Quantcast
Channel: ព័ត៌មានថ្មីបំផុត
Viewing all articles
Browse latest Browse all 8042

ក្រុមការងារ ទាំងពីរបញ្ចប់ ជំពូកទី៧ និងទី៨ជាថ្មី ដោយបន្សល់ ចំណុចមិន ស្របគ្នា ជាច្រើន ទុកឲ្យថ្នាក់ដឹកនាំ ដោះស្រាយ

$
0
0

ភ្នំពេញ៖ ក្រុមការងារ របស់គណបក្ស ប្រជាជនកម្ពុជា (CPP) និងគណបក្សសង្គ្រោះជាតិ (CNRP)បានសម្រេច បញ្ចប់កិច្ចពិភាក្សាគ្នា ទៅលើវិសោធនកម្ម សេចក្តីព្រាងច្បាប់បោះឆ្នោត ក្នុងជំពូកទី៧ និងជំពូកទី៨ជាថ្មីម្តងទៀត ដោយបន្សល់ នូវចំណុចមិនទាន់ ចុះសម្រុងគ្នាជាច្រើន ទុកឲ្យថ្នាក់ដឹកនាំ នៃគណបក្សទាំងពីរធ្វើការ ដោះស្រាយ។

ចំណុចដែលនៅសេសសល់សម្រាប់ទុកជូនថ្នាក់ដឹកនាំទាំងពីរធ្វើការដោះស្រាយនោះ រូមមាន ការហាមមិនឲ្យកម្លាំងប្រដាប់អាវុធ មន្ត្រីតុលការ ចូលរួមឃោសនាបោះឆ្នោត, ការកំណត់ថ្ងៃធ្វើការឃោសនាបោះឆ្នោត ជាដើម។

ថ្លែងប្រាប់អ្នកសារព័ត៌មានបន្ទាប់ពីបញ្ចប់កិច្ចពិភាក្សាគ្នា សម្រាប់ថ្ងៃច័ន្ទ ទី១៦ ខែកុម្ភៈ ឆ្នាំ២០១៥ នាវិមានរដ្ឋសភាជាតិ ប្រធានក្រុមការងារ និងជាសមាជិករដ្ឋសភា របស់គណបក្សសង្រ្គោះជាតិ លោក គួយ ប៊ុនរឿន បានមានប្រសាសន៍ថា ក្រុមការងារទាំងពីរបានបញ្ចប់កិច្ចពិភាក្សាទៅលើកជំពូកទី៧ និងទី៨ហើយ ប៉ុន្តែ នៅមានចំណុចជា ច្រើននៅមិនទាន់ ត្រូវគ្នា និងត្រូវគ្នាបានមួយចំនួន។

លោកថា “មន្ត្រីរាជការស៊ីវិល និងអាជ្ញាធរមូលដ្ឋាន យើងគោរពទៅតាមសិទ្ធិប្រជាពលរដ្ឋ និងសិទ្ធិនយោបាយ អីចឹងនៅពេលបញ្ចប់ម៉ោងការងារគាត់អាចចូលរួមឃោសនាបោះឆ្នោតបាន ដូចច្បាប់ចាស់ ប៉ុន្តែដោយឡែក មន្ត្រីតុលាការ កងកម្លាំងប្រដាប់អាវុធ មិនទាន់មានការឯកភាពគ្នានៅឡើយទេ។

សម្រាប់គណបក្សសង្គ្រោះជាតិយល់ឃើញថា ចំណុចនេះ មានការប៉ះពាល់ថាមន្ត្រីតុលាការ និងកងកម្លាំងប្រដាប់អាវុធ នៅក្នុងមាត្រាទី១៥ នៃច្បាប់បោះឆ្នោត ថែមទាំងមិនធ្វើការបោះឆ្នោតទៀតផង”។

លោក បានបន្ថែមថា មានចំណុចមួយ ដែលក្រុមការងារទាំងពីរបានឯកភាពគ្នាថា សង្គមស៊ីវិល អាចធ្វើការ បញ្ចេញមតិបាន ព្រោះថាគាត់ជាអ្នកសង្កេតការ ក្នុងដំណើរការបោះឆ្នោត ប៉ុន្តែត្រូវឈរក្នុងភាពអព្យាក្រឹត្យភាព។

ប្រធានក្រុមការងារ និងជាតំណាងរាស្ត្ររបស់គណបក្សប្រជាជនកម្ពុជា លោក ប៊ិន ឈិន បានមានប្រសាសន៍ថា ការចូលរួមជាមួយគណបក្សនយោបាយរបស់មន្ត្រីតុលាការ និងកងកម្លាំងប្រដាប់អាវុធនេះ គឺជាសិទ្ធិ របស់ពួកគាត់ជាប្រជាពលរដ្ឋ។

លោកថា “ព្រះសង្ឃ មន្ត្រីតុលាការ កងកម្លាំងប្រដាប់អាវុធអាចចូលរួមជាមួយគណបក្សនយោបាយបាន។ កាលណាចូលបក្សបាន អាចឡើងទៅជាគណៈកម្មការកណ្តាល តាមជំហ៊ររបស់គេ”។

លោកប៊ិន ឈិន បានបញ្ជាក់ថា ប៉ុន្តែបញ្ហាសំខាន់ គឺត្រូវគោរច្បាប់ គឺមិនរៀងចំរចនាសម្ព័ន្ធ បក្សនៅក្នុងអង្គភាពនគរបាល ក្នុងអង្គភាពយោធានោះទេ។

សូមបញ្ជាក់ថា ក្រុមការងារ នៃគណបក្សទាំងពីរ ធ្លាប់បានពិភាក្សាបញ្ចប់សេចក្តីព្រាងច្បាប់បោះឆ្នោតចាប់ពីជំពូកទី១ ដល់ទី៨រួចម្តងហើយ ប៉ុន្តែ ដោយនៅសល់ចំណុចជាច្រើនទៀតមិនបានទាន់ចុះសម្រុងគ្នានោះ ក្រុមការងារទាំងពីរ ក៏សម្រេចចិត្តមកពិភាក្សាឡើងវិញ ប៉ុន្តែ ក៏នៅមិនអាចដោះស្រាយបានទាំងអស់នោះដែរ គឺនៅតែមាន ចំណុចទុកឲ្យថ្នាក់ដឹកនាំទាំងធ្វើការដោះស្រាយបន្តទៀតដដែល៕


Viewing all articles
Browse latest Browse all 8042

Latest Images

Trending Articles





Latest Images

<script src="https://jsc.adskeeper.com/r/s/rssing.com.1596347.js" async> </script>
<script src="https://jsc.adskeeper.com/r/s/rssing.com.1596344.js" async> </script>