Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

រ៉ឺម៉កម៉ូតូ ដឹកម៉ាស៊ីន ឈូសឈើ បែកកង់ក្រោយ រ៉េចង្កូតបុក ម៉ូតួC125 បណ្តាលឲ្យស្លាបក្មេងស្រីម្នាក់ របួសធ្ងន់ ស្រាល៣នាក់

0
0

រតនគិរី៖ គ្រោះថ្នាក់ចរាចរណ៍ គួរឲ្យរន្ឋត់មួយបានកើតឡើង នៅលើកំណាត់ផ្លូវជាតិលេខ78 ស្ថិតនៅ ក្នុងភូមិ4 សង្កាត់កាចាញ ក្រុងបានលុង ខេត្តរតនគិរី ត្រង់ចំណុចមុខផ្សារតាយសេង កាលពីវេលាម៉ោង៩និង០០នាទី ព្រឹកថ្ងៃទី០៨ ខែមិថុនា ឆ្នាំ២០១៤។

បើតាមសាក្សីនៅក្បែរ កន្លែងកើតហេតុ ប្រាប់ឲ្យដឹងថា នៅមុនពេលកើតហេតុ គេបានឃើញរ៉ឺម៉ក ម៉ូតូ១គ្រឿង ដឹកម៉ាស៊ីន ឈូសឈើបើកបរ ក្នុងទិសដៅពី លិចទៅកើតមកដល់ចំណុចខាងលើ រ៉ឺម៉កម៉ូតូ បែក កង់ក្រោយផ្នែក ខាងស្តាំបានរ៉េចង្កូត ចូលទៅផ្លូវខាងស្តាំដៃស្របពេល ដែលមានម៉ូតូ C125 ពណ៌ខ្មៅពាក់ ស្លាកលេខរតនគិរី1B-1666 បានបើកចេញមកពីផ្សារតាយសេង ក្នុងទិសដៅពីត្បូងទៅជើង ក៏ត្រូវរ៉ឺម៉ក ម៉ូតូបុកពេញទំហឹងតែម្តងបណ្តាលឲ្យ ក្មេងស្រីម្នាក់ ឈ្មោះគៀត ឌីណា អាយុ២ឆ្នាំ ស្លាប់បាត់បង់ ជីវិតនៅ ពេលបញ្ជូន មកដល់មន្ទីរពេទ្យបង្អែក ខេត្តរតនគិរី ។

រីឯអ្នករបួសចំនួន៣នាក់ រួមមានទី១ ឈ្មោះ យ៉េន និមល ស្រីអាយុ៣១ ឆ្នាំ របួសបាក់ភ្លៅវស្តាំ(របួសធ្ងន់) ទី២.ឈ្មោះយ៉េន ចាន្នី ភេទស្រីអាយុ១៦ឆ្នាំ(របួសស្រាល) និងទី៣. ឈ្មោះលី សម្ជស្ស ភេទស្រីអាយុ១៤ឆ្នាំរងរបួសដៃ ជើងនិងក្បាលកំពុង សំរាកព្យាបាល នៅមន្ទីរ ពេទ្យបង្អែកខេត្ត។ ចំណែកឯអ្នកបើករ៉ីម៉កម៉ូតូដែសបង្កហេតុ ខាងលើបានរត់គេចខ្លួនបាត់ស្រមោល ។

ក្រោយពេលកើតហេតុកម្លាំង នគរបាល ចរាចរណ៍បានចុះមកធ្វើការវាស់វែង រួចដឹកវត្ថុតាងមករក្សាទុកនៅស្នងការដ្ឋាននគរបាល ខេត្តរតនគិរីដើម្បីស្វែងរកអត្តសញ្ញាណ អ្នកបើករ៉ីម៉កម៉ូតូ មកដោះស្រាយតាមច្បាប់៕


Viewing all articles
Browse latest Browse all 8042

Latest Images

Trending Articles





Latest Images