Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

ដើរទៅធ្វើការ រោងចក្រ ត្រូវម៉ូតូបើកបុក រងរបួសធ្ងន់ ទាំងសងខាង

0
0

-គ្រូពេទ្យ នៅមន្ទីរពេទ្យ លោកសង្ឃ មិនមើលអ្នកជំងឺ ក្រោយដឹងថា គ្មានសាច់ញាតិ

ភ្នំពេញ ៖ ស្រ្តីម្នាក់ឈ្មោះ ជុំ ចរិយ៉ា រងរបួសបែកក្បាល ពីក្រោយ សន្លប់ឈឹង និងបុរសម្នាក់ទៀតឈ្មោះ សឿង វណ្ណា រងរបួស បែកក្បាល រលាត់ដៃ រលាត់ជើង បន្ទាប់ពីមានម៉ូតូមួយគ្រឿង បើកបរខ្វះការ ប្រុងប្រយ័ត្ន ហ្វ្រាំងមិនទាន់ ជ្រុលទៅជាន់ អ្នកដើរថ្មើរជើង កាលពីវេលា ម៉ោង៦និង១០នាទី ព្រលឹមថ្ងៃទី១២ ខែឧសភា ឆ្នាំ២០១៤ លើកំណាត់ផ្លូវជាតិលេខ៤ មុខវិទ្យាល័យជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។

តែគួរអោយអនិច្ចារ ពេលក្រុម ៧១១បញ្ជូនទៅដល់ មន្ទីរពេទ្យ លោកសង្ឃ ស្រាប់តែពេទ្យ ទទួលតែស្ត្រីឈ្មោះ ជុំ ចរិយា ព្រោះមានបងប្អូន ទៅតាមជាមួយ ចំណែកបុរស ឈ្មោះ សឿង វណ្ណា ក្រុមគ្រូពេទ្យ គ្រាមកដាក់អោយដេក លើកៅអី ខាងក្រៅបន្ទប់ទៅវិញ ដោយសារសួររកបងប្អួន សាច់ញាតិអត់មាន មិនដឹងអ្នកណា ជាអ្នកបង់ថ្លៃសេវា ។

ប្រភពពីកន្លែងកើតហេតុ បានឲ្យដឹងថា ស្រ្តីរងគ្រោះឈ្មោះ ជុំ ចរិយា អាយុ៣១ឆ្នាំ មុខរបរ កម្មការនីរោងចក្រ ស្នាក់នៅផ្ទះជួល ផ្សារឯករាជ្យ២ ភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ មានស្រុកកំណើត ភូមិទួលពង្រ ឃុំសោម ស្រុកគីរីវង្ស ខេត្តតាកែវ  របួសបែកក្បាលពីក្រោយ សន្លប់បាត់ស្មារតី ។

ចំណែក បុសរងគ្រោះម្នាក់ទៀត ជាអ្នកបើកម៉ូតូបង្ក ឈ្មោះ សឿង វណ្ណា អាយុ៣៥ឆ្នាំ មុខរបររត់ម៉ូតូឌុប ស្នាក់នៅ សង្កាត់ចោមចៅ ខណ្ឌពោធិ៍សែនជ័យ មានស្រុកកំណើត ឃុំពេជ្រមុន្នី ស្រុកគងពិសី ខេត្តកំពង់ស្ពឺ រងរបួស បែកក្បាល ហូរឈាមកខ្លាក់ ។

តាមសាក្សី នៅកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញ បុរសខាងលើ ជិះម៉ូតូ មួយគ្រឿង ម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1AI-1462 ជិះម្នាក់ឯង ពីលិចទៅកើត លុះដល់ចំណុចកើតហេតុ រវល់តែងាកមិនបានមើលមុខ ក៏ជ្រុលទៅបុក ស្រ្តីរងគ្រោះ ដើរឆ្លងថ្នល់ពីជើងទៅត្បូង ដេកដួលនៅកន្លែង បណ្តាលឲ្យរងរបួសសងខាង ។

ក្រោយកើតហេតុ ជនរងគ្រោះទាំង២នាក់ ត្រូវបានរថយន្តសង្រ្គោះ របស់អង្គភាព៧១១ ដឹកបញ្ជូនទៅមន្ទីរពេទ្យព្រះកុសុមះ តែគួរឲ្យសោកស្តាយ បុរសរងគ្រោះ ពេលដែល ដឹកដល់មន្ទីរ ដោយអត់ទាន់មានបងប្អូនទៅដល់ គ្រូពេទ្យគ្មានរវល់មើល ជនរងគ្រោះឡើយ ទុកឲ្យជនរងគ្រោះដេកនៅយ៉ាងកណ្តោចកណ្តែង តែម្នាក់ឯង ។

សេចក្តីរាយការណ៍ បានឲ្យដឹងថា វេលាកើតហេតុ នៅវេលាម៉ោង ៦៖១០នាទី ពេលបញ្ជូន ដល់មន្ទីរពេទ្យកុសមះ ហៅពេទ្យលោកសង្ឃ ម៉ោង ៦៖៤៥នាទី នៅកន្លែង កើតហេតុ មានអ្នកជួយសង្រ្គោះ អោយរួចផុត ពីសេចក្តីស្លាប់ តែនៅពេលបញ្ជូន ដល់មន្ទីរពេទ្យ ត្រូវគ្រូពេទ្យទុក អោយវេទនា គ្មានមើល និងជួយសង្គ្រោះទៅវិញ ។

ប្រជាពលរដ្ឋ នៅមន្ទីរពេទ្យលោកសង្ឃ ដែលបានឃើញ ហេតុការណ៍ ខាងលើនេះ បាននិយាយថា មិនគួរណា ក្រុមគ្រូពេទ្យ នៅមន្ទីរពេទ្យ លោកសង្ឃធ្វើបែបនេះ ចំពោះអ្នកជំងឺនោះឡើយ ពោលមើល និងព្យាបាល ចំពោះអ្នកជំងឺ ដែលមានលុយកាក ប៉ុន្តែអ្នកជំងឺ ដែលគ្មានលុយ ស្រាប់តែមិនយកចិត្តទុកដាក់ មើលទៅវិញ។

ប្រជាពលរដ្ឋ ទាំងនេះ សូមអំពាវនាវ ដល់ប្រមុខរាជរដ្ឋាភិបាល និងរដ្ឋមន្រ្តី ក្រសួងសុខាភិបាល ជួយពិនិត្យមើល ក្រុមគ្រូពេទ្យ ខាងលើនេះផង ជៀសវាង ខំកសាងគុណសម្បត្តិ បានច្រើន ក្នុងការព្យាបាលអ្នកជំងឺ បែរជាត្រូវរងនូវការរិះគន់ នូវសកម្មភាពមិនប្រក្រតី មួយករណីនេះទៅវិញ ៕

បុរសរងគ្រោះ ដែលក្រុមគ្រូពេទ្យ លោកសង្ឃ ដាក់ឲ្យដេកនៅខាងក្រៅបន្ទប់


Viewing all articles
Browse latest Browse all 8042

Latest Images

Trending Articles





Latest Images