សេអ៊ូលៈ អគ្គរាជទូតជាន់ខ្ពស់ប្រចាំប្រទេសកូរ៉េ ខាងត្បូង និងប្រទេសចិន បានធ្វើកិច្ចជំនួបជាមួយគ្នា កាលពីថ្ងៃ ចន្ទ ទី១៧ ខែធ្នូ ឆ្នាំ២០១២កន្លងទៅនេះ ទាក់ទងនឹងការប្រតិកម្មនានា ដែលអង្គការសហប្រជាជាតិ អាចធ្វើបាន ដើម្បីឆ្លើយតបនឹងទង្វើរឹងមានៈរបស់កូរ៉េខាងជើង ដែលបាញ់បង្ហោះគ្រាប់រ៉ុក្កែតរបស់ខ្លួន កាលពីសប្តាហ៍មុន។ នេះបើយោងតាមការលើកឡើង របស់មន្ត្រីរដ្ឋាភិបាលក្រុងសេអ៊ូល។
យោងតាមទីភ្នាក់ងារព័ត៌មាន Yonhap News ចុះថ្ងៃទី១៨ ខែធ្នូ ឆ្នាំ២០១២ បានឲ្យដឹងដោយលើកឡើងនូវសំដី របស់រដ្ឋមន្ត្រីរូបនេះថា លោក Kim Bong-hyun តំណាងរដ្ឋមន្ត្រីរដ្ឋាភិបាលក្រុងសេអ៊ូលទទួលបន្ទុកផ្នែកពហុភាគី និងកិច្ចអន្តរជាតិ បានធ្វើកិច្ចជំនួបជាមួយជំនួយរដ្ឋមន្ត្រីការបរទេសចិន លោក Ma Zhaoxu ក្នុងទីក្រុងប៉េកាំង កាលពីព្រឹកថ្ងៃចន្ទ ទី១៧ ខែធ្នូ ឆ្នាំ២០១២ ដើម្បីពិភាក្សា ស្វែងរកមធ្យោបាយក្នុងឆ្លើយតមទៅនឹងឥរិយាបទរបស់ កូរ៉េខាងជើង៕
