បារាំងបញ្ជូនក្រុមជំនាញ ទៅរំដោះក្មេងស្រី សិស្សសាលា ដែលជាចំណាប់ខ្មាំង នៅ នីហ្សេរីយ៉ា

បារាំង៖ សាធារណរដ្ឋបារាំង សម្រេចបញ្ជូនក្រុមជំនាញ ទៅកាន់ប្រទេស នីហ្សេរីយ៉ា ដើម្បីជួយសង្រ្គោះ សិស្សសាលាស្រី ដែលមានវ័យពី ១៥ ទៅ ១៨ឆ្នាំ ជាង២០០នាក់ ត្រូវបានជំរិត ជាចំណាប់ខ្មាំង ដោយក្រុមពួកឥស្លាមនិយមជ្រុល Boko Haram រយៈពេលជាច្រើនសប្តាហ៌កន្លងមក នេះបើយោងតាមព័ត៌មាន CNN ចេញផ្សាយនៅល្ងាចថ្ងៃ ព្រហស្បត្តិ ទី០៨ ខែឧសភា ឆ្នាំ២០១៤ ។

ការសម្រេចបញ្ជូនភ្នាក់ងារ ជំនាញខាងរំដោះចំណាប់ខ្មាំង របស់បារាំងនេះ ធ្វើឡើងបន្ទាប់ពីប្រធានាធិបតី Francois Hollande បានថ្លែងតាមទូរស័ព្ទជាមួយ មេដឹកនាំប្រទេស នីហ្សេរីយ៉ា លុះមួយម៉ោងក្រោយមក ទើបបញ្ជូនកងកម្លាំងពិសេស ទៅជួយក្មេងស្រីដែលកំពុងរងគ្រោះ នៅទីក្រុង Abuja របស់ នីហ្សេរីយ៉ា ។

សូមជំរាបថា នាពេលថ្មីៗនេះកន្លងមកនេះ ក្រុមចលនាឧទ្ទាមមួយនេះបានប្រកាសឲ្យដឹងថា ពួកគេនឹងយកសិស្សសាលាស្រីៗទំាងនោះទៅលក់ ព្រមទំាងចាប់បង្ខំឲ្យរៀបការទៀតផង។