មន្ត្រីជំនាញ អាវុធជាតិផ្ទុះ សហការជាមួយ កម្លាំង CMAC ប្រមូលយក គ្រឿងយុទ្ធភណ្ឌ បន្សល់ ពីសម័យសង្រ្គាម រក្សាទុក

កណ្តាលៈ នៅរសៀល ថ្ងៃទី២៣ ខែកក្កដា ឆ្នាំ២០១៤ មន្ត្រីជំនាញអាវុធជាតិផ្ទុះ ខេត្តកណ្តាល សហការជាមួយ CMAC បានប្រមូលយក យុទ្ធភណ្ឌមិនទាន់ផ្ទុះ គ្រាប់ទម្លាក់ពីលើយន្ដហោះ ដែលបានបន្សល់ កាលពីសម័យសង្រ្គាម។  

គ្រាប់បែកទម្លាក់ពីលើយន្តហោះ ដែលមន្ត្រីជំនាញ អាវុធជាតិផ្ទុះ យកមករក្សាទុកខាងលើនេះ មានចំនួន១គ្រាប់ ប្រភេទគ្រាប់ម៉ាក M.K 82 ទម្ងន់២៤១គីឡូក្រាម មានប្រវែង.១,៥៦ម៉ែត្រ មុខកាត់២៧៤ មីលីម៉ែត្រ។

គ្រាប់ទម្លាក់ពីលើយន្ដហោះនេះ ត្រូវបានកម្លាំងសមត្ថកិច្ចប្រទះឃើញ នៅចំណុចច្រាំងទន្លេ ក្នុងភូមិបឹងកណ្ដាល ឃុំខ្ពបអាទាវ ផ្លូវជាតិលេខ១.គីឡូម៉ែត្រលេខ២៥ ស្ពានលេខ១៨ ។