បុរស២នាក់ រងរបួសធ្ងន់ស្រាល ដោយសារ ម៉ូតូរ៉ឺម៉កបុក រួចបើករត់គេចខ្លួន

កណ្តាលៈ នៅវេលាម៉ោង ១៩:១៥នាទី ថ្ងៃទី ១៣ ខែកុម្ភះ ឆ្នាំ២០១៥ ត្រង់ចំណុចមុខយានដ្ធាន គួង សុខលី ស្ថិតក្នុងភូមិតាខ្មៅ សង្កាត់តាខ្មៅ ក្រុងតាខ្មៅ មានគ្រោះថ្នាក់ចរាចរមួយបានកើតឡើង បង្កឡើងដោយ ម៉ូតូសណ្តោងរ៉ឺម៉កមិនស្គាល់ម៉ាក មួយគ្រឿង ជនរងគ្រោះ២នាក់រងរបួសធ្ងន់។

តាមប្រភពព័ត៌មានបានឲ្យដឹងថា អ្នកបើកបរបានរត់គេចខ្លួនបាត់បន្ទាប់បង្កសកម្មភាព ដោយធ្វើដំណើរ ក្នុងទិសដៅពីត្បូងមកជើង លុះមកដល់ចំណុចខាងលើ បានប៉ះអ្នកជិះកង់ពណ៍ទឹកប្រាក់ ឌុបគ្នា២នាក់ ក្នុងទិសដៅស្របគ្នា។

ជនរងគ្រោះដែលជា អ្នកជិះកង់ មានឈ្មោះ ពៅ ភេទប្រុស អាយុ ២៩ឆ្នាំ ស្នាក់នៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ (រងរបួសធ្ងន់) និងអ្នករួមដំណើរពីក្រោយឈ្មោះ សួង សៅ ភេទប្រុស អាយុ៣៦ឆ្នាំ រងរបួសស្រាល។

ជនរងគ្រោះ ទាំង២នាក់ ត្រូវបានរថយន្តរបស់ស្នងការដ្ធានខេត្ត ដឹកយកមកសង្គ្រោះ នៅគ្លីនិកឯកជនមួយ រីឯមធ្យោបាយ(កង់) ត្រូវបានសមត្ថកិច្ច ដឹកយកមករក្សារទុក នៅអធិការដ្ធានក្រុងតាខ្មៅ បណ្តោះអាសន្ន៕