ព្រះវិហារ៖ សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី៤ ខែមករា ឆ្នាំ២០១៦ នេះ បានផ្តល់ភាពកក់ក្តៅឲ្យគ្រួសារទីទ័លក្រ មានជម្រករស់នៅសមរម្យ បន្ទាប់ពីការសម្រេចសាងសង់ផ្ទះឈើ់ ដ៍ស្អាតមួយជំនួសខ្ទមប្តីប្រពន្ធ ពីរនាក់ រស់នៅភូមិក្រំាងដូង ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ។
ក្នុងបណ្តាញទំនាក់ទំនងសង្គមហ្វេកប៊ុក របស់សម្តេចកិត្តិព្រឺទ្ធបណ្ឌិត បានសរសេរថា "ខ្ទមចាស់ ផ្លាស់ផ្ទះថ្មី សាងសង់ជូនគ្រួសារទីទ័លក្រ ឈ្មោះ លោក អ៊ុនខ្មះ ប្រពន្ធឈ្មោះ ចាន់ ស៊ីណាត នៅភូមិក្រាំងដូង ឃុំព្រះឃ្លាំង ស្រុកត្បែងមានជ័យ ខេត្តព្រះវិហារ"។
សម្តេចបានបញ្ជាក់ទៀតថា "ផ្ទះឈើដ៏ស្អាតមួយខ្នងនេះ មានទទឹង៥ម៉ែត្រ និងបណ្តោយ៦ម៉ែត្រ ធ្វើអំពីឈើប្រក់ដែកស័ង្កសី ជាអំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈឯកឧត្តម អ៊ុ ម៉ារ៉ា ប្រធានកិត្តិយសសាខាកាកបាទក្រហមកម្ពុជាខេត្តព្រះវិហារ"៕
