ភ្នំពេញ៖ ព្រឹត្តិការណ៍ប្រវត្តិសាស្ត្រ ៧ មករា ១៩៧៩ គឺគិតមកដល់ឆ្នាំ២០១៥នេះ មានរយៈពេល ៣៦ឆ្នាំហើយ។ ព្រឹត្តិការណ៍បានធ្វើឲ្យអ្នកនយោបាយខ្មែរ និងប្រជាជនខ្មែរ យល់ឃើញខុសគ្នា។ ក្រុមមួយយល់ឃើញថា ជាថ្ងៃកងទ័ពវៀតណាម សហការគ្នាជាមួយកងទ័ពរបស់សម្តេច ហេង សំរិន, សម្តេច ជា ស៊ីម និងសម្តេចតេជោ ហ៊ុន សែន មកជួយសង្គ្រោះប្រជាជនកម្ពុជា ចេញពីវាលពិឃាដនៃរបបកម្ពុជា ប្រជាធិបតេយ្យ (ខ្មែរក្រហម)។ ចំណែកក្រុមខ្មែរមួយទៀត យល់ឃើញថា ជាការចូលមកឈ្លានពានប្រទេសកម្ពុជា ពីសំណាក់ប្រទេសយួន។
តើលោកបណ្ឌិតសភាចារ្យ រស់ ចន្ត្រាបុត្រ យល់ឃើញដូចម្តេចដែរ ចំពោះព្រឹត្តិការណ៍ប្រវត្តិសាស្ត្រ ៧ មករា ១៩៧៩នេះ? តើលោកបណ្ឌិតសភាចារ្យ ឆ្លើយយ៉ាងណាចំពោះសំណួរដែលសួរថា បើពុំមានការតស៊ូបណ្ដេញ វត្តមានកងទ័ពវៀតណាមនៅកម្ពុជា របស់ក្រុមត្រីភាគីនៅតាមព្រំដែនខ្មែរ-ថៃទេ តើវាសនាប្រទេសកម្ពុជា នឹងទៅជាយ៉ាងណា? ព្រមទាំងសំណួរសំខាន់ៗមួយចំនួនទៀត តើលោកបណ្ឌិតសភាចារ្យ ឆ្លើយបែបណាដែរ?
ដើម្បីបានដឹងច្បាស់អំពីខ្លឹមសារចម្លើយនៃសំណួរខាងលើ សូមប្រិយមិត្ត ស្តាប់នាទីព្រឹត្តិការណ៍ប្រចាំថ្ងៃដើមអម្ពិល ដែលមានប្រធានបទ ស្តីពី ព្រឹត្តិការណ៍ ៧ មករា ១៩៧៩ ដែលផ្សាយតាមវិទ្យុដើមអម្ពិល កាលពីរសៀលថ្ងៃទី៦ ខែមករា ឆ្នាំ២០១៥ ហើយនៅពេលនេះផ្សាយតាមគេហទំព័រដើមអម្ពិល ជាសំឡេងដូចខាងក្រោម។
- វាគ្មិនកិត្តិយស លោកបណ្ឌិតសភាចារ្យ រស់ ចន្រ្តាបុត្រ ជាសាស្រ្តាចារ្យបណ្ឌិតផ្នែកវិទ្យាសាស្រ្តនយោបាយ
- អ្នកសម្របសម្រួល និងចោទសួរ លោក ប៉ោ សេដ្ឋា
