ភ្នំពេញ ៖ គ្រោះថ្នាក់ចរាចរណ៍នៅទូទាំងប្រទេសកើតឡើង ចំនួន ០៨លើក (យប់ ០៣លើក), នៅថ្ងៃទី១៨ ខែមិថុនា ឆ្នាំ២០១៤ ក្នុងនោះមានមនុស្សស្លាប់ ០២នាក់ និងរងរបួសស្រាល ០៣នាក់ (ស្រី ០២នាក់) និងរបួសធ្ងន់ ០៧នាក់ (ស្រី ០២នាក់), មិនពាក់មួកពេលគ្រោះថ្នាក់ ១០នាក់ (យប់០៤នាក់) ។
គេហទំព័រអគ្គស្នងការដ្ឋាននគរបាលជាតិបានឲ្យដឹងថា ក្នុងគ្រោះថ្នាក់ចរាចរណ៍ទាំង ០៨លើក បានបង្កឲ្យខូចខាតយានយន្តសរុប ១២គ្រឿង ក្នុងនោះម៉ូតូ ០៩គ្រឿង, រថយន្តធុនតូច ០២គ្រឿង, រថយន្តធន់ធំ ០១គ្រឿង និងថ្មើជើង ០១នាក់ ។
ប្រភពខាងលើឲ្យដឹងបន្តទៀតថា មូលហេតុដែលបណ្តាលឲ្យមានគ្រោះថ្នាក់ មកពី ល្បឿនចំនួន ០៤លើក, មិនគោរពសិទ្ធ ចំនួន០១លើក, មិនប្រកាន់ស្តាំ ចំនួន០១លើក, បត់គ្រោះថ្នាក់ ចំនួន០១លើក, មិនចេះបើកបរម៉ូតូ ចំនួន០១លើក ។ ចំពោះរថយន្តដែលទទួលរងការផាកពិន័យនៅអង្គភាព នាថ្ងៃទី១៨ ខែមិថុនា ឆ្នាំ២០១៤នេះ មានចំនួន ៥៩៧គ្រឿង គឺរថយន្តទេសចរណ៍គ្រួសារ ១០៣គ្រឿង, រថយន្តដឹកអ្នកដំណើរធុនតូច ១៩៩គ្រឿង, រថយន្តដឹកអ្នកដំណើរធុនធំ ០៦គ្រឿង, រថយន្តដឹកទំនិញធុនតូច ៦៥គ្រឿង និងរថយន្តដឹកទំនិញធុនធំ ២២៤គ្រឿង ។ រថយន្តទាំងអស់ខាងលើបានបង់ប្រាក់ពិន័យរួចរាល់នៅ នាយកដ្ឋានសណ្តាប់ធ្នាប់ ៥០គ្រឿង, ស្នងការដ្ឋាននគរបាលខេត្ត ចំនួន៥០២គ្រឿង និងនៅអធិការដ្ឋានស្រុក ចំនួន ៤៥គ្រឿង ៕
