ដាម៉ាស, (ស៊ិនហួ)៖ ផ្ទុះ៤កន្លែង បានកើតឡើងនៅជាយក្រុង ចារ៉ាម៉ាណា ជាយ ទីក្រុង ដាម៉ាស នៅព្រឹកព្រលឹមថ្ងៃពុធនេះ ដែលបានសម្លាប់ មនុស្សយ៉ាងតិច ២០នាក់ និង បង្កឲ្យមានអ្នករង របួស មួយចំនួនទៀត។ នេះបើតាមការផ្សាយ របស់ទូរទស្សន៍ ស៊ីរី អាំល់ អេកបារៀ។
ទូរទស្សន៍របស់ស៊ីរី បានចេញផ្សាយទៀតថា មានរថយន្តដែលបង្កប់ គ្រាប់បែកពីរគ្រឿងនិង គ្រឿងឧបករណ៍ផ្ទុះចំនួនពីរ ត្រូវបានផ្ទុះឡើងជាប់ៗគ្នា នៅក្នុងបរិវេណនៃ ខេត្ត ចារ៉ាម៉ាណា ដែលបង្កឲ្យមានមនុស្សស្លាប់ ២០នាក់ និង របួសជាច្រើននាក់ទៀត។
ការផ្ទុះចុងក្រោយននោះ បានធ្វើឡើងដើម្បីកាត់បន្ថយ ពីការគាបសង្កត់លើ ក្រុមបះបោរប្រដាប់អាវុធ បច្ចុប្បន្នត្រូវបានឡោមព័ទ្ធ ដោយកងទ័ពរបស់រដ្ឋាភិបាល នៅក្នុងទីក្រុងដាម៉ាស នៃខេត្ត ដារ៉ាយ៉ា ដែលកន្លែងកើតហេតុចុងក្រោយ នៃការប៉ះទង្គិចគ្នាយ៉ាងខ្លាំងក្លា។
ប្រជាជនស៊ីរី បាននិយាយថា ទាហានរាប់ពាន់នាក់ របស់រដ្ឋាភិបាល គឺកំពុងតែប្រយុទ្ធ ជាមួយនឹង ក្រុមសកម្មប្រយុទ្ធរបស់ អាល់កៃដានៅក្នុង តំបន់ជាច្រើនទូទាំងប្រទេស៕
