អ.ហ ខណ្ឌព្រែកព្នៅ ចាប់ក្មេងបែកថ្នាំ គំរាមដុតផ្ទះ និងគំរាមកាប់សម្លាប់ឪពុកម្តាយ

ភ្នំពេញ ៖ ជនញៀនថ្នាំ ហួសកម្រិតម្នាក់ ត្រូវបានកម្លាំងអាវុធហត្ថ ខណ្ឌព្រែកព្នៅ នាំខ្លួនមកទីបញ្ជាការដ្ឋានអាវុធហត្ថខណ្ឌ នៅយប់ថ្ងៃទី២១ ខែធ្នូ ឆ្នាំ២០១៤នេះ បន្ទាប់ពីបាន ធ្វើការគំរាមដុតផ្ទះ និងយកពូដៅ ចង់កាប់ម្តាយឪពុកសម្លាប់ចោល ។

សាក្សីនៅកន្លែងកើតហេតុ បានឲ្យដឹងថា នៅម៉ោង ប្រម៉ាណ២០៖៥០នាទី មានយុវជនម្នាក់ ដែលសង្ស័យបែកថ្នាំ វង្វេងស្មារតី បានស្រែកគំរាមដុតផ្ទះ និងគំរាមយកពូថៅ ប៉ង កាប់ម្តាយឪពុក របស់ខ្លួន នៅភូមិកប់ស្រូវ សង្កាត់គោរកា ខណ្ឌព្រែកព្នៅ។

សាក្សីបាន បន្តទៀតថា ក្រោយហេតុការណ៍ កើតឡើងបានបន្តិច កម្លាំងអាវុធហត្ថ ខណ្ឌព្រែកព្នៅ ក៏បានចុះទៅអន្តរាគមន៍ រួចនាំខ្លួន មកកាន់ទីបញ្ជាការដ្ឋាន កងរាជអាវុធហត្ថខណ្ឌ ដើម្បីសួរនាំ និងមានវិធានការតាមផ្លូវច្បាប់៕