ភ្នំពេញ ៖ កាលពីវេលាម៉ោង១៦និង០០ នាទី កាលពីថ្ងៃទី០៨ ខែកក្កដា ឆ្នាំ២០១៤ កម្លំាងអាវុធហត្ថរបស់ខណ្ឌ ទួលគោក បានឃាត់ខ្លួន ជនសង្ស័យម្នាក់រួម និងថ្នាំញៀន(ក្រាមពណ៏ស) ១កញ្ចប់ធំមាន ០៧កញ្ចប់តូច ក្នុងប្រតិបត្តិការចុះទៅឆែកឆេរបន្ទប់លេខ១០៦ ផ្ទះសំណាក់តារាពេជ្រ ស្ថិតនៅក្រោយសាលាសន្ធម៉ុក សង្កាត់ទឹកល្អក់២ ខណ្ឌទួលគោក ។
សមត្ថកិច្ចបានឲ្យដឹងថា ការចុះឆែកឆេរនេះ អាវុធហត្ថបានឃាត់ខ្លួន ជនសង្ស័យបីនាក់រួមនឹងវត្ថុតាង គ្រឿងញៀន(ក្រាមពណ៌ស) ចំនួន៧កញ្ចប់តូច និងប្រដាប់ជក់គ្រឿញៀន១ចំនួនទៀត ។
ជនសង្ស័យទីមួយឈ្មោះ សំ វណ្ណា ភេទប្រុស អាយុ២៧ឆ្នាំ ជាងឡាន ស្នាក់នៅមិនពិតប្រាកដ ទីពីរ ឈ្មោះ រចនា ភេទស្រី អាយុ១៨ឆ្នាំ លក់ដូរ និងទីបីឈ្មោះ អូន ម៉ៅ ភេទប្រុស អាយុ១៨ឆ្នាំ មុខរបរនិង ស្នាក់នៅមិនពិតប្រាកដ ។
ជាមួយគ្នានោះដែរ កម្លំាងសមត្ថកិច្ចបានដកហូតថ្នាំញៀន(ក្រាមពណ័ស) ៧កញ្ចប់ ម៉ូតូស្តេប ពណ៌ក្រហម ស្លាកលេខ ភ្នំពេញ១AP-៧៥៤៣ ទូរសព្ទ័៤គ្រឿង ជញ្ជីងថ្លឹងគ្រឿងញៀនចំនួន១ នាឡិកាស្រី២ ប្រដាប់ជក់មួយចំនួនប្រាក់១២៤.០០០រៀល។
បច្ចុប្បន្នជនសង្ស័យ និងវត្ថុតាងត្រូវរក្សាទុក នៅអាវុធហត្ថខណ្ឌទួលគោក ដើម្បីរង់ចាំបញ្ជូន ទៅកាន់ ការិយាល័យគ្រឿងញៀនរាជធានីភ្នំពេញ ។
