មន្ទីរធនធានទឹក ខេត្តឧត្តរមានជ័យ នាំគ្រឿងចក្រស្តារ​ ប្រឡាយ និងបូមទឹក ដាក់ស្រូវ ជូនប្រជាពលរដ្ឋ នៅស្រុកចុងកាល់ និងស្រុកបន្ទាយអំពិល

ឧត្តរមានជ័យ ៖ នៅព្រឹកថ្ងៃទី១៧ ខែសីហា ឆ្នាំ២០១៤ នេះ មន្ទីរធនធានទឹក ខេត្តឧត្តរមានជ័យ នាំគ្រឿងចក្រ ២គ្រឿង ចុះស្តារប្រឡាយប្រវែង ៥០០ម៉ែត្រ ដើម្បីនាំទឹក ទៅស្រោចស្រព ស្រូវវស្សារបស់កសិករ ២០០ហិកតា នៅស្រុកចុងកាល់ និងចុះបូមទឹកសង្គ្រោះស្រូវវស្សានៅ ស្រុកបន្ទាយអំពិល ៣៥០ហិកតា ដោយសរុបទាំង ២ស្រុកនេះ ប្រើប្រាស់ម៉ាស៊ីនទាំងតូចទាំងធំចំនួន ១០គ្រឿង ដើម្បីបូមសង្គ្រោះ ។

ប្រតិបត្តិការនេះ ធ្វើឡើងក្រោយពីមានបទបញ្ជា របស់រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ ក្នុងការជួយបូមទឹកដាក់ស្រូវរដូវវស្សា របស់ប្រជាពលរដ្ឋ ដែលជួបបញ្ហាខ្វះខាតទឹក នៅស្រុកចុងកាល់ និងស្រុកបន្ទាយអំពិល ៕