កំពង់ស្ពឺ៖ រដ្ឋមន្រ្តីក្រសួងធម្មការ និងសាសនា លោក មិន ឃិន និងរដ្ឋមន្រ្តីក្រសួងវប្បធម៌ និងវិចិត្រសិល្បៈ លោក ហ៊ឹម ឆែម រួមជាមួយនិងព្រះសង្ឃ៣០០អង្គ ព្រមទាំងប្រជាពុទ្ធបរិស័ទ្ធយ៉ាងច្រើនកុះករ បានប្រារព្ធពិធី បុណ្យមាឃបូជានៅលើភ្នំឧត្តុង្គ។
ពិធីបុណ្យមាឃបូជា ដែលប្រារព្ធធ្វើឡើងនាព្រឹកថ្ងៃ១៥ ខែមាឃ ឆ្នាំរោង ព.ស ២៥៥១ ត្រូវនិងថ្ងៃចន្ទ ទី២៥ ខែកុម្ភៈ ឆ្នាំ២០១៣នេះ ជាពីធីបុណ្យមួយដែលមានសារៈសំខាន់នៅក្នុងពុទ្ធសាសនា ដើម្បីរំលឹកដល់ថៃ្ងដែល ព្រះ សម្មាសម្ពុទ្ធទ្រង់ប្រកាសបង្កើតព្រះពុទ្ធសាសនាឡើង ក្នុងលោកនាប្រទេសឥណ្ឌាកាលពី៥៨៨ ឆ្នាំ មុនគ្រិស្តសក រាជ នាថៃ្ងទី១៥កើត ខែមាឃ ក្រោយពីការត្រាស់ដឹងរបស់ព្រះអង្គចំនួន ៩ ខែគត់៕
