Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

មជ្ឍមណ្ឌលអប់រំ អាមេរិកាំង (AEC) បង្កើនគុណភាពសិក្សា

$
0
0

ភ្នំពេញៈ ថ្មីៗនេះមជ្ឈមណ្ឌល អប់រំអាមេរិកាំង (AEC) ដែលល្បីថាមាន កម្មវិធីមេរៀន ភាសាអង់គ្លេស ក្នុង កុំព្យូទ័រ ពីសហរដ្ឋអាមេរិក បានធ្វើសេចក្តីជូនដំណឹង មួយដល់អាណាព្យាបាល សិស្សានុសិស្ស ក៏ដូចជា សាធារណៈ ជនថាមជ្ឈមណ្ឌល បានបង្កើនគុណភាព ថ្នាក់ភាសាអង់គ្លេស សំរាប់ កុមារ (English for Kids) របស់ខ្លួន ដោយមាន បញ្ចូលនូវមុខវិជ្ជាសិក្សា និងម៉ោងសិក្សា បន្ថែមទៀត។

នៅក្នុងកម្មវិធីនេះ កុមាររៀនមុខវិជ្ជាជាច្រើនដូចជាការហ្វឹកហាត់ភាសាអង់គ្លេស តាមរយៈវិធីសាស្រ្ត បូក បញ្ចូលគ្នា (Blended Approach) រវាងការរៀននៅ ក្នុងថ្នាក់រៀនជាមួយ គ្រូជនជាតិដើម និង ការអនុវត្តផ្ទាល់ ជាមួយកម្មវិធីសិក្សា ក្នុងកុំព្យូទ័រ (DynEd courseware) ដែលជាជំនួយអោយ សិស្ស រៀនឆាប់ចេះ និងអាច ប្រើប្រាស់ ភាសាអង់គ្លេសបានល្អ ។

ទន្ទឹមនឹងនេះ សិស្សក៏ទទួលបាននូវ ជំនាញសំខាន់ទាំងបួនរបស់ភាសាអង់គ្លេស តាមរយៈសៀវភៅ Let’s Go ដែលត្រូវបាន បង្កើតឡើង យ៉ាងពិសេសសំរាប់កុមារ ដោយសិស្សនឹងរៀនចេះពាក្យ បានច្រើនតាមរយៈ ការអាន ការស្តាប់ ចំរៀង និងការសន្ទនានៅក្នុងសៀវភៅ ដែលជាមូលដ្ឋានគ្រិះ ក្នុងការអភិវឌ្ឍ ជំនាញ សរសេររបស់ កុមារបានយ៉ាងល្អប្រសើរ។

ក្រៅពីមុខវិជ្ជាទាំងនេះ មជ្ឈមណ្ឌលក៏មានម៉ោងសិល្បៈ ដែលផ្តល់ ឱកាសអោយសិស្ស ប្រើប្រាស់ភាសា អង់គ្លេស ក្នុងការទំនាក់ទំនង ក្នុងការបង្កើត វត្ថុសិល្បៈរបស់ខ្លួន ឧទាហរណ៍ដូចជា សិស្សអាចប្រើប្រាស់ ភាសាអង់គ្លេសជាមួយមិត្តភក្តិ និងលោកគ្រូ អ្នកគ្រូក្នុង ការគូររូបភាព ក្នុងការដាំដើមឈើ និងក្នុងការបង្កើត សំភារៈលេងមួយចំនួន។ មុខវិជ្ជាចុងក្រោយ គេហៅថា ការអនុវត្តភាសាអង់គ្លេស ក្នុងគោលបំណងអោយ សិស្សហ្វឹកហាត់ប្រើប្រាស់ ភាសាអង់គ្លេស តាមរយៈល្បែងប្រាជ្ញាជាដើម ហើយក្នុងនោះដែរ សិស្សក៏បាន រៀនចេះ វេយ្យាករណ៏ ភាសាអង់គ្លេស ដោយមិនដឹងខ្លួន។ លើសពីនេះទៀត ប្អូនៗកុមារនឹងទទួល បានការ អប់រំពីសីលធម៌ ការធ្វើការជាក្រុម ក៏ដូចជាការថែទាំសុខភាព និងការអភិវឌ្ឍ ខួរក្បាលជាដើម។

សូមបញ្ចាក់ ថ្នាក់ភាសាអង់គ្លេសពេញម៉ោងសំរាប់កុមាររបស់មជ្ឈមណ្ឌលអប់រំអាមេរិកាំង មាន ទទួល កុមារអាយុចាប់ពី ៦ឆ្នាំដល់ ៩ឆ្នាំ ហើយសិក្សាពីថ្ងៃច័ន្ទ ដល់ថ្ងៃសុក្ររយៈពេលចំនួន ៣ ម៉ោង ក្នុងមួយថ្ងៃ។ វគ្គថ្មីចូលរៀននៅថ្ងៃទី ១ ខែមេសា ឆ្នាំ២០១៣ខាងមុខនេះហើយ។ សំរាប់ព័ត៌មាន បន្ថែម សូមទំនាក់ទំនង មកផ្ទះលេខ ៧E មហាវិថីម៉ៅសេទុង (៥០ម ពីភ្លើងស្តុបចំការមន) ឬទូរស័ព្ទ មកលេខ ០១០/០១៦/០១៧ - ៦៦៦ ៣៤៥ ៕

Photo by DAP-News

Photo by DAP-News

Photo by DAP-News

Photo by DAP-News


Viewing all articles
Browse latest Browse all 8042

Latest Images

Trending Articles





Latest Images