ហ៊ីយ៉ាន់ដាយ បើកបុក ស្ត្រីចំណាស់ រួមនឹងចៅតូចម្នាក់ ស្លាប់យ៉ាង អាណោចអាធម

កណ្តាលៈ រថយន្តហ៊ីយ៉ាន់ដាយមួយគ្រឿង បានបើកទៅបុកកង់ បណ្តាលឲ្យ ស្រី្តវ័យចំណាស់ម្នាក់ រួមនឹងចៅ ដែលមានអាយុទើបតែ ៥ឆ្នាំ ស្លាប់ភ្លាមនៅកន្លែងកើតហេតុ កាលវេលាម៉ោង១៥ និង២០នាទី ថ្ងៃទី២៨ ខែតុលា ឆ្នាំ២០១៤ នៅលើផ្លូវលេខ៣៨០ ចំណុចភូមិក្រូចសើច ឃុំពុកឬស្សី ស្រុកខ្សាច់កណ្តាល  ខេត្តកណ្តាល។

ប្រភពព័ត៌មានបានឲ្យដឹងថា អ្នកបើកបររថយន្ត ឈ្មោះសំ ខុម ភេទប្រុសអាយុ២៣ឆ្នាំ មានទីលំនៅភូមិក្បាលថ្នល់ ឃុំត្នោត ស្រុកកំពង់រោ ខេត្តស្វាយរៀង បើករថយន្តហុីយ៉ាន់ដាយ ពណ៍ស ១តោនកន្លះ ពាក់ស្លាកលេខភ្នំពេញ 2-0254 ត្រូវបានកម្លាំងសមត្ថកិច្ចធ្វើការឃាត់ខ្លួនបាន។ ចំណែក ជនរងគ្រោះ ១ឈ្មោៈ រ៉ាយ ខេម ភេទស្រី អាយុ ៦៧ឆ្នាំ ជនជាតិខ្មែរ មានទីលំនៅភូមិក្រូចសើច ឃុំពុកឬស្សី ស្រុកខ្សាច់កណ្តាល ស្លាប់ ទី២ ឈ្មោះវុធ សុខគៀង អាយុ៥ឆ្នាំ ភេទស្រី ត្រូវជាចៅមានទីលំនៅជាមួយគ្នា។

ជនបង្កត្រូវបានកម្លាំងសមត្ថកិច្ចធ្វើការឃាត់ខ្លួនបាន រួចបញ្ជួនយកទៅសួរនាំនៅ អធិការស្រុកខ្សាច់កណ្តាល ៕