ភ្នំពេញ៖ កូនភ្លោះ៣បានកើតនៅក្នុងត្រកូលកសិករ មួយគ្រួសារ រស់នៅភូមិ សំភិន ឃុំកំពង់ចាម ស្រុកសំបូរ ខេត្តក្រចេះ ហើយត្រូវឪពុកម្តាយ មកសម្រាលបុត្រនៅមន្ទីរពេទ្យមិត្តភាពខ្មែរសូវៀត កាលពីយប់ថ្ងៃទី២២ ខែមិនា ឆ្នាំ២០១៣។
កូនភ្លោះទាំងបីនាក់ខាងលើនេះ មានឈ្មោះ ទី១ ផាំង ហុង ទី២ ផាំងហេង និងទី៣ ផាំង ហៀង ដែលមានឪពុកឈ្មោះ ផាំង ហាក់ អាយុ២៦ឆ្នាំ ម្តាយឈ្មោះ សុខ ជឿន អាយុ២២ឆ្នាំ។
ទារកភ្លោះទាំងបីខាងលើនេះ ជាកូនទី២របស់លោក ផាំងហាក់ និងស្ត្រីសុខ ជឿន។ មានការកត់សម្គាល់ថា នៅទូរទាំងប្រទេសឲ្យតែមានទារក ឬទារិការភ្លោះបីនាក់ គឺត្រូវបានក្តីសន្តោសប្រោសប្រណីជួយឧបត្ថម្ភថវិកា ៣លានរៀលពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា រហូតត្រូវបានចាត់ទុកថា កូនភ្លោះបីគឺជាកូនសម្តេចតេជោ ហ៊ុន សែន និងលោកជំទាវ៕
