កំពង់ស្ពឺ ៖ កម្លាំងនគរបាល ឃុំវាំងចាស់ និងនគរបាល ស្រុកឧដុង្គ ខេត្តកំពង់ស្ពឺ កាលពី រសៀល ថ្ងៃទី៥ ខែធ្នូ ឆ្នាំ២០១៤ បានឃាត់ខ្លួន ជនចែកចាយ ថ្នាំញៀនម្នាក់ និងដកហូតម៉ា ទឹកកកចំនួន២៤កញ្ចប់ ស្ថិតនៅតាម ផ្លូវជាតិលេខ៥ ភូមិឧដុង្គ ឃុំវាំងចាស់ ។
មន្រ្តីនគរបាល មូលដ្ឋានបានឲ្យដឹងថា ជនសង្ស័យមាន ឈ្មោះ សាម វណ្ណះ អាយុ៣៣ឆ្នាំ រស់នៅ ភូមិឃ្លាំង៥ ឃុំវាំងចាស់ មានមុខរបរ មិនពិតប្រាកដ។
មន្រ្តីនគរបាល បានបន្តទៀតថា ក្រៅពីការឃាត់ខ្លួន ជនសង្ស័យ និងថ្នាំញៀន សមត្ថកិច្ចបានដកហូត ម៉ូតូមួយគ្រឿង ម៉ាកស្មាស់ ។
នៅព្រឹកថ្ងៃទី៦ ខែធ្នូ ឆ្នាំ២០១៤ សមត្ថកិច្ចបានបញ្ជូន ជនសង្ស័យរូបនេះ ទៅកាន់ស្នងការដ្ឋាន នគរបាល ខេត្តកំពង់ស្ពឺ ដើម្បីចាត់ការតាមផ្លូវច្បាប់៕
