កំពង់ចាម ៖ កាលពីព្រឹកថ្ងៃទី២០ ខែសីហា ឆ្នាំ២០១៤ មានគ្រោះអគ្គីភ័យ នៅភូមិ-ឃុំ- ស្រុកបាធាយ ខេត្តកំពង់ចាម បានបណ្តាលឱ្យ ឆេះផ្ទះចំនួន2ខ្នង បេតុងក្រោម ឈើលើ ប្រក់ក្បឿង ទំហំ 8គុណ12ម៉ែត្រ របស់ឈ្មោះ យិម សាវ៉ាត ប្រពន្ធ ឈ្មោះ ផ្លូច គាំ ដែលបណ្តាលមកពី ឆ្លងចរន្តអគ្គីសនី ។
មន្រ្តីនគរបាល ស្រុកបាធាយ បានថ្លែងថា ក្រោយទទួលបាន ព័ត៌មានភ្លាមភ្លាមៗ លោកឧត្តមសេនីយ៍ស្នងការ បាន បញ្ជាឲ្យ កម្លាំងនគរបាល និងរថយន្តពន្លត់3គ្រឿង ចេញអន្តរាគមន៍ ដោយប្រើទឹកអស់4រថយន្ត ហើយពុំបណ្តាលឱ្យ រាលដល់ផ្ទះអ្នកដ៍ទៃឡើយ។
យ៉ាងណាក៏ដោយ មិនទាន់ដឹងអំពី ទំហំនៃការខូចខាតនោះឡើយ៕
