កាមរីឆ្លាម ទើបតែទិញថ្មី ម្ចាស់ផឹកស្រវឹង បើកបុករះ ទាំងកម្រោល រទេះរុញ១គ្រឿង ម៉ូតូ១គ្រឿង និងរថយន្តតូច៣គ្រឿង បង្កឲ្យ របួស២នាក់

បន្ទាយមានជ័យ៖ គ្រោះថ្នាក់ចរាចរណ៍មួយ បង្កដោយអ្នកបើកបរក្រោមឥទ្ធិពល ជាតិស្រវឹង បើករថយន្តតូច ១គ្រឿងម៉ាកតូយ៉ូតាកាមរីឆ្លាមបានបុករះទាំងកម្រោល រទេះរុញ១គ្រឿង ម៉ូតូ១គ្រឿង និងរថយន្តគ្រឿងបង្កឲ្យរង របួសមនុស្ស២នាក់និងខូចខាតធ្ងន់រថយន្ត៣គ្រឿង។ ហេតុការណ៍គ្រោះថ្នាក់ចរាចរនេះ កើតឡើងកាលពីម៉ោង៥ និង៤៥នាទីល្ងាច ថ្ងៃទី១៣ ខែធ្នូ ឆ្នាំ២០១៤ នៅចំនុចមុខខ្លោងទ្វារសមាធិផល ស្ថិតនៅភូមិ៤ សង្កាត់ព្រះពន្លា ក្រុងសិរីសោភ័ណ ខេត្តតបន្ទាយមានជ័យ។         

លោក សួន នីប៉ូ នាយរងការិយាល័យចរាចរណ៍ ផ្លូវគោកនគរបាល ខេត្តបន្ទាយមានជ័យឲ្យ នៅថ្ងៃទី១៤ ខែធ្នូ ឆ្នាំ២០១៤ នេះថា  ដើមហេតុគ្រោះថ្នាក់នេះដំបូង គឺរថយន្តតូចតូយ៉ូតាកាមរីឆ្លាម១គ្រឿងពណ៌ ស្ក អត់ស្លាក លេខ (ទើបទិញថ្មី) បើកបរក្រោមឥទ្ធិពលស្រវឹងល្បឿនលឿនទិសត្បូង ទៅជើងទៅបំបុកពេញទំហឹងរទេះរុញ ១គ្រឿង ប៉ើងរួចបន្តទៅបុករថយន្តកាមរីឆ្លាម ពណ៌ខ្មៅ ១គ្រឿង ហើយទៅបុកម៉ូតូ១គ្រឿងទៀតបណ្តាល រេទៅ បុករថយន្តម៉ាកតូយ៉ូតាឡិចស៊ីស្ស ១គ្រឿង រួចនិងទៅបុករថយន្តម៉ាកនីសាន់ណាវ៉ារ៉ា ១គ្រឿងទៀត ដែលជា របស់មេប៉ូលិសការិយាល័យព្រហ្មទ័ណ្ឌកម្រិតធ្ងន់ខេត្តផងដែរ ហើយបណ្តាលឲ្យមនុស្ស២នាក់ រងរបួសធ្ងន់ ។ក្រោយពីកើតហេតុសមត្ថកិច្ចបានចុះទៅវាស់វែង និងបញ្ជូនជនរងគ្រោះទៅកាន់មន្ទីរពេទ្យ ដើម្បីសំរាកព្យាបាលជំងឺ។

លោកបន្តថា ទោះបីជាអ្នកបើកបរជនបង្កបានប្រព្រឹត្តខុសនាំឲ្យខូចខាតទ្រព្យសម្បត្តិ ជាមធ្យោបាយអ្នកដទៃ និងបង្ករបួសមនុស្សធ្ងន់ធ្ងន់២នាក់ក្នុងរូបភាពដ៏អាក្រក់ហើយៗ អ្នកបើកបរនេះមិនទាន់ស្វាងស្រវឹង រួចបញ្ចេញ ចរិតច្រឡោងខាមរករឿងគេឯង និងដល់សមត្ថប៉ូលីសទៅបំពេញភាកិច្ចថែមទៀត។ លោកបានបន្ថែមថា អ្នក បើកបរបង្ក រថយន្តកាមរីឆ្លាម ពណ៌ទឹកស្ក ស៊េរីឆ្នាំ២០០០ គ្មានស្លាកលេខ និងពុំទាន់អត្តសញ្ញាណនៅឡើយ ព្រោះសន្លប់បាត់ស្មានតីទៅហើយ រថយន្តរងគ្រោះ ទី១ ម៉ាកកាមរីឆ្លាម ពណ៌ខ្មៅ ស៊េរីឆ្នាំ១៩៩៧ ពាក់ស្លាកលេខ បន្ទាយមានជ័យ 2A-5413 ខូចខាត់ផ្នែកខាងក្រោយធ្ងន់ បើកបរដោយឈ្មោះ ប៊ូ រិទ្ធី ភេទប្រុស អាយុ ២៥ឆ្នាំ រស់ ភូមិគោដ្ឋាន សង្កាត់អូរអំបិល ក្រុងសេរីសោភ័ណ ។ ទី២ ម៉ូតូរងគ្រោះ ម៉ាកហុងដាឌ្រីម ស៊េរីឆ្នាំ២០១១ សេ ១២៥ គ្មានពាក់ស្លាកលេខ បើកបដោយឈ្មោះ ជាតិ សុវណ្ណបញ្ញា ភេទស្រី អាយុ ២០ឆ្នាំ រស់នៅភូមិអង្គរខ្មៅ ឃុំគយម៉េង ស្រុកមង្គលបូរី រងរបួសស្រាល ។ ទី៣ រទះអូសអូស ម្ចាស់ឈ្មោះ ខៀវ ស្រីរ័ត្ន ភេទស្រី អាយុ៣៣ឆ្នាំ រស់នៅភូមិកើតហេតុខាងលើនេះ ។ ទី៤ រថយន្តរងគ្រោះ ម៉ាកលុច្សស៊ីស RX300  ពណ៌ស្ក ពាក់ស្លាកលេខ បន្ទាយមានជ័យ 2A-0995 ពុំទាន់ដឹងអត្តសញ្ញាណនៅឡើយ ។និងទី៥ រថយន្តរងគ្រោះ ម៉ាកនីសាន់ ណាវ៉ារ៉ា ពណ៌ទឹកប្រាក់ ពាក់ស្លាកលេខបន្ទាយមានជ័យ 2A-7999បើកបរដោយឈ្មោះ អ៊ុន សំអន ភេទប្រុស អាយុ ៤៥ឆ្នាំ រស់នៅភូមិសែសិន សង្កាត់អូរអំបិល ក្រុងសេរីសោភ័ណ។ ក្រោយពីកើតហេតុសមត្ថកិច្ចបានស្ទូចយក រថយន្តបង្ក និងរថយន្តរងគ្រោះទាំងអស់យកទៅរក្សាទុកនៅស្នងការខេត្តបន្ទាយមានជ័យ ដើម្បីរង់ចាំការដោះ ស្រាយគ្នាតាមនិតិវិធីច្បាប់នាពេលក្រោយ ៕