បន្ទាយមានជ័យ ៖ ដើម្បីពង្រឹងការ ទំនាក់ទំនង និងការកិច្ចសហប្រតិបត្តិការ កាន់តែ ជិតស្និទនោះ កម្លាំងនគរបាល វរះសេនាតូច ការពារព្រំដែនលេខ ៨១៥ នៃស្នងការ ដ្ឋាននគរបាល ខេត្តបន្ទាយមានជ័យ បានរួម សហការ ជាមួយ កម្លាំងយោធាឈុតខ្មៅ របស់ភាគីថៃ បានចំណាយពេល ស្ទើរពេញ មួយព្រឹក លើការចុះ សំអាតអនាម័យ នៅទីស្នាក់ការ ត្រួតពិនិត្យ ច្រកទ្វារ តំបន់ព្រំដែនម៉ាឡៃ ដើម្បីលើកកម្ពស់ បរិស្ថាន និងសុខភាព ។
មន្រ្តីនគរបាល វរះការពារព្រំដែន៨១៥ បានថ្លែងឲ្យដឹងថា យុទ្ធនាការ ចុះអនាម័យ ខាងលើនេះ បានធ្វើឡើងនៅចន្លោះវេលាម៉ោង ៨៖៣០នាទី ដល់ម៉ោង ១០៖៥០នាទី ព្រឹកថ្ងៃទី២៤ ខែតុលា ឆ្នាំ២០១៤ ។
មន្រ្តីនគរបាល បាន បន្តទៀតថា «ក្រោយពីមានការណែនាំ ពីសំណាក់ ស្នងការនគរបាល ខេត្តបន្ទាយ មានជ័យ លោកឧត្តមសេនីយ៍ត្រី អាត់ ខែម រួចមក លោកវរសេនីយ៍ទោ ជុំ វណ្ណៈ មេបញ្ជាការរងវរះ បានដឹកនាំកម្លាំង ៣២នាក់ បានចូលរួមសំអាត អនាម័យ នៅទី ស្នាក់ការ ត្រួតពិនិត្យ ច្រកទ្វារ តំបន់ព្រំដែន ម៉ាឡៃដោយមានការចូលរួម ពីទាហាន ឈុតខ្មៅ ថៃចំនួន២១នាក់ និងសិស្សានុសិស្ស វិទ្យាល័យ ម៉ាឡៃចំនួន៤៥នាក់»។
បើតាមមន្រ្តីនគរបាល ដដែល ក្រោយយុទ្ធនាការខាងលើនេះ កម្លាំងនគរបាលរបស់វរះ និងបន្តធ្វើ នៅពេល ខាង មុខទៀតជាប្រចាំ ដើម្បីចូលរួមលើកកម្ពស់ បញ្ហាបរិស្ថាន សោភ័ណភាព និងសុខភាព ប្រជាពលរដ្ឋ ដែលរស់នៅទីនោះ ជៀសវាងការស្រូបក្លិនអាក្រក់ជាដើម ក៏ដូចជា ការរឹត ចំណងមិត្តភាព ជាមួយភាគីថៃ កាន់តែល្អប្រសើរឡើង ៕
