ភ្នំពេញ ៖ កម្លាំងនគរបាល ខណ្ឌសែន សុខ បានបើកការស្រាវជ្រាវ ហើយឈាន ទៅដល់ការចាប់ខ្លួន ជនសង្ស័យ ២នាក់ពាក់ ព័ន្ធនឹងសកម្មភាពចែកចាយ និងប្រើប្រាស់ គ្រឿងញៀន ស្ថិតនៅភូមិត្រញំងឈូក សង្កាត់ទឹកថ្លា ខណ្ឌសែនសុខ នាវេលាម៉ោង ៣ រសៀលថ្ងៃទី០៧ ខែឧសភា ឆ្នាំ២០១៤ នេះ ។
អធិការនគរបាល ខណ្ឌសែនសុខ លោក ម៉ក់ ហុង បានឱ្យដឹងថា ក្រោយពីទទួលបាន សេចក្ដីរាយការណ៍ និងព័ត៌មានសម្ងាត់រួច មក ពីសកម្មភាព ចែកចាយ និងប្រើប្រាស់ គ្រឿងញៀន នៅចំណុចកើតហេតុខាងលើ លោកបានបញ្ជាឱ្យកម្លាំងនគរបាលជំនាញ សហការជាមួយកម្លាំងនគរបាលពាក់ព័ន្ធ បានចុះទៅធ្វើការ ស្រាវជ្រាវ ហើយឈាន ទៅដល់ការចាប់ខ្លួន ជនសង្ស័យទាំង២នាក់ រួមជាមួយនឹងវត្ថុតាងមួយចំនួនទៀត ។
មន្ដ្រីនគរបាលព្រហ្មទណ្ឌ ខណ្ឌសែនសុខ បានឱ្យដឹងថា ជនសង្ស័យទាំង ២នាក់ ដែល ត្រូវចាប់ខ្លួនខាងលើនេះ ទី១ ឈ្មោះ ហាវ ថន អាយុ ២៧ឆ្នាំ និងទី២ ឈ្មោះ ប៉ែន ស្រីការ អាយុ ១៧ឆ្នាំ ដែលត្រូវបានចាប់ខ្លួន នៅក្នុងផ្ទះ ខណៈដែលពួកគេកំពុងធ្វើសកម្ម ភាពប្រើប្រាស់ និងចែកចាយថ្នាំញៀន ។
ក្រោយការចាប់ខ្លួន ជន សង្ស័យទាំង២នាក់ និងវត្ថុតាង ត្រូវបាននាំមកសួរនាំបន្ដទៀត នៅអធិការដ្ឋាននគរបាល ខណ្ឌសែនសុខ ដើម្បីចាត់ការបន្ដតាមផ្លូវច្បាប់ ៕
