Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

លោក ពេជ្រ កែវមុនី ដឹកនាំកម្លាំង ចុះធ្វើរដ្ឋបាល នៅសង្កាត់ ស្ទឹងមានជ័យ

0
0

ភ្នំពេញ៖ លោក ឡុង ង៉ែត នាយករដ្ឋបាល សាលាខណ្ឌមានជ័យ បានឲ្យដឹងថា នៅព្រឹកថ្ងៃទី៣០ ខែកក្កដា ឆ្នាំ២០១៤នេះ បន្ទាប់ពីចុះសួរសុខទុក្ខ និងនាំយកអំណោយ សង្គ្រោះបន្ទាន់ ផ្តល់ជូនដល់ប្រជាពល រដ្ឋ ដែល រងគ្រោះដោយអគ្គិភ័យ ចំនួន១១៩គ្រួសាររួច មក លោក ពេជ្រ កែវមុនី ប្រធានគណៈ បញ្ជាការឯកភាព ខណ្ឌមានជ័យ បានដឹកនាំ កម្លាំងសមត្ថកិច្ចចម្រុះ រួមមាន កម្លាំងនគរបាល កម្លាំងអាវុធហត្ថ និងកម្លាំង សន្តិសុខខណ្ឌ ប្រជាការពារសង្កាត់ស្ទឹងមានជ័យ រួមទាំងមន្រ្តី អាជ្ងាធរមូលដ្ឋាន បានចុះធ្វើរដ្ឋបាល ក្នុងភូមិ ចំនួន២ គឺភូមិមានជ័យ និងភូមិភ្នាត សង្កាត់ស្ទឹងមានជ័យ ខណ្ឌមានជ័យ ដើម្បីរក្សាសន្តិសុខ និងសណ្តាប់ធ្នាប់ នៅក្នុងភូមិឋាន របស់ប្រជាពលរដ្ឋ។

ការចុះធ្វើរដ្ឋបាល របស់អភិបាល ខណ្ឌមានជ័យ និងអាជ្ញាធរ សង្កាត់ខាងលើនេះ បានធ្វើឡើង មុនពេល ដែល សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងចូលរួម ជាអធិបតីភាព នៅក្នុងពិធីសម្ពោធដាក់ឲ្យ ប្រើប្រាស់ជាផ្លូវការនូវស្ពាន អាកាសស្ទឹងមានជ័យ នាព្រឹកថ្ងៃទី៣១ ខែកក្កដា ឆ្នាំ២០១៤ស្អែកនេះ។

នៅក្នុងឱកាសនោះ លោក ពេជ្រ កែវមុនី បានមានប្រសាសន៍ថា ដើម្បីរក្សា សន្តិសុខ និងសណ្តាប់ធ្នាប់ ក្នុងការ រស់នៅប្រចាំថ្ងៃ របស់បងប្អូនប្រជាពលរដ្ឋ នៅក្នុងមូលដ្ឋាន ជៀសពីការ លួចប្លន់ ឫក៏សកម្មភាព មិនប្រក្រតី ផ្សេងៗនោះ លោកបានដឹកនាំ កម្លាំងសមត្ថកិច្ច និងអាជ្ញាធរ ដោយចែកចេញ ជាក្រុម មកធ្វើរដ្ឋបាល សម្រាប់ សន្តិសុខ នៅក្នុង មូលដ្ឋាន នៅតែជាបញ្ហាមួយ ដែលអាជ្ញាធរ ខណ្ឌមានជ័យ នៅតែពង្រឹងឲ្យបានល្អ។

ជាមួយគ្នានេះ អភិបាលខណ្ឌ សូមអំពាវនាវ ដល់ ប្រជាពលរដ្ឋទាំងអស់ ត្រូវមានការចូលរួម សហការ ជាមួយ សមត្ថកិច្ច និងអាជ្ញាធរ ពោល បើសិនមានរឿងអ្វី កើតឡើងភ្លាមៗ ដែលមិនប្រក្រតី ត្រូវរាយការណ៍ ជូន សមត្ថកិច្ច និងអាជ្ញាធរ ដើម្បីចុះមកជួយ អន្តរាគមន៍ទាន់ពេលវេលា ។ លោកអភិបាលខណ្ឌ បានស្នើ ឲ្យ សមត្ថកិច្ច និងអាជ្ញាធរ មូលដ្ឋាន ត្រូវពិនិត្យ អាវុធជាតិផ្ទុះ ដើម្បីជួយកាត់បន្ថយអំពើចោរកម្ម ផ្សេងៗ។

លោក សេង សាញ់ ចៅសង្កាត់ស្ទឹងមានជ័យ បានឲ្យដឹងថា នៅក្នុងសង្កាត់ស្ទឹងមានជ័យ មានប្រជាពលរដ្ឋ ជា ច្រើនគ្រួសារ មកស្នាក់នៅ ដូច្នេះបញ្ហាសន្តិសុខ គឺជារឿងសំខាន់ ដែលអាជ្ញាធរ យកចិត្ត ទុកដាក់ ជាពិសេស ចំពោះសមាសភាព ដែលមកជួល ផ្ទះជាដើម។ យ៉ាងណាក៏ដោយ បើតាមលោក សេងសាញ់ ប្រជាពលរដ្ឋ នៅ ក្នុងមូលដ្ឋាន បានសម្តែងការពេញចិត្ត និងចូលរួម សហការ ជាមួយ អាជ្ញាធរ និងសមត្ថកិច្ច នៅពេលចុះមក ធ្វើរដ្ឋបាលនេះ ។

លោក ឡុង ង៉ែត បានបញ្ជាក់ថា ចំពោះការចុះធ្វើរដ្ឋបាលនេះ អាជ្ញាធរខណ្ឌ សង្កាត់ ធ្វើការងារនេះជាប្រចាំ ចាប់ពីថ្ងៃនេះ រហូតដល់ពិធី សម្ពោធដាក់អោយប្រើប្រាស់ ជាផ្លូវការនូវស្ពានអាកាស ត្រូវបានបញ្ចប់ ៕

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News

Photo by DAP-News


Viewing all articles
Browse latest Browse all 8042

Latest Images

Trending Articles





Latest Images