ព្រះសីហនុ ៖ នៅព្រឹកថ្ងៃទី១៧ ខែមិថុនា ឆ្នាំ២០១៤ នៅស្នងការដ្ឋាន នគរបាលខេត្តព្រះសីហនុ មានរៀបចំពិធី ប្រកាសស្នងការ នគរបាល ខេត្តព្រះ សីហនុ ក្រោមអធិបតីភាព លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងលោក ឈិត សុខុន អភិបាលខេត្តព្រះសីហនុ ។
តាមប្រកាស របស់ក្រសួងមហាផ្ទៃ លេខ១៥៧៩ប្រក ចុះថ្ងៃទី១៩ ខែឧសភា ឆ្នាំ២០១៤ ចុះហត្ថលេខាដោយលោកឧប ស ខេង សំរេចតែងតាំង លោកឧត្រី ស៊ាង កុសល អត្តលេខ ០៤២៧ ស្នងការរង និងជាប្រធានការិយាល័យកណ្តាលសណ្តាប់ធ្នាប់ ជាស្នងការជំនួសលោកឧទោ តាក វណ្ណថា ដែលចូលនិវត្តន៍ និងប្រកាសលេខ១៦១៥ប្រក ចុះថ្ងៃទី ២៣ ខែឧសភា ឆ្នាំ២០១៤ សំរេចតាំងតាំងលោកវទោ អ៊ី សុខា នាយការិយា ល័យនគរបាលប្រឆាំងការជួញដូរមនុស្សនិងការពារអនិតិជន ជាស្នងការរងជំនួសលោក ស៊ាង កុសល វិញ ៕
