ជនសង្ស័យ បង្កភេរវកម្ម នៅទីក្រុង ប៉ារីស កំពុងលាក់ខ្លួន នៅភាគខាងជើង ប្រទេស

បារីស៖ តាមប្រភពពី ប៉ូលិសបារាំង ឲ្យដឹងថា ជនសង្ស័យពីរ រូបដែលជាអ្នកវាយប្រហារទៅ លើទីស្នាក់ការ កាសែត និង ទស្សនាវដ្តី Charlie Hebdo ក្នុងទីក្រុងប៉ារីស នោះត្រូវបានរក ឃើញទីតាំងដែល ជាជម្រករបស់ ពួកគេហើយ គឺស្ថិតនៅតំបន់ Villers-Cotterets ភាគខាង ជើងប្រទេសបារាំង។

ទីភ្នាក់ងារព័ត៌មានចិនស៊ិនហួ ចេញផ្សាយនៅថ្ងៃទី០៨ ខែមករា នេះទៀតថា ជនសង្ស័យ ទាំងនោះ ធ្លាប់បាន លាក់ខ្លួននៅក្នុងផ្ទះមួយនៃភូមិ Crepy-en-Valois ដែលមានចម្ងាយ៦០ គីឡូម៉ែត្រភាគឦសានទីក្រុងប៉ារីស។ នេះបើតាមការផ្សាយទូរទស្សន៍បារាំង France 3 Picardie រាយការណ៍ព័ត៌មានពីខេត្ត IÓise។

តាមការតាមដានយោងលើ ភស្តុតាង និង សាក្សីឲ្យដឹងថា ពួកគេកាលពីពេលមុននេះ ត្រូវបាន ប្រទះឃើញជិះក្នុងរថយន្ត Clio ពណ៌ប្រផេះ ក្នុងតំបន់ Aisne។ ជនសង្ស័យទាំងពីររូប ត្រូវបានកំណត់ អត្តសញ្ញាណគឺឈ្មោះថា Cherif Kouachi អាយុ ៣២ឆ្នាំ និង បងប្រុសរបស់ ខ្លួនវ័យ ៣៤ឆ្នាំ នឹងត្រូវជាប់គុក ១៨ឆ្នាំ ពីបទបង្កអំពើភេរវកម្ម៕