ភ្នំពេញ៖ ឪពុកបង្កើតរបស់ លោកឧត្តមសេនីយ៍ ណឹម ម៉េង មេបញ្ជាការរង កងអង្គរក្ស សម្តេចតេជោ ហ៊ុន សែន បានទទួល មរណភាព កាលពីវេលាម៉ោង ២៖៤៥ នាទីយប់រំលងអាធ្រាត្រ ចូលថ្ងៃទី២៩ ខែធ្នូ ឆ្នាំ២០១២នេះ ដោយរោគាពាធ ក្នុងជន្មាយុ ៨៦ឆ្នាំ។
សពឧបាសក ឈិញ យុន ត្រូវបាន តម្កល់ទុក ធ្វើបុណ្យ នៅផ្ទះរបស់សព ស្ថិតនៅក្នុង ភូមិបរពុល ឃុំព្រៃរុំដេង ស្រុកគីរីវង្ស ខេត្តតាកែវ ។ បើតាមសាច់ញាតិ របស់សព បានឲ្យដឹងថា សពឧបាសក ឈិញ យុន នឹងត្រូវបូជា នៅវេលាម៉ោង ១០ព្រឹក ថ្ងៃទី៣១ ខែធ្នូ ឆ្នាំ២០១២ ។
ដំណឹងមរណភាព ឪពុកបង្កើត របស់លោកឧត្តម សេនីយ៍ ណឹម ម៉េង ខាងលើនេះ ដើម្បីឲ្យសាច់ញាតិ បងប្អូន ជិតឆ្ងាយ របស់សព មកចូលរួមកម្ម វិធីបុណ្យ តាមប្រពៃណីព្រះពុទ្ធសាសនា នៅផ្ទះរបស់សព៕