អភិបាល ខណ្ឌដូនពេញ អញ្ជើញចុះពិនិត្យ ស្ថានីយ៍បូមទឹក នៅព្រះគន្លង់ និងឧបត្ថម្ភប្រាក់ដល់កម្មករ

ភ្នំពេញ ៖ អភិបាល ខណ្ឌដូនពេញ លោក គួច ចំរើន នៅវេលា ម៉ោង ៣៖៣០នាទី រសៀលថ្ងៃទី១៣ ខែកក្កដា ឆ្នាំ២០១៤ បានចុះពិនិត្យ ទីតាំង ស្ថានីយ៍ បូមទឹក នៅព្រះគម្លង់ ដែលជាទីកន្លែង បង្ហូរទឹកចេញពី រាជធានីភ្នំពេញ ចាក់ទៅទន្លេ យ៉ាងសំខាន់ ដោយពិនិត្យ ខ្លាចក្រែង មានការកកស្ទះ សំរាម និងកាកសំណល់ផ្សេងៗ ដែលនាំឲ្យរាំងស្ទះ នៃការហូរទឹក ។

ជាមួយគ្នានេះ លោកអភិបាលខណ្ឌ បានឧបត្ថម្ភជូន កម្មករបោសសំរាម ចំនួន២០០០០០រៀលផងដែរ ដើម្បីជាការលើកទឹកចិត្ត ក្នុងការចុះទៅកាយសំរាម និងកាកសំណល់ នៅក្នុងស្ថានីយ៍ ។

មន្រ្តីសាលា ខណ្ឌដូនពេញ បានឲ្យដឹងថា បន្ទាប់ពីបានចុះទៅពិនិត្យ នៅស្ថានីយ៍បូមទឹក នៅព្រះគន្លង់ រួចមក លោកអភិបាល បានបន្តចុះពិនិត្យ ទីតាំងប្រគុំតន្ត្រី និងផ្សាយបន្តផ្ទាល់ការ ប្រកួតបាល់ទាត់ ពិភពលោកឆ្នាំ២០១៤ រវាង ក្រុមអាល្លឺម៉ង់ និងក្រុមអាសង់ទីន នាវេលាម៉ោង៣ទៀបភ្លឺ ថ្ងៃទី១៤ ខែកក្កដា ឆ្នាំ២០១៤ នៅមុខវត្តបុរទមវត្តី ដែលរៀបចំដោយ ក្រុមសហភាព សហព័ន្ធយុវជនកម្ពុជារបស់លោក ហ៊ុន ម៉ានី៕