ក្រុមយុវជន ក្រុងប៉ោយប៉ែត នាំយកកង់ថ្មី ប្រគល់អោយ សិស្សម្នាក់កំព្រា ឪពុកម្តាយ និងកំពុងមានជំងឺ

បន្ទាយមានជ័យ៖ នៅរសៀលថ្ងៃទី៥ ខែកុម្ភះ ឆ្នាំ២០១៥ ក្រុមយុវជនក្រុងប៉ោយប៉ែត បាននាំយក អំណោយចែកជូន សិស្សានុសិស្សម្នាក់ ដែរខ្វះខាត់ និងកំព្រាឪពុកម្តាយ រស់នៅជាមួយលោកយាយជរា ។ ការចុះជួយនិងប្រគល់ជូនកង់ថ្មី ១គ្រឿ និងខោអាវ នៅក្នុងសាលាអនុវិទ្យាល័យ អូរឬស្សី និងការចង្អុលបង្ហាញ ពីលោកង៉ោ ម៉េងជ្រួន ប្រធាន គណបក្សប្រជាជនកម្ពុជា ក្រុងប៉ោយប៉ែត  ក្រោយការដឹកនាំកម្លាំង យុវជនផ្ទាល់ដោយអ៊ុយ ច័ន្ទរិទ្ធ ប្រធានយុវជនក្រុង លោកសុខ ពេញណន សមាជិកយុវជន លោកឡាច ប៊ុនលីម សមាជិកយុវជនក្រុង និងសមាជិកយុវជនក្រុងជាច្រើន រូបផងដែរ។

សិស្ស យ៉ែម សីហា ភេទប្រុស អាយុ១៥ ថ្នាក់ទី៨ រស់នៅអនុវិទ្យាល័យអូរឬស្សី ត្រូវជាប្រុសបង្កើតលោកយាយ មុំ យឿន អាយុ៦៩ឆ្នាំ  រស់នៅភូមិអូរនាង សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ សិស្សយ៉ែម សីហា ទទួលបានកង់ថ្មី ១គ្រឿង កាបូបស្ពាយថ្មី១ ខោអាវកីឡា ២កំផ្លេរ និងថវិការមួយចំនួនផងដែរ។

សូមបញ្ជាក់ថា លោកឡាច ប៊ុនលីម បានឧបត្ថម្ភកង់ខាងលើនេះ ទាំងស្រុងតែម្តង ចំណែកឧបករណ៍ផ្សេងៗ គឺក្រុមយុវជន។ ជាមួយគ្នានេះ ក្រុមយុវជនបានសហការជាមួយអាជ្ញាធរមូលដ្ឋាន ភូមិបាលិលេយ្យ២ សង្កត់-ក្រុងប៉ោយប៉ែត នាំយកអំណោយ ១គ្រួសារដែលខ្វះខាត់ និងមានជំងឺស្លាប់មួយចំហៀងខ្លួនផងដែរ  រួមមាន អង្ករ ៥០គីឡូក្រាម មី ១កេស ទឹកស៊ី ទឹកត្រី ២យួរ ស្ករស ១គីឡូក្រាម  អំបិល ១គីឡូក្រាម ប៊ីចេង ១គីឡូក្រាម និងថវិកា១៥ ម៉ឺនរៀលផងដែរ។

លោកតា ហង្ស សាន្ត អាយុ៦៦ឆ្នាំ កំពុងមានជំងឺស្លាប់មួយចំហៀងខ្លួន និងភរិយា សេង ហួយ អាយុ៥៩ ឆ្នាំ គ្មានកូនចៅ គ្មានជំរកត្រឹមត្រូវ ត្រូវម្ចាស់ផ្ទះអោយស្នាក់ នៅក្នុងខ្ទមខាងមុខផ្ទះ៕