កម្លាំងនគរបាល និងប្រជាការពារ សង្កាត់ស្នោរ ឃាត់ខ្លួន មុខសញ្ញា ចែកចាយ គ្រឿងញៀន ២នាក់ប្ដីប្រពន្ធ ដកហូតគ្រឿងញៀន ២៣កញ្ចប់

ភ្នំពេញ៖ ជនសង្ស័យជួញដូរគ្រឿងញៀន ២នាក់ប្ដី និងប្រពន្ធ ត្រូវបានកម្លាំងនគរបាល និងប្រជាការពារសង្កាត់ស្នោរ ធ្វើការឃាត់ខ្លួនបាន ខណ:កំពុងចេញធ្វើ សកម្មភាពចែកចាយ ដោយកម្លាំង បានធ្វើការដកហូត បានគ្រឿងញៀន២៣កញ្ចប់ កាលពីវេលាម៉ោង៨និង៣៥នាទីព្រឹកថ្ងៃទី២២ ខែធ្នូ ឆ្នាំ២០១៤ នៅតាមផ្លូវក្នុងភូមិ ទួលលៀប សង្កាត់ស្នោរ ខណ្ឌពោធិ៍សែនជ័យ រាជធានីភ្នំពេញ ។

ជនសង្ស័យខាងលើប្ដីឈ្មោះអេងវុទ្ធី អាយុ៣០ឆ្នាំ និងប្រពន្ធឈ្មោះ រស់ គង់ អាយុ២៩ឆ្នាំ មានទីលំនៅក្នុងភូមិ ត្រពាំចអារក្ស សង្កាត់ឳឡោក ខណ្ឌពោធិ៍សែនជ័យ ជនសង្ស័យទាំង២នាក់ នោះជាមុខសញ្ញចាស់ដែលបានចេញធ្វើសកម្មភាព នៅតាមបណ្ដាខេត្ត មួយចំនួននៅក្នុងភូមិសាស្រ្តខណ្ឌពោធិ៍ជ័យ។

តាមប្រភពព័ត៍មានបានឲ្យដឹងថាកម្លាំងនគរបាលនិងកម្លាំងប្រជាការពារសង្កាត់ស្នោរ បានធ្វើការតាមប្រមាញ់ មុខសញ្ញា ជួញដូរគ្រឿងញៀន ទាំង២នាក់ប្ដីប្រពន្ធនោះតាំង ពីវេលាម៉ោង៥ព្រឹក ថ្ងៃទី២២ ខែធ្នូឆ្នាំ២០១៤ ខណៈដែល ជននោះចេញ ពីផ្ទះដើម្បី ចែកចាយគ្រឿងញៀន នៅក្នុងមូលដ្ឋានខណ្ឌពោធិ៍សែនជ័យ។ ពេលនោះ ជនសង្ស័យ មិនបានដឹងខ្លួន នោះឡើយ ហើយដោយសារតែកំណត់បានមុខសញ្ញានោះ ហើយកម្លាំងក៍បានធ្វើការឃាត់ឲ្យ ឈប់ប៉ុន្តែជនទាំងនោះ មិនព្រមឈប់ និងបានបន្ថែមល្បឿន គេចខ្លួនថែមទៀតប៉ុន្តែ រត់មិនរួចក៍ត្រូវបានកម្លាំងឃាត់ខ្លួនបានតែម្ដង។

ក្រោយឃាត់ខ្លួនធ្វើការ ឆែកឆេរបានប្រទះឃើញមានគ្រឿងញឿន ចំនួន២៣កញ្ចប់ នៅជាប់ខ្លួនរួមជាមួយវិទ្យុទាក់ទង ១គ្រឿងនិងទូរស័ព្ទដៃផងដែរ៕