អ៊ុយក្រែន៖ មេដឹកនាំប្រជាពលរដ្ឋអ៊ុយក្រែន នៅភាគខាងកើត ដែលគាំទ្ររដ្ឋាភិបាល រុស្ស៊ី ស្ថិតនៅទីក្រុង Donetsk និង Luhansk បានប្រកាស ឯករាជ្យពី អ៊ុយក្រែន នឹងស្នើឲ្យ ប្រទេស រុស្ស៊ី ទទួលយក សាធារណរដ្ឋ Donetsk ជាចំណែកមួយរបស់ប្រទេស រុស្ស៊ី បន្ទាប់ពីបានធ្វើការប្រជាមតិ បោះឆ្នោត នៅថ្ងៃអាទិត្យ ទី ១១ ខែឧសភា ឆ្នាំ២០១៤ នេះបើតាមព័ត៌មាន BBC ចេញផ្សាយនៅរាត្រី ថ្ងៃច័ន្ទ ទី១២ ឧសភានេះ។
លោក Denis Pushilin មេដឹកនាំក្រុមគាំទ្ររុស្ស៊ី បានថ្លែងថា សាធារណរដ្ឋ Donetsk ទទួលបានសម្លេងគាំទ្រលើសលប់រហូតដល់ ៨៩ភាគរយ Donetsk និង ៩៦ភាគរយ សម្រាប់ការចាកចេញពី អ៊ុយក្រែន ដើម្បីចូលរួមជាមួយរុស្ស៊ី ដោយឡែកចំពោះការធ្វើប្រជាមតិ នៅ Luhansk វិញ ទទួលបាន ៩៦ភាគរយ ។
ប្រទេស រុស្ស៊ី បានប្រកាសគាំទ្រយ៉ាងពេញទំហឹង ចំពោះការធ្វើប្រជាមតិខាងលើនេះ ខណៈអ៊ុយក្រែន និង សហភាពអឺរ៉ុបចោទថា វាជាទង្វើខុសច្បាប់ ។