បន្ទាយមានជ័យ ៖ កម្លាំងអធិការដ្ឋាន និងកម្លាំងប៉ុស្តិ៍នគរបាលឃុំម៉ាឡៃ បានសហការគ្នា ចុះបង្ក្រាប ករណីល្បែងស៊ីសងនៅចំណុច ភូមិវាលហាត់ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ដោយឃាត់មនុស្ស ៤នាក់ កាលពីម៉ោង ៧និង៣០នាទីព្រឹកថ្ងៃទី៧ ខែកញ្ញា ឆ្នាំ២០១៤ ។
ជនសង្ស័យទាំង ៤នាក់ ទី១-ឈ្មោះ ដឿន រឹម ភេទប្រុស អាយុ២៤ឆ្នាំ រស់នៅភូមិត្រសេកជ្រុំ ឃុំម៉ាឡៃ ស្រុកម៉ាឡៃ ទី២- ឈ្មោះ សល់ ម៉ៅ ភេទប្រុស អាយុ ២៦ឆ្នាំ រស់នៅភូមិដំបូកវិល ឃុំម៉ាឡៃ ស្រុកម៉ាឡៃ ទី៣- ឈ្មោះ ទិត្យ ជា ភេទប្រុស អាយុ ៤១ឆ្នាំ រស់នៅភូមិវាលហាត់ ឃុំម៉ាឡៃ ស្រុកម៉ាឡៃ និងទី៤-ឈ្មោះ ដុំ គង់ ភេទប្រុស អាយុ ៥៥ឆ្នាំ រស់នៅភូមិវាលហាត់ ឃុំម៉ាឡៃ ស្រុកម៉ាឡៃ។ ដកហូតវត្ថុតាំង បានបៀរ ១ហ៊ូ លុយបាត ១០០បាត លុយខ្មែរ ៨០០០រៀល ទូរស័ព្ទដៃ ២គ្រឿង និងកំាបិតចិតបន្លែ ១ ។ រីឯម្ចាស់ផ្ទះឈ្មោះ ប្រាក់ រឹត ភេទស្រី អាយុ៥១ឆ្នាំ នៅភូមិវាលហាត់ ឃុំម៉ាឡៃ។
ក្រោយមកកម្លាំងអធិការដ្ឋាន បានធ្វើការអប់រំលើកទី១ និងបានធ្វើកិច្ចសន្យា ៕
