កម្លាំងនគរបាលព្រហ្ម ទណ្ឌកម្រិតស្រាល ក្របួចចោរឆក់ កាបូបម្នាក់ ក្រោយធ្វើសកម្ម ភាព

ភ្នំពេញ ៖ កម្លាំងនគរបាល ការិយាល័យ ព្រហ្មទណ្ឌកម្រិតស្រាល រាជធានីភ្នំពេញ សហការជាមួយកម្លាំង នគរបាលមូលដ្ឋាន បានប្រកួចចោរឆក់ម្នាក់ ក្រោយពីធ្វើសកម្ម ភាពភ្លាមៗ កាលពីវេលាម៉ោង១០និង៤០ នាទីយប់ថ្ងៃទី៩ ខែកក្កដា ឆ្នាំ២០១៤ ស្ថិត នៅក្បែរស្ដាតអូរឡាំពិក សង្កាត់វាលវង់ ខណ្ឌ៧មករា ។

មន្ដ្រីនគរបាលការិយាល័យព្រហ្មទណ្ឌ កម្រិតស្រាលរាជធានីភ្នំពេញ បានឱ្យដឹងថា មុនពេលកើតហេតុ ស្ដ្រី៣នាក់ កំពុងជិះម៉ូតូ តាមដងផ្លូវឌុបគ្នា លុះពេលធ្វើដំណើរមកដល់ជិតស្ដាតអូរឡាំពិក ស្រាប់តែ លេចមុខជនសង្ស័យជិះម៉ូតូមួយ គ្រឿងមកឆក់កាបូបនារីរងគ្រោះ ។

មន្ដ្រីនគរបាលបានបន្ដថា ភ្លាមៗនោះ ស្ដ្រីរងគ្រោះ បានស្រែកឆោឡោគាប់ជួននិង កម្លាំងសមត្ថកិច្ចនៅ ក្បែរនោះ បានដេញ ប្រថាប់ប្រភីងឃាត់ខ្លួនបានជនសង្ស័យម្នាក់ ព្រមទាំងដកហូតបានកាបូបរបស់ស្ដ្រី រងគ្រោះនិងម៉ូតូជិះធ្វើសកម្មភាពមួយគ្រឿងផង ដែរ ។

បច្ចុប្បន្នជនសង្ស័យរូបនេះ ត្រូវបាននាំ ខ្លួនទៅសួរនាំបន្ដទៀត នៅការិយាល័យ ព្រហ្មទណ្ឌកម្រិតស្រាល រាជធានីភ្នំពេញ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់ ។