Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

មន្ដ្រីជំនាញ ចុះពិនិត្យទំនិញ ខូចគុណភាព នៅក្នុងផ្សារ បានលុង

0
0

រតនគិរី ៖ ក្រុមមន្ដ្រីជំនាញរួមមាន សាខាកាំកុងត្រូល មន្ទីរពាណិជ្ជកម្មខេត្ដ និងកម្លាំងនគរបាល ប្រឆាំងបទល្មើសសេដ្ឋកិច្ច ខេត្ដរតនគិរី ដឹកនាំដោយលោក ស៊ឹម សុផារី អនុប្រធានសាខាកាំកុងត្រូល កាលពីព្រឹកថ្ងៃទី១៣ ខែវិច្ឆិកា ឆ្នាំ២០១២ បានចុះទៅត្រួតពិនិត្យ និងរឹបអូសទំនិញខូចគុណភាពមួយចំនួន នៅក្នុងផ្សារបានលុង ។

មន្ដ្រីនគរបាល ប្រឆាំងបទល្មើសសេដ្ឋកិច្ច បានឱ្យដឹងថា ជាលទ្ធផលក្រុមការងារ បានរឹបអូសទំនិញខូចគុណភាព មួយចំនួន រួមមាន នំពោត ២៤០កញ្ចប់ នំរស ជាតិក្រូច ចំនួន ១២០កញ្ចប់ មី ១០កញ្ចប់ នំសូកូឡា ៦០កញ្ចប់ និង ស្ករគ្រាប់ ១០០កញ្ចប់ធំ ។

ប្រភពព័ត៌មានពីមន្ដ្រីនគរបាល បានបន្ដថា បន្ទាប់ពីពិនិត្យ និងរឹបអូស ទំនិញខូចគុណ ភាពខាងលើនេះ សមត្ថកិច្ចនិងមន្ដ្រីជំនាញ បានណែនាំដល់អាជីវករនៅក្នុង ផ្សារបានលុង ត្រូវថែរក្សាអនាម័យដូច ជាការវេចខ្ចប់ទំនិញ ឱ្យបាន ត្រឹមត្រូវ និងឱ្យបានជិត ហើយបើករណីហួសកាលបរិច្ឆេទ ត្រូវរាយការណ៍ជូនក្រុមហ៊ុន ដើម្បីប្ដូរ មុខទំនិញនេះចេញ ចៀសវាងការប៉ះពាល់ដល់សុខភាព របស់ប្រជាពលរដ្ឋ ដែលមកទិញទំនិញនោះ ។ ក្រោយពីបានរឹបអូស ក្រុមការងារបានយកទំនិញទាំងនេះ ទៅដុតកម្ទេចចោលតែម្ដង ៕

www.dap-news.com

www.dap-news.com

www.dap-news.com


Viewing all articles
Browse latest Browse all 8042

Latest Images

Trending Articles





Latest Images