ក្មេងស្រីអាយុ៦ឆ្នាំ លង់ទឹកទន្លេស្លាប់ នៅស្រុកស្អាង

កណ្តាល៖ ក្មេងស្រីម្នាក់មានអាយុ៦ឆ្នាំ បានលង់ទឹកទន្លេស្លាប់ ខណៈឪពុកម្តាយ មិនបានចាប់អារម្មណ៍ កាលពីវេលាម៉ោងប្រមាន ១១៖២០នាទីព្រឹកថ្ងៃទី៨ ខែមិថុនា ឆ្នាំ២០១៤ ស្ថិតនៅភូមិព្រែក ឃុំត្រើយស្លា ស្រុកស្អាង ខេត្តកណ្តាល ។

មន្រ្តីនគរបាល មូលដ្ឋាន បានឲ្យដឹងថា ជនរងគ្រោះឈ្មោះ រី នីតា អាយុ០៦ឆ្នាំ រស់នៅភូមិកើតហេតុ។មន្រ្តីនគរបាល បានបន្តទៀតថា មុនពេលកើតហេតុ ជនរងគ្រោះ បានសុំឪពុក ទៅងូតទឹកទន្លេ តែឪពុកមិនឲទៅ ។

រួចហើយឪពុកក៏ដើរ ទៅលេងផ្ទះលក់កាហ្វេ រួចអង្គុយមើលកីឡា ប្រដាល់រហូត ដល់ម៉ោង២និង៤០នាទី ទើបត្រឡប់ មកផ្ទះវិញ ប្រពន្ធសួរកកូនមិន ឃើញទើប នាំគ្នាផ្អើល ឆោឡោរួចមានក្មេងប្រាប់ថា ឃើញកូនចុះងូតទឹកទន្លេ ឪពុកចុះទៅរាវ ឃើញសពកូនស្លាប់នៅក្នុងទឹក ។ បច្ចុប្បន្ន សពជនរងគ្រោះត្រូវ ក្រុមគ្រួសាររៀបចំធ្វើបុណ្យតាមប្រពៃណី៕