ប៉េកំាង៖ រដ្ឋាភិបាលចិន បានបញ្ជូនជើងហោះហើរពិសេស និងកប៉ាល់ ទៅប្រទេស វៀតណាម ដើម្បីបង្កើនល្បឿន ក្នុងការជម្លៀសពលរដ្ឋខ្លួនចេញពីប្រទេស វៀតណាម ក្នុងស្ថានការណ៍វាយប្រហារកាលពីពេលថ្មីៗ។
ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃចន្ទ ទី១៩ ខែឧសភា ឆ្នាំ២០១៤ថា កប៉ាល់ចិនចំនួន ០៤គ្រឿង បានបញ្ជូនទៅកាន់ខេត្ត ហាទិញ ប្រទេស វៀតណាម ដើម្បីជម្លៀសពលរដ្ឋចិនរាប់ពាន់នាក់ពីទីនោះ។ ចំណែកជើងហោះហើរពិសេសពីរទៀត បានត្រឡប់មកដល់ប្រទេសចិនវិញ ហើយកាលពីរសៀលថ្ងៃអាទិត្យ ដោយ នាំយកពលរដ្ឋចិនបានចំនួន ២៩១នាក់។
កាលពីពេលមុននេះ ពលរដ្ឋចិនចំនួន ១៦នាក់ដែលរងរបួសធ្ងន់ ត្រូវបានគេជម្លៀសតាមយន្តហោះពេទ្យ ដោយរៀបចំដោយរដ្ឋាភិបាលចិន។ ពាក់នឹងការជម្លៀសនេះ ពលរដ្ឋចិនច្រើនជាង ៣.០០០នាក់ហើយ ដែលជម្លៀសខ្លួនចេញពីប្រទេសវៀតណាម ចាប់តំាងពីការវាយប្រហារកើតឡើង៕
