Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

សម្តេចតេជោ ជំរុញឲ្យភាគី កម្ពុជា-ឡាវ បន្តសហការលើសន្តិសុខតាមព្រំដែន

0
0

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានជំរុញឱ្យភាគីឡាវនិង កម្ពុជា បន្តសហការលើ វិស័យ សន្តិសុខ នៅតាមព្រំដែន រួមទាំងការសាងសង់ស្ពាន ដើម្បីសម្រួលដល់ ប្រជាជននៅតាមព្រំដែន នៃប្រទេសទាំងពីរ។

នៅក្នុងជំនួបជាមួយ លោក សមកែវ ស៊ីឡាវង្ស រដ្ឋមន្ត្រីស្តីទីក្រសួងសន្តិសុខ សាធារណៈឡាវ នៅវិមានសន្តិភាព រសៀលថ្ងៃទី២៣ ខែមីនានេះ សម្តេច តេជោ ហ៊ុន សែន នាយករដ្ឋមន្ត្រី មានប្រសាសន៍ថា បញ្ហាសន្តិសុខ ជាបញ្ហាសំខាន់ សម្រាប់ប្រជាជន នៃប្រទេសទាំងពីរ ហើយដោយយើងមានភូមិផងរបងជាប់គ្នានោះ គឺធ្វើយ៉ាងណាខិតខំបន្តកិច្ចសហប្រតិបត្តិការលើវិស័យសន្តិសុខនៅតាមព្រំដែន ឱ្យបានគ្រប់ជ្រុងជ្រោយ រួមទាំងការងារ ជាច្រើនទៀតដែលត្រូវបន្តធ្វើរួមគ្នាដូចជា ការទប់ស្កាត់បទល្មើស ការកាប់ឈើខុសច្បាប់ នៅតាមព្រំដែន និងសម្រួលធ្វើយ៉ាងណាឱ្យប្រជាពលរដ្ឋនៅតាមព្រំដែន មានការទៅមករកគ្នា ជាពិសេសការប្រើប្រាស់ទឹកបានដោយងាយស្រួល ។

នេះជាការបញ្ជាក់របស់ លោក កៅ កឹមហួន រដ្ឋមន្រ្តីប្រតិភូអមនាយករដ្ឋមន្រ្តី បញ្ជាក់ប្រាប់អ្នកសារព័ត៌មាន នៅក្រោយជំនួបនារសៀលនេះ។ លោក សម កែវស៊ីឡាវង្ស បញ្ជាក់ថា ក្នុងនាមរដ្ឋាភិបាល និងប្រជាជនឡាវ នឹងខិតខំជំរុញផ្លាស់ប្តូរបទពិសោធន៍ ពីគ្នាទៅវិញទៅមក ជាពិសេស រវាងក្រសួងសន្តិសុខឡាវ និងក្រសួងមហាផ្ទៃកម្ពុជា ។

មួយវិញទៀត ក្រសួងទាំងពីរ នឹងខិតខំធ្វើយ៉ាងណាជំរុញដោះស្រាយនូវបញ្ហា ដែលនៅសេសសល់ ជាមួយគ្នាជាបន្តទៀត។ ក្រៅពីនេះភាគីទាំងពីរ ក៏បានចុះហត្ថលេខាលើកំណត់ហេតុ នៃកិច្ចប្រជុំនៅពេលនេះ ផងដែរ ដើម្បីផ្លាស់ប្តូរនិស្សិតបានទៅសិក្សា នៅប្រទេសទាំងពីរ មានន័យថា និស្សិតកម្ពុជាបានទៅ សិក្សានៅឡាវ និងនិស្សិតឡាវ បានមកសិក្សា នៅប្រទេសកម្ពុជា។

ជាមួយគ្នានោះ សម្តេចតេជោ បានជំរុញឱ្យ ការសាងសង់ស្ពាន បានឆាប់ ដើម្បីឱ្យប្រជាពលរដ្ឋនៃប្រទេសទាំងពីរមានភាពងាយស្រួល ក្នុងការចេញចូលប្រកប មុខរបររកស៊ីជាមួយគ្នា៕


Viewing all articles
Browse latest Browse all 8042

Latest Images

Trending Articles





Latest Images