ប៉េកាំង៖ ទូរទស្សន៍ប៊ីប៊ីស៊ី ផ្សព្វផ្សាយនៅថ្ងៃទី២០ ខែមករា ឆ្នាំ២០១៥ថា កំណើនសេដ្ឋកិច្ចចិន ក្នុងឆ្នាំ២០១៤ បានកើនឡើង ៧,៤ភាគរយ វាជាកំណើនមួយ ដែលខ្សោយណាស់ ធៀបនឹងអំឡុងពេល២៤ឆ្នាំមកនេះ ។ កំណើនសេដ្ឋកិច្ច នៅក្នុងឆ្នាំ២០១៣ យ៉ាងហោចណាស់ ក៏បានកើនឡើង៧,៧ភាគរយដែរ ។
ប្រទេសមហាអំណាច សេដ្ឋកិច្ចពិភពលោកទី២ បានប៉ាន់ប្រមាណថា សេដ្ឋកិច្ចរបស់ខ្លួន នឹងកើនឡើង៧,៥ភាគរយ នៅក្នុងឆ្នាំ ២០១៤ ដែលនេះ ជាផែនការគោលរបស់ចិន ក្នុងអំឡុងពេល១៥ឆ្នាំ ។ សេដ្ឋកិច្ចចិន គិតក្នុងត្រីមាសទី៤ ឆ្នាំ២០១៤ (តុលា-ធ្នូ) បានកើនឡើង៧,៣ភាគរយ ។
លោក Frederic Neumann សហប្រធានអ្នកស្រាវជ្រាវ សេដ្ឋកិច្ចនៅក្នុងតំបន់អាស៊ី នៅ HSBC បាននិយាយថា កំណើនសេដ្ឋកិច្ចចិន សឲ្យឃើញថា ថយចុះជាជាងការរំពឹងទុក ៕
