ភ្នំពេញៈ របាយការណ៍ ពីគណៈកម្មាធិការជាតិ គ្រប់គ្រងគ្រោះមហន្តរាយ ដែលទើបតែចេញផ្សាយនៅថ្ងៃទី ១៩ ខែសីហា ឆ្នាំ២០១៤ បានបង្ហាញថា ពលរដ្ឋខ្មែរចំនួន៤៥នាក់ បានស្លាប់ នៅក្នុងគ្រោះធម្មជាតិទឹកជំនន់ ឆ្នាំ២០១៤ ខណៈ៣នាក់រងរបួស ។
របាយការណ៍ដដែលបានបង្ហាញឲ្យដឹងទៀតថា គ្រោះទឹកជំនន់ឆ្នាំ២០១៤ ដែលបានកើតឡើងនៅ ខេត្ត ចំនួន១២ របស់កម្ពុជា រួមមាន ព្រះវិហារ កំពង់ធំ រតនៈគិរី ស្ទឺងត្រែង ក្រចេះ កំពង់ចាម ត្បូងឃ្មុំ ព្រៃវែង កណ្តាល ស្វាយរៀង កំពត និងមណ្ឌលគិរី បានប៉ះពាល់ ទៅដល់ប្រជាជនជាច្រើនពាន់គ្រួសារ ខូចខាតផ្ទះសំបែង ចំនួន១៥៨ខ្នង ខណៈផ្ទះ៦៤ពាន់ខ្នងទៀត ត្រូវបានរងផល់ប៉ះពាល់ សន្ទួងជាង៧៤ម៉ឺនហិកតា រងផលប៉ះពាល់ ដោយខូចខាតជាង៨ពាន់ហិកតា ចំណែកឯហេដ្ឋារចនាសម្ព័ន្ធជាច្រើនត្រូវបានរងការខូចខាត៕
