បើកម៉ូតូធុនធំ លឿន បញ្រ្ចាសទិស ដល់ផ្លូវកោងមិនប្រយ័ត្ន ចាប់ហ្រ្វាំងបោក ដួលរងរបួសធ្ងន់

ភ្នំពេញ ៖ បុរសម្នាក់ បើកម៉ូតូធុនធំ ម៉ាក CBR ពណ៌ស គ្មានស្លាកលេខ តាមផ្លូវ២១៧ ខុសទិសដៅចរាចរណ៏ ខណះមកដល់ ផ្លូវកោង បើកលឿនផង ក៏បានចាប់ហ្រ្វាំង ដួលបោកខ្ទាតទាំងម៉ូតូនិងមនុស្ស ទៅលើកូនដើម ឈើនៅចិញ្ចើមថ្នល់ បណ្តាលឱ្យ បាក់ដៃស្តាំរបួសធ្ងន់ ។

គ្រោះថ្នាក់ចរាចរនេះ បានកើតឡើង កាលពីវេលាម៉ោង១១និង២០នាទី យប់ថ្ងៃទី១៤ ឧសភា ២០១៤ នៅផ្លូវ២១៧ ស្ថិតនៅសង្កាត់ផ្សារថ្មីទី២ ខណ្ឌដូនពេញ ។

សមត្ថកិច្ចបានឲដឹងថា ជនរងគ្រោះមិនទាន់ ស្គាល់អត្តសញ្ញាណនៅឡើយទេ ក្រោយពេលកើតហេតុ ត្រូវបានរថយន្ត សាមុយគ្លីនិកឯកជន ដឹកយកទៅសង្រ្គោះ ៕