បាងកក៖ មេបញ្ជាការកងទ័ពជើងគោកថៃ អំពាវនាវ ហាមកងកម្លាំងយោធាចូលរួមបាតុកម្ម ប្រឆាំងរដ្ឋាភិបាល ព្រោះជារឿងនយោបាយ។
យោងតាមសារព័ត៌មាន INN នៅថ្ងៃ ចន្ទ ទី ១២ ខែ វិច្ឆកា នេះបានឲ្យដឹងថា ឧត្តមនីយ៍ប្រាយុធ ចាន់អ៊ូឆា មេបញ្ជាការកងទ័ពជើងគោកថៃ បានថ្លែងថា ការជួបជុំគ្នា របស់ក្រុមអង្គការការពារសៀម ដែលដឹកនាំដោយ លោក ប៊ុនលើត កែវប្រសើត ដែលជាឧត្តមនីយ៍យោធា ចូលនិវត្តន៍ ដើម្បីប្រឆាំងនឹងរដ្ឋាភិបាលថៃបច្ចុប្បន្ននេះ គឺជាការជួបជុំគ្នា តាមរបបលទ្ធិប្រជាធិបតេយ្យ ហើយយោធាមានតួនាទី ត្រឹមតាមដានស្ថានការណ៍ និង ការពារសន្តិសុខជាតិ តែប៉ុណ្ណោះ។
លោក ប្រាយុធ បន្តថា បើទោះបីជាការបាតុកម្ម ជាសិទ្ធិរបស់ពលរដ្ឋក្តី តែក្នុននាមជាយោធា លោកចង់ឃើញរូបភាពទាហាន ចូលរួមការបែងចែកបក្ខពួកនោះទេ ព្រោះបើមានអំពើហិង្សា កើតឡើងនោះកងទ័ពនឹងមានបញ្ហា តាមមកជាមួយផងដែរ ម្យ៉ាងវិញទៀត យោធាត្រូវស្គាល់ពីកាតព្វកិច្ចរបស់ខ្លួន គឺពារការពារសន្តិសុខ ដល់ប្រជាជន៕
