយវ៉ែត លុចហ្សំ បួរ ហូឡង់ ណូវែលហ្សឺឡង់ នរវែស អូម៉ង់ ព័រទុយហ្គាល់ កាតា អេស្ប៉ាញ អាហ្វ្រិកខាងត្បួង ស៊ុយអ៊ែត ស្វីស តួកគី អារ៉ាប់រួម ចក្រភពអង់គ្លេស និងសហរដ្ឋអាមេរិក។

ជាមួយនឹងការផ្តល់ទិដ្ឋការ លោក អាង គឹមអៀង ប្រធានសមាគមទីភ្នាក់ងារទេសចរណ៍កម្ពុជា (CATA) បាន សម្តែងការស្វាគមន៍ ចំពោះវិធានការថ្មីរបស់រដ្ឋាភិបាលទាំងពីរ ជាអ្វីដែលលោកចាត់ទុកថា ជាការផ្តល់ប្រយោជន៍ ជាពិសេសដល់វិស័យទេសចរណ៍កម្ពុជា។

លោកបន្តថា «ផលប្រយោជន៍ពិតជាមានច្រើនសម្រាប់កម្ពុជា ជាពិសេសការជំរុញ កំណើនភ្ញៀវទេសចរឱ្យបាន ៧លាននាក់នៅឆ្នាំ២០២០ ស្របតាមយុទ្ធសាស្រ្ត និងផែនការទេសចរណ៍ជាតិឆ្នាំ២០១២-២០២០»។

កំណើនភ្ញៀវទេសចរអន្តរជាតិ មកទស្សនាប្រទេសកម្ពុជា មានការកើនឡើងជាបន្តបន្ទាប់៕

Photo by DAP-NEWS

{jwplayer}http://111.92.240.170:81/dap-news/dap-images/2012/December/id-009/ACMECS.mp4&image=http://111.92.240.170:81/dap-news/dap-images/2012/December/id-009/S-177.jpg&width=400&height=300{/jwplayer}
Viewing all 8042 articles
Browse latest View live




Latest Images