កូឡាឡំាពួរ, (ស៊ិនហួ)៖ ទីភ្នាក់ងារព័ត៌មាន ចិនស៊ិនហួ បានចេញផ្សាយ នៅថ្ងៃពុធ ទី១៨ ខែមិថុនា ឆ្នាំ ២០១៤ នេះថា ទូកឈើ ដឹកអ្នកដំណើរ ប្រមាណ ៩៧នាក់ បានលិចនៅ ចម្ងាយ ជាង ៣ គីឡូម៉ែត្រ ក្បែរឆ្នេរសមុទ្រ ស៊ូងហ្គៃ អ៊ែរ ហ៊ីតាម របស់ប្រទេសម៉ាឡេស៊ី ដែល បណ្តាលឲ្យមនុស្ស ជាច្រើន នាក់បាត់ខ្លួន។
សារព័ត៌មានក្នុងតំបន់ បានរាយការណ៍ថា ក្រុមសង្គ្រោះមកពីនាយកដ្ឋាន ពន្លត់អគ្គីភ័យ និង ជួយសង្គ្រោះ បានទទួលទូរស័ព្ទសុំជំនួយ កាលពី វេលាម៉ោង ១២ និង ២៤នាទីរំលងអាធ្រាត ឈានចូលថ្ងៃពុធនេះ។ មនុស្សមាណតែ ៣០នាក់ប៉ុណ្ណោះត្រូវបានជួយសង្គ្រោះ ស្របពេល ដែលនាក់ ផ្សេងទៀត ត្រូវបាន ក្រុម សង្គ្រោះអះអាងថាកំពុងបាត់ខ្លួននៅឡើយ បន្ទាប់ពីទូក ដឹកជនបរទេសនោះបានលិច។
រហូតមកដល់ ព្រឹកថ្ងៃពុធ នេះក្រុមសង្គ្រោះនៅតែបន្តប្រតិបត្តិការរុករកដដែល ចំពោះមុខភាព ភ័យខ្លាច ដែលថាជនរងគ្រោះអាច នឹងស្លាប់បាត់បង់ជីវិតជាច្រើននាក់ ។
