ភ្នំពេញ ៖ កម្លាំងអាវុធហត្ថ (អ.ហ) ខណ្ឌពោធិ៍សែនជ័យ កាលពីវេលាម៉ោង ២៖២០នាទី រសៀលថ្ងៃទី១០ ខែធ្នូ ឆ្នាំ២០១៤ នៅចំណុច ផ្លូវបេតុង ស្ថិតក្នុងភូមិព្រៃព្រីងខាងត្បូង សង្កាត់ចោមចៅ ខណ្ឌពោធិសែនជ័យ បានស្រាវជ្រាវ ឃាត់បានជនសង្ស័យ ចែកចាយថ្នាំញៀនម្នាក់ ឈ្មោះ វឿន គង្គា អាយុ២៥ឆ្នាំ ទីលំនៅ ភូមិព្រៃជីសាក់ សង្កាត់ចោមចៅ ។
មន្រ្តី អ.ហ បានឲ្យដឹងថា វត្ថុតាងដកហូត រួមមាន ម្សៅក្រាមពណ៌ស ចំនួន២៥ កញ្ចប់តូច និងថ្នាំគ្រាប់ពណ៌ក្រហម មួយកញ្ចប់តូច និងម៉ូតូឆាលី មួយគ្រឿងផងដែរ ។
ក្រោយការឃាត់ខ្លួន ជនសង្ស័យរូបនេះ ត្រូវបានយកទៅសួរនាំ ទៅទីបញ្ជាការអាវុធហត្ថ ខណ្ឌពោធិ៍សែនជ័យ ដើម្បីកសាងសំណុំរឿងបញ្ជូន ទៅកាន់តុលាការ ចាត់តាមផ្លូវច្បាប់៕
