ឃាត់ខ្លួនមនុស្ស ៣នាក់ និងថ្នាំញៀន ៧កញ្ចប់ តូច-ធំ

ភ្នំពេញ៖ កងកម្លាំងអាវុធហត្ថ (អ.ហ) ប្រចាំខណ្ឌចំការមន និង អ.ហ ខណ្ឌទួលគោក បានឃាត់ខ្លួនជនសង្ស័យ ប្រុស-ស្រី ចំនួន៣នាក់ ដែលជាប់ពាក់ព័ន្ធនឹងគ្រឿងញៀន និងចាប់បានថ្នាំញៀន ៧កញ្ចប់តូច-ធំ កាលពីម៉ោង ៤រសៀលថ្ងៃទី៨ ខែកក្កដា ឆ្នាំ២០១៤ នៅទីតាំងផ្សេងគ្នា។

តាមរយៈការស្រាវជ្រាវ របស់ អ.ហ ខណ្ឌចំកាមន នៅវេលាម៉ោង១៦និង០០ ចំណុចផ្លូវ ២២៣ សង្កាត់ផ្សារ ដេប៉ូ១ បានឃាត់ខ្លួនជនសង្ស័យម្នាក់ រួមនិងថ្នាំញៀន (ក្រាមពណ៌ស) ១កញ្ចប់ធំ បន្ទាប់មកដោយមានការ សហការ ជាមួយនិងការិយាល័យគ្រឿងញៀន រាជធានីភ្នំពេញ និងអ.ហ ខណ្ឌទួលគោក បានចុះទៅឆែកឆេរ បន្ទប់លេខ១០៦ ផ្ទះសំណាក់តារាពេជ្រ ស្ថិតនៅក្រោយសាលាសន្ធរម៉ុក សង្កាត់ទឹកល្អក់២ ខណ្ឌទួលគោក និងបានឃាត់ខ្លួន ជនសង្ស័យ២នាក់ រួមនិងវត្ថុតាងគ្រឿងញៀន (ក្រាមពណ៌ស) ចំនួន៦កញ្ចប់តូច និងប្រដាប់ ជក់គ្រឿងញៀន១ចំនួនទៀត ។

ជនសង្ស័យ មាន ឈ្មោះសំ វណ្ណា ភេទប្រុស អាយុ២៧ឆ្នាំ ជាងរថយន្ត ស្នាក់នៅមិនពិតប្រាកដ
ឈ្មោះ រចនា ភេទស្រី អាយុ ១៨ឆ្នាំ លក់ដូរ ស្នាក់នៅម្តុំបារមាន់ចែ និងឈ្មោះ អូន ម៉ៅ ភេទប្រុស អាយុ ១៨ឆ្នាំ មុខរបរនិងស្នាក់នៅមិនពិតប្រាកដ និងដកហូតវត្ថុតាង ថ្នាំញៀន (ក្រាមពណ៌ស) ៧កញ្ចប់ ម៉ូតូស្តេប ពណ៌ ក្រហម ស្លាកលេខ ភ្នំពេញ ១AP-៧៥៤៣ ទូរស័ព្ទ៤គ្រឿង ជញ្ជីងថ្លឹងគ្រឿងញៀន ចំនួន១ នាឡិកាស្រី២ ប្រដាប់ជក់មួយចំនួន និងប្រាក់ ១២៤០០០រៀល។

បច្ចុប្បន្នមនុស្ស និងវត្ថុតាងរក្សា ទុកនៅ អ.ហខណ្ឌ និងសុំគោលការណ៍ពីមេបញ្ជាការ ដើម្បីបញ្ជូនទៅ ការិយាល័យគ្រឿងញៀនរាជធានីភ្នំពេញ ៕