កណ្ដាល ៖ កម្លាំង នគរបាលស្រុកកោះធំ ខេត្ដកណ្ដាល និងសមត្ថកិច្ចមូល ដ្ឋានបានរឹប អូសម៉ូតូមួយគ្រឿង និងគ្រឿងញៀន មួយ ចំនួន កាលពីល្ងាចថ្ងៃទី០៧ ខែកុម្ភៈ ស្ថិតនៅ លើផ្លូវជាតិលេខ២១ ភូមិជ្រៃធំ ឃុំសំពៅពួន ស្រុកកោះធំ ខណៈដែលជនសង្ស័យ បានរត់ គេចខ្លួនបាត់ ក្រោយផ្ដួលម៉ូតូចោល។
សមត្ថកិច្ចបានឱ្យដឹងថា គ្រឿងញៀន ប្រភេទម៉ាទឹកកក ចំនួន១៣កញ្ចប់តូច និង មួយកញ្ចប់ធំច្រកថង់បា្លស្ទិច ត្រូវបានសមត្ថ កិច្ចរឹបអូស និងម៉ូតូមួយគ្រឿង ម៉ាកអាយខុន ពណ៌លឿងលាយស ពាក់ស្លាកលេខភ្នំពេញ 1AF-0044 ។
បើតាមសមត្ថកិច្ចមុនពេលកើតហេតុ ជ្វន សង្ស័យឈី ឆៃ អាយុ២៥ឆ្នាំ រស់នៅភូមិ កោះទាវ ឃុំសំពៅពួន ស្រុកកោះធំ បានជិះ ម៉ូតូចូលទៅផ្ទះជនសង្ស័យម្នាក់ ទៀតឈ្មោះ ភារម្យ ហៅព្រំ ។ បន្ទាប់មកជនសង្ស័យ ភារម្យ បានជិះម៉ូតូចេញពីផ្ទះសំដៅទៅភូមិ ជ្រៃធំ លុះមកដល់ចំណុចកើតហេតុ ពេល ឃើញសមត្ថកិច្ចក៏ផ្ដួល ម៉ូតូចោលគេចខ្លួនតែ ម្ដ្ដងទៅ។
ក្រោយកើតហេតុ ទើបសមត្ថកិច្ចរឹបអូស វត្ថុតាងទាំងនេះ យកទៅរក្សាទុកនិងតាម ស្វែងរកចាប់ខ្លួនជនសង្ស័យរូបនេះ។
