Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

ក្រសួងសាធារណការ ចុះហត្ថលេខា ជាមួយ ក្រុមហ៊ុនកាតាហ៊ីរ៉ា លើកិច្ចសន្យាស្តារឡើងវិញ ផ្លូវជាតិលេខ៥

0
0

ភ្នំពេញៈ កាលពីរសៀលថ្ងៃទី០៣ ខែកក្កដា ឆ្នាំ២០១៤ មានរៀបចំពិធីចុះហត្ថលេខា នៅទីស្តីការ ក្រសួង សាធារណការ និងដឹកជញ្ជូន រវាងលោក តូច ចាន់កុសល រដ្ឋមន្ត្រីស្តីទី តំណាងលោករដ្ឋមន្ត្រី ត្រាំ អ៊ីវតឹក ជាមួយ លោក ស៊ីង ដូ តំណាងក្រុមហ៊ុន កាតាហ៊ីរ៉ា របស់ប្រទេសជប៉ុន លើកិច្ចសន្យាស្តារឡើងវិញ នូវផ្លូវជាតិលេខ៥ ពីទីរួម ខេត្តបាត់ដំបង ដល់ស្វាយស៊ីសុផុន ខេត្តបន្ទាយមានជ័យ មានបីដំណាក់កាល គឺ ដំណាក់កាលទី១ ពីទីរួមខេត្តបាត់ ដំបង ដល់ស្វាយស៊ីសុផុន ប្រវែង ៤៧គ.ម ។ ដំណាក់កាលទី២ ផ្លូវវៀង ក្រុងបាត់ដំបង ប្រវែង ២៣គ.ម ដំណាក់ ទី៣ ផ្លូវវៀងស្វាយស៊ីសុផុន មានប្រវែងប្រហែល១៣គ.ម ។

គម្រោងនេះ គឺដើម្បីចូលរួមកសាង សេដ្ឋកិច្ចកម្ពុជា និងធ្វើសមាហរណកម្មក្នុងតំបន់។ លោករដ្ឋមន្ត្រីស្តីទី បានមានប្រសាសន៍ថា ក្រសួងសាធារណការ និងដឹកជញ្ជូន បាននឹងកំពុងខិតខំស្តារ ហេដ្ឋារចនា សម្ព័ន្ធផ្លូវ ថ្នល់ ស្ពាន នៅទូទាំងប្រទេស ដើម្បីជួយសម្រាលទុក្ខលំបាក និងកាត់បន្ថយភាពក្រីក្រ ជូនប្រជាពលរដ្ឋ ជា ពិសេសផ្លូវជាតិលេខ៥នេះ បានកាត់បន្ថយ នូវរយៈពេលធ្វើដំណើរ ឱ្យកាន់តែខ្លី និងជួយសម្រួលដល់ វិស័យពាណិជ្ជកម្ម ជាមួយបណ្តាប្រទេសជិតខាង ក្នុងការដឹកជញ្ជូនទំនិញ និងកសិផលនានា ។

ជាមួយគ្នានេះដែរ លោករដ្ឋមន្ត្រីស្តីទី ក៏បានសំណូមពរ សូមឱ្យក្រុមហ៊ុន យកចិត្តទុកដាក់លើគុណ ភាពផ្លូវស្ពានឱ្យបានល្អ ដោយធ្វើពិសោធន៍តេស្តវិភាគ គុណភាពសម្ភារៈសំណង់ ឬស្ថានភាពដី ដែលមាន សម្ភារៈវត្ថុធាតុដើមមិនល្អ គ្មានគុណភាព ដើម្បីធ្វើការជីកយកចេញ និងជំនួសដោយវត្ថុធាតុដើម មានគុណ ភាព ព្រមទាំងបង្ហាប់បន្ថែមតាមបទដ្ឋាន បច្ចេកទេស ដើម្បីធ្វើឱ្យការប្រើប្រាស់ បានយូរអង្វែង និងកាត់បន្ថយនូវការចំណាយ ថវិកាជាតិ ។

លោករដ្ឋមន្ត្រីស្តីទី បានពាំនាំនូវអនុសាសន៍ លោករដ្ឋមន្ត្រី ត្រាំ អ៊ីវតឹក ដោយបញ្ជាក់បន្ថែមថា នៅពេលដែលផ្លូវស្ពានមានលក្ខណៈល្អប្រសើរ សូមឱ្យក្រុមហ៊ុនត្រូវយកចិត្តទុកដាក់ បញ្ហាគុណភាពសំណង់ សុវត្ថិភាពការដ្ឋាន និងស្លាកសញ្ញាចរាចរណ៍។ ការស្ថាបនាផ្លូវនេះ គឺការធ្វើឱ្យប្រសើរឡើង នូវប្រព័ន្ធដឹកជញ្ជូន នៅកម្ពុជា ដើម្បីឈាន ទៅរកការអភិវឌ្ឍន៍ សេដ្ឋកិច្ច និងកាត់បន្ថយភាពក្រីក្រ ស្របតាមប្រសាសន៍ របស់សម្តេចតេជោ នាយករដ្ឋមន្ត្រី បានលើក ឡើងថា មានផ្លូវ មានស្ពាន គឺមានក្តីសង្ឃឹម ក្នុងការួម ចំណែកអនុវត្តកម្ម វិធីយុទ្ធសាស្ត្រចតុកោណដំណាក់ទី៣ ឱ្យរីកចម្រើនគ្រប់ទិសទី ក្នុងព្រះរាជាណាចក្រ កម្ពុជា ៕


Viewing all articles
Browse latest Browse all 8042

Latest Images

Trending Articles





Latest Images