ភ្នំពេញ៖ នារីរូបស្រស់ម្នាក់ ត្រូវបានកម្លាំង នគរបាល នៃនាយកដ្ឋាន សន្តិសុខផ្ទៃក្នុង ក្រសួងមហាផ្ទៃ នៅម៉ោងប្រមាណ ៨៖៣០នាទី ព្រឹកថ្ងៃទី២៥ ខែមករា ឆ្នាំ២០១៦ នេះ ធ្វើការឃាត់ខ្លួន ពាក់ព័ន្ធករណី ជេរ ប្រមាថ រាជរដ្ឋាភិបាល ក៏ដូចជាសម្តេចតេជោ ហ៊ុន សែន តាមរយៈបណ្តាញទំនាក់ទំនងសង្គម ហ្វេកប៊ុក។
មន្រ្តីនគរបាល បានឲ្យដឹងថា ស្រ្តីរូបនេះត្រូវបា កម្លាំងនគរបាល នៃនាយកដ្ឋានសន្តិសុខផ្ទៃក្នុង ក្រសួងមហាផ្ទៃ ឃាត់ខ្លួនភ្លាមៗ ក្រោយពីបាន ប្រើពាក្យប្រមាថ មិនសមរម្យទៅលើសម្តេចតេជោ ហ៊ុន សែន រូបនិងកាត់តរូបង្ហោះក្នុងបណ្តាញទំនាក់ទំនងសង្គមហ្វេកប៊ុក នៅព្រឹកថ្ងៃទី២៥ ខែមករា នេះ នគរបាលនៅមិនទាន់បញ្ជាក់អត្តសញ្ញាណ នារីរូបនេះនៅឡើយនោះទេ ពោល រង់ចាំការសាកសួរនាំ ដើម្បីចាត់ការទៅតាមផ្លូវច្បាប់៕
