ភ្នំពេញ៖ ក្រុមហ៊ុន Sinatra International Co., Ltd បានទទួលសិទ្ធិផ្ដាច់មុខជាផ្លូវការពីក្រុមហ៊ុន JACK DANIEL'S PROPERTIES, INC ក្នុងការនាំចូល និងចែកចាយស្រា Jack Daniel’s Tennessee Whiskey នៅក្នុងប្រទេសកម្ពុជា។ សិទ្ធិនាំចូល និងចែកចាយនេះ ត្រូវបានក្រសួងពាណិជ្ជកម្មកម្ពុជា ទទួលស្គាល់ចាប់ពីថ្ងៃ ទី១៥ ខែមករា ឆ្នាំ២០១៥ រហូតដល់ថ្ងៃទី៣០ ខែមេសា ឆ្នាំ២០១៦។
ក្រុមហ៊ុន Sinatra បានអំពាវនាវដល់បណ្ដាក្រុមហ៊ុនទាំងអស់ ដែលធ្លាប់នាំចូល និងចែកចាយ ស្រា Jack Daniel’s Tennessee Whiskey ឲ្យបញ្ឈប់ការនាំចូល និងចែកចាយ ចាប់ពីពេលនេះតទៅ។
ក្រុមហ៊ុន Sinatra បានព្រមានថា បើក្រុមហ៊ុនណា នៅតែបន្តនាំចូល និងចែកចាយស្រានេះទៀត ក្រុមហ៊ុន ស៉ី ណាត្រា អ៊ីនធើណេសិនណល ខូលអិលធីឌី នឹងចាត់វិធានការតាមច្បាប់៕
