ភ្នំពេញ៖ យោងតាមរបាយការណ៍ ប្រចាំខែឧសភា ឆ្នាំ២០១៤ របស់ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា កម្ពុជាមានផ្ទៃដីប្រមាណ ២.៤១១.៨០៧ ហិកតា សម្រាប់ដាំដុះដំណាំស្រូវ ក្នុងឆ្នាំ២០១៤-២០១៥។
របាយការណ៍ដដែល បានបន្តថា ស្ថានភាពអាកាសធាតុ នាដើមរដូវវស្សានេះ មិនទាន់មានអំណោយផលល្អប្រសើរ សម្រាប់ដាំដុះដំណាំនៅឡើយទេ ព្រោះបរិមាណទឹកភ្លៀង មានតិចតួចនៅឡើយ នៅតាមតំបន់នៃរាជធានីខេត្ត ដោយសារទទួលឥទ្ធិពល នៃខ្យល់មូសុងសម្ពាធទាប បក់មកពីទិសនិរតី។
ប្រភពដដែលបានបន្ថែមថា នៅដើមរដូវវស្សានេះ ប្រជាកសិករកម្ពុជា បានចាប់ផ្តើមបង្កបង្កើនផល ដោយចាប់ផ្តើមសាប, ព្រោះ, ដក និងស្ទូង ដោយសម្រេចបានប្រមាណ ១៥,៨៧ភាគរយ នៃផែនការដាំដុះសរុប ២.៤១១.៨០៧ហិកតា៕
